OpenRice訂枱會有房。食物好食不在話下，特別喜歡牛魔王，貢丸及糯米飯。雞煲寫到話好食，本人就覺得一般。職員會細心安排，又幫我地分蛋榚及合照。比著其他香港餐廳，員工會黑口黑面。我最後俾少少tips職員，我係香港會好少做。證明今晚真係服務一流

匆匆忙忙同拍擋係尖沙咀工作後,大家都想停底飲杯咖啡☕️休息下. 竟然大家行下行下俾我地搵到個好地方可以嘆呢～ 裡面環境舒適,咖啡豆味道唔錯,價錢性價比又高. 咁好既精品咖啡舖,真係難得俾我地遇上啊❤️！聽聞個老闆剛滿18歲就開這間舖,所以咖啡舖個名叫‘Courage Eighteen’,中文意思應該係叫‘十八歲的勇氣’🤔. 望見千禧年既後生仔咁有志氣去開舖創業,真係要用行動去鼓勵同支持💪🏻.等班後生仔女唔好覺得係香港社會上,讀唔到書就唔去努力為自己人生向上爬. 加油！我一定會再嚟.

如果得1個鐘頭放午飯,不會建議你去. 12:49叫. 13:20招牌麵先到. 等咗超過20分鐘. 仲要,小姐個刻放低碗麵唔出聲,當冇件事,真的有點火. 食物質素一般. 唔明點解話依間舖親民. 只覺得人手不足.

一行12人包房打邊爐.上6樓vip房,環境舒一服,有獨立洗手間,電視,sofa.幾好!原本想與朋友好好enjoy一晚,但餐廳有很多陷阱,真要切記小心!食物方面,有特色,特別係不同種類既餃子,比其他一般打邊爐地方顯出創意,但份量及質量一般,係灣仔區中上價錢.如果要抵食,有質數的話,這間上樓鋪,非我選擇.因為當結帳就會發現,茶位,冇問就有既皮蛋薑+青瓜,醬油,每樣計,但還可接受.不過,bonaxxx礦泉水,lee度就要18蚊一支.仲有態度差,自把自為既服務員,收茶位,但唔會提點客人.又未經客人同意,食食下嘢熄燈送上蛋糕.似趕客走,多過誠意.最後埋單60xx蚊,白單清楚列明每項,但簽卡送上78xx蚊單,细细張,夾埋一齊俾我簽.好彩我一向细心睇清楚先埋單.但數字上差距太大,收銀員,服務員都可以留意唔到,又唔道歉.不值得再嚟.