疫情緩和後真的需要和好友好好聊天聚會。 既想豪情任食又想坐得舒服和好友無限時聚會，綜合來說，淥鼎記這個選擇很捧！ 人均大約$300，可以先點酸菜魚鍋品嘗，湯頭濃郁但色澤金黃，鮮魚彈牙而且不會過薄，夾起來不鬆散。酸度適中而且份量足夠。讚！ 主打任食火鍋而言，食物選擇多。瓜菜類有十多款，豬牛雞羊海鮮均可用手機點餐。推介牛，肉質彈牙有鮮味。單是飲品雪櫃已有3個，整體而言我們都很滿意。 特別推介日本蠔火鍋用。蠔身飽滿，有鮮味。 這次因為我們點了酸菜魚，同行朋友不能吃太辛辣所以沒點麻辣火鍋，但豬肉鍋也不錯，鍋底共有4個大骨桶，非常滋味！

旺角同類的牛扒店越來越多，但這家無論是位置數量、牛扒質素及飲品選擇種類都比其他好。店內有3款牛可選，分別是西冷牛、牛肩肉及磊牛扒，今次買左西冷牛120g試下先。 先講店內環境整齊，店員好快咁執拾場地。自助區有海帶麵豉湯、白飯及3款凍飲可無限自取。我試左菊花茶，味道適中，不濃不淡。 120g的份量適合女生多點，西冷扒不算多筋，有牛味。最抵讚係因為塊鐵板好夠熱，食到最後都仲可以整熟牛扒。呢一點好重要，我食過深水埗好出名果間，食到一半塊鐵板已經唔係咁熱。

開業多年終於有機會去試試。 當晚坐滿人，見到幾枱客人都點和牛併盤，我都忍不住試試。 大約有10個部位既牛，推介牛舌同澳門牛，好滑，油脂分佈平均，入口即溶。配上少咸既醬汁，好味！ 韓燒必點豬五花，肉質彈牙而保留到水份，份量多，完全足夠兩人食。 水冷麵係我成晚最推介既，食過香港咁多間水凍麵，呢間真心係最貼近韓式風味。麵質好彈牙，如果湯汁更酸一點會仲正！食完熱氣韓燒非常適合點呢款麵，完全另一個體驗。 席間免費供應生菜同凍茶，好貼心，淨係呢樣都慳返唔少錢。

今日同男朋友去食Le viet旺角店，意外驚喜。 牛油雞翼少不免會用不少牛油去炸，但因為炸果時油溫高，完全做到封鎖肉汁而且不過份油膩，口感香脆。 金不換白酒煮蜆配法包 白蜆肉粒粒都好大粒，漲卜卜咁，一口咬落下有海鮮味出黎。無沙、有淡淡白酒香停留在口內。初頭覺得配法包怪怪地，但食落又出奇地夾，法包沾少少白蜆汁，既鮮味又有酒香，好味。 香茅燒豬頸肉撈檬 份量很大，起碼有9塊豬頸肉，豬頸肉肉質彈牙，外皮微焦而肉汁仍保留到。 撈檬既汁酸甜度適中，可以自己決定落幾多。 越式火車頭酸辣鍋 牛肉、牛腩好淋，酸甜度好平衡，不過份量細左d。 芒果糯米飯 椰汁調節得好，糯米煙韌但不黏牙。芒果好好好甜。

奶奶生日，同事介紹我黎呢間台式料理店，本身擔心同長輩食台式野會唔會唔夠得體，但睇個餐牌，大部分菜色都好特別同有心思，雖然價錢算是中上消費，但非常值得！ 先黎麻油雞湯（半隻），我地4人每人飲左兩碗。第一啖感覺到濃濃的薑味，跟住雞肉的味道湧出來，湯頭豐硬又能暖身，好有水準！ 台式三併揀左蛋黃小卷、鴨舌同鹽水鴨。 蛋黃小卷功夫野，裡面是加了豆角的咸蛋，外面是雞蛋白，配上沙律醬而食，口感清新而帶有淡淡的咸蛋香。 鹽水鴨是我老公最喜歡的一道菜，鴨肉雪凍才切，連軟骨都可以咬開，配上白醋而食，好開胃。 花雕蒸膏蟹，我覺得最好味既一道菜！ 極濃郁的花雕味，而且花雕酒與蟹互補，可解蟹涼性，最佳搭配！你睇下佢幾多膏，不得了～好好味！ 呢個係同事介紹既隱藏菜色，將食完的花雕蟹汁用黎炒新竹米粉，米粉吸收左花雕酒和膏蟹既鮮味，食完直頭想好似家燕姐咁轉身😂😂😂非常推介呢個隱藏菜色俾大家。 秘製糖番薯 黃心番薯加上蜜糖經過慢煮之後，每一舊番薯都好軟林好入味，唔算太甜，但一人一舊適可而止😝 每道菜都唔易在外面食到，而且食物質素好高。當日平日仍然坐無虛席，多謝同事介紹，下次一定要再去試其他菜色。

平時最鍾意打邊爐，打邊爐就一定要有牛，由於之前嘗試過在大陸吃過潮汕牛肉火鍋，有食過都知道潮汕牛肉火鍋重點就是有很多不同部位可以選擇，當我知道^^616米子^^也有很多不同部位選擇，所以即刻去嘗試一下個究竟。 入去第一眼已招牌吸引，^醉生夢醒完全符合這裏的主題，再見到幾個手工啤酒釀製筒就知這餐一定醉生夢醒。 我們一行4人，鍋底點了熔岩沙嗲併牛骨湯底。牛骨湯底濃郁美味，我最喜歡這個熔岩沙嗲真係好熔岩。心得係煮牛丸、蔬菜同稻庭烏冬的話，最適合放落去沙嗲湯底，好入味！正！ 牛肉方面點了匙柄，牛駝峰，雙層肉，牛舌，黃喉，滑尾龍，手打牛丸。 匙柄$48肉味夠少肥，啱晒做gym人仕。 牛舌$58嫩滑不可不試。 牛駝峰$48脂肪豐富，更顯牛味濃郁。 麥子既手工啤酒🍻，有飲開手工啤都知係好野，我點了琥珀真情，啤酒味更濃，帶一點回甘。

地鐵行落去大約5分鐘，好方便。沒想到在餐廳外的裝潢都咁有特色，感覺好像步入另一個空間咁。 店內空間好寬敞，心諗下次開party可以考慮呢度包場喎！ 自助吧枱佈滿沙律前菜。「自助」呢家野，總有好多魔力，可以自選食物及份量，不浪費之餘又令客人興致提升！最喜歡佢既水果沙律同沙律菜，好新鮮！ 黑松露磨菇湯 很好喝。刻意不完全打磨曬裡面的磨菇，令湯頭更有口感，加上濃濃的黑松露，口感更豐富。 香煎帶子黑松露意大利飯 滿滿的芝士粉、脆卜卜的魚子對於黑松露意大利飯來說，完全加分。飯粒偏硬，符合意大利飯烹煮標準，黑松露份量充足絕不吝嗇。炸金菇伴碟好有心思。 墨西哥豬肋排骨 醬汁微酸帶甜，好開胃。排骨肉質軟淋。份量好多，適合2-3人享用。芝士瘋薯好好味，滿滿的芝士加煙肉碎，好香口。 加$5轉叫梳打系列，色彩繽紛，濃淡適中。

男朋友早放工，諗住倆口子打下邊爐輕鬆一下～但往往因爲人少，火鍋配料不可以多叫。今次我地決定去以人頭收費的六十六十火鍋去吃海鮮大餐。 選好湯底、8款海鮮、6款火鍋配料，數下數下原來食到15款食物（連埋湯底果隻文昌雞），大滿足！ 店內卡位多，好有私人空間，部分長枱亦可合併，適合不同類似的聚會。（坐我地隔離既係一班一齊賭夜馬既大男人😂一邊打邊爐一邊研究馬術，好像好正！ 餐具一應俱存，完全唔需要追問侍應拿。 咁多款海鮮中，最推薦以下食物： 多膏奄仔蟹，小蟹殼比較脆，食起來較容易，蟹膏多而且好新鮮，放在椰汁湯底中烹煮更能提升鮮味！湯底亦同樣鮮埋一份，正！ 黃油蜆，本身以為都係平時食開果d蜆～ 點知食果時完全唔同既感覺，蜆肉漲卜卜咁，吸收曬湯底的精華，咬下去時湯汁連鮮味都爆出黎😋😋😋😋😋 流浮山生蠔 根足職員的指示煮，口感非常滑溜，肉質飽滿。2人份量十足。 花膠未煮時偏硬，煮好之後吸曬湯底的精華，是女生必點菜色。 青檸仔用黎沾肉食，味道新鮮清香。細心位係店家只是輕輕在檸仔界一刀，擠汁時不會把核擠出來。 這個價錢可以食到咁多份量而且咁鮮味的海鮮火鍋，正！下次會帶家人黎試試。

在銅鑼灣附近做完野，男朋友話帶我去一個新地方。
心想:中日意美法，都差不多喇~結果有心思的他原來帶我去吃西班牙菜~WOW~西班牙融合了地中海和東方烹飪的方法，喜用濃郁飄香的橄欖油去迫出食材的精華，而且對於食材的配搭亦非常有創意。
位於樓底高的大堂之內，裝潢簡潔而型格。 這次兩人點了一杯Cocktail-2G Rich Kid(二世祖~haha~) 由Bacardi Ocho,Falernum,Pineapple Shurb,Honey,Lime, Mint,Egg White,Witiber混合而成，喝下去先有飲話梅的味道，之後再有酒的味道，用菠蘿和青檸作次調，令呢杯Cocktail味道更有層次。 Potato Tortilla 在西班牙和南美洲各國，tortilla指的是一種圓形的餅，配料是雞蛋、馬鈴薯等，一般作為開胃菜或小吃。通常稱為 tortilla espan~ola.沒想到這家以cocktail為主的輕食店竟然有。 蛋餅外皮輕煎但不油膩，厚厚的蛋餅裡有兩層薯條，蛋香濃郁，個人建議與伴碟的風乾西班牙脆腸一拼吃，讓脆腸的咸味和蛋餅的清淡混合而吃，味道更佳。 Ham Croquettes

這道菜是非常非常好吃! 而且好抵食，只需要$45
炸得剛剛好，沒有油膩感之餘外層炸得很脆，濃郁的奶油和打碎的白毛豬肉碎混合，口感豐富。
男朋友說這裡每樣菜色都是功夫多，看似平淡但廚師做了很多功夫。激讚! 蒜香蝦
濃郁飄香的橄欖油能迫出蝦的鮮味，沾麵包吃非常好吃!

小小兩件一份，配上醃漬青瓜，適合女生點。
濃郁的牛肉汁加上芝麻香~好味~ 醃漬青瓜也不像一般的酸，可以好好的去掉之前用餐的飽滯感，棒!

今天約了舊同事食飯，由於唔知食咩好所以先約定潮流特區集合。見面後有朋友想食辣野，於是就OpenRice 一下，發現一間較為人氣的川菜—老川皇，看她評語不錯，所以決定一試。 我們一行4人在沒有預約情況下到達，發現已有2,3張要輪候，好在不到十分鐘已被服務員10分友善地安排入座。順便一提，室內環境10分清潔，擺脫了以往川菜店內環境都會有油油的感覺。👍👍🏻👍🏾 因為我們4人都愛重口味，所以我們選了較為辣的菜色。先來水煮魚$138/斤，我們要了一斤中辣的，魚肉夠滑，骨不多，容易入口。 蒜泥白肉$58 蒜味夠濃，夠辛，與豬腩肉成強烈對比。perfect match。 干鍋田雞$98 明火鐵鍋上菜，能夠保持溫度，干鍋一定要明火先好食。田雞肉嫩夠鑊氣，如果田雞切大舊d就好喇，真係好正！推介！ 搶炒土豆絲$58 食辣野必叫菜式，完全食到師傅功架。土豆絲口感較爽，少許咸同辣味。 一個字夠鑊氣，係3個字先啱。😂