響團購網站發現$39/$68素食歐式套餐,
好抵食, 之前已經有聽過朋友講呢間素食餐廳,
新潮西餐+傳統款式自助餐, 服務OK味道都OK,
咁啱今晚無約人, 立即買黎今晚去試下！

訂左檯7:00, 去到唔使等位,
不過好Full, 客量好多, 我一個人要搭檯...

頭盤有三款, 先來了南瓜湯拼炸小麥饅頭,
南瓜湯清甜濃郁, 有口感,
炸饅頭外脆內軟, 好吃...

頭盤2 炸蕃薯, 茄子及炸錦鹵雲吞,
很脆口而不油膩

頭盤3 涼拌麻辣粉皮
如果嗜辣的朋友應該會不滿足, 不過我覺得辣度剛好,
粉皮爽口而不韌

主菜未黎, 店員已問要唔要小炒;麵醬油麥菜,
油麥菜好新鮮好甜！配合甜麵醬來炒原來係好好的配搭！

今天主菜是海鮮焗飯, 我改了意粉及黑椒汁
(掛住食影唔倒張相都唔知添...)
海鮮係素蝦同素帶子, 配菜有紫薯粒, 椰菜花,
意粉份量不算多, 黑椒汁味道調校得好好味, 不過一樣嗜辣的朋友應該不太滿足！

食到一半主菜我已經飽左, 不過我一向唔算大食,
如果食量比較大o既男士可能只係份量剛剛好。
食完成個主菜之後我已經食唔落糖水, 無食到>.<
$68蚊真係超值,
到場加埋服務費$20,
一個套餐有咁多款式, 平時去其他齋舖邊度有得咁食？

正！下次再黎！

每次不用上班, 我便愛到麗聲冰室吃個午餐,
小時候最愛吃會意粉, 現在好吃的茶記買少見少,
在麗聲冰室我找回了小時候的感覺,
必吃蕃茄會意粉系列。

這次我選擇了煎雞扒會意粉, 雞扒煎得不油不乾, 恰到好處。
茄汁每次來水準都不一樣, 今次屬於比較好吃的, 如果能保持每次水準一樣的話會更加分。

我在外國生活已久, 剛剛回來, 記憶中在念高中的時候, 日船章魚小丸子是好受歡迎的。
這次回來發現, 日船已經沒多家分店了,
有的小吃店會有小丸子買, 但味道卻真的一般,
燒得太乾的, 太燶的, 不夠脆的, 味道不好的, 都有。
在旺角閒逛的這天, 我終於找回小時候的日船口味了。

這家店面好細小, 日船已不再只賣小丸子, 還有飲品, 有其他小吃, 麵食。點了一個套餐, 6顆小丸子拼一杯飲品, 盛惠$21。
小丸子外脆內軟, 每顆內裡都會包裹一顆章魚粒, 還有椰菜之類, 好味^^
珍珠奶茶好味, 不太甜, 剛好。
以前一盒小丸子只要$8-10, 現在已升價到$16了, 不過值得。