難得拖女兒回港放暑假，帶她見見老朋友，相約了在圍方千両食午餐，老友叫了壽司定食，亞女叫刺身定食（竟然有隻大生蠔，超正），而我則叫了百両定食。另叫了三杯飲品，定食有配水果茶，要飲凍咖啡，加8蚊而已。 食物、環境、服務、價錢（百多元一位，好抵食），都很不錯，以後在港時，又多一個開餐好去處了。

在圍方午餐後，四處逛逛，看到這間的甜品，買回家做宵夜甜點，蜜瓜波波（女兒形容，只是一般，不難吃，也不算很好吃），抹茶千層，內有紅荳，抹茶味濃，但、千層皮不軟，有點硬，對個人口味而言，應該沒下次。

這幾年都有很長時間待在台灣，每年回來兩次，得知圍方已開幕，過來逛逛，看到洪瑞珍，過來買幾份三明治做翌日早餐，翌日拿出來，回溫一會才吃。 個人口味而言，麵包不夠軟身，入面也沒有甚麼餡可言，班蘭味道也不突出，有點失望。

這餐廳，自從我2015年與舊同事嚟過食午餐，食唔飽後，已經冇再嚟過。今日約了兩位親友，上Openrice搵餐廳時，見到食評唔錯，心諗，難道已有進步，又番嚟試吓先。 等位等咗半粒鐘，坐低落完Order後，等咗好耐，食物才上檯，三個人、三個餐，但餐廳就把食物放在兩個食盤上，即係有一個係冇食盤的，仲要自己搵番自己叫的食物，我叫了鰻魚配貓飯，鰻魚在A盤上，貓飯在B盤上，古古怪怪似的，都算了。 落單時已叫的飲品，只上了一杯，另兩杯，在我食飽後都未上檯，等了一陣，不對勁了，跟侍應追單，侍應問我叫了甚麼飲品？我說熱Latte、凍屋子咖啡，順便落多兩款疏乎厘（即舒芙雷）講完後，又在呆等，（最慘係，水都冇杯），食物碗碟又唔收走，等到谷鬼氣，再跟另一位店員追飲品，終於有嘢飲了。 知道這餐廳都是要呆等的，趁等候期間，同表姐出去附近士多買點東西，當時姨甥女仍在餐廳坐著的，幾分鐘後，我們買完嘢回來，甜品都未到，姨甥女告訴我，店員見到我與表姐外出時，已即時拿賬單給她，姨甥女告訴店員 甜品都未上噃！好像驚我們走數似的，接二連三給我們的感覺都很差。 港台兩邊住，也是正港台灣人的我，老實講，這類西日式餐廳在台灣通街都係，即使台灣人的生活步伐較悠閒，都唔會Hea到咁，對我而言，這餐廳的食物只屬正常，真的沒甚麼特別驚喜，不值得我這樣排隊，也不值得這樣呆等食物、飲品，這間真的不會再有下一次。 店主能看到這食評的話，真心希望店主改善食物上檯的速度，漏單情況，也請店員留意幫客執走吃完的碗碟或盤子（會阻住...上甜品的位置），還有，不要把客人當成會走單的人，這樣待客，真的很不尊重。

女兒回港放暑假，在如心酒店隔離，為了慰藉她的身心，最佳方法是叫頓她喜歡的美食給她，在外賣平台見到這間餐廳的食物，都是女兒喜歡的，也試試吧！ 叫了一客香辣煙鴨胸炒意粉（她說少許辣，但煙鴨胸肉不會只得皮，係有肉食的，也不會做到很嚡口，好好味），升級了龍蝦湯（好飲的）＋鵝肝醬多士，套餐更有意大利芝士餅（不會過甜，亞女話好味），餐飲叫了凍檸茶。 另叫了3隻美國太平洋生蠔（外賣有膠袋放冰墊著，不用擔心天氣熱，在運送過程會變）及多叫兩杯凍檸茶給她。 下午茶時段叫外賣，減去優惠碼後，這餐才＄171.5，抵食之餘，女兒也有讚冇彈，對於正在隔離的她來說，真的是「苦中一點甜」，謝謝餐廳的用心制作，有機會，我也會去親身試試。

與兩位舊同事聚會，他提意過嚟極品開餐，我當然贊成囉！這小店，我與家人已經幫襯好多年，要食泰菜，都會想起她，喜歡這兒的食物及老闆娘的親切感。 今晚三個人，訂了6點檯，因其中一位舊同事早下班，我們也提早會合，17:40已入座。 叫了生蝦、必食蒜蓉包、木瓜沙律、香葉肉碎飯、生菜包、燒牛肉、炸皮蛋及飲品，埋單600有找，抵食又好食。兩個大男人聊天興奮起上來，聲音有點大，真的有點不好意思😅。 食飽坐咗一陣吹吓水，7點左右，見到店外有人疑似等位，雖然店家沒趕我們走，但、我們都識趣的起身走人，小店要靠翻檯才能有錢賺，這個道理，我們都明白的，只希望這店長做長有，我們又可以番嚟食喇。

5月14日，約了三位家人食飯，月初嚟過Su Casa，印象Okay，就去番呢間吧！ 叫了必食生蠔、鵝肝多士，我Order了每人4隻生蠔，每人一份鵝肝多士，這兩樣依然沒失望。 唯主菜的炭燒牛肩扒，叫五成，上檯後，我細佬切開，比我們看到，七成都唔止，他說好嚡、好難食。 我叫魚子三文魚飯，初頭幾口，味道都唔錯的，食多幾啖，開始有點膩了。 表姐叫了意粉，吃了幾口已停手，最後她帶外賣盒拿走（唔知原因，係太飽？還是唔好意思，唔想浪費？） 表弟叫了無花果豬扒，他全部食曬，是很好味？還是因為等得太久？太餓？這個就不得而知了，只知道佢等到好冇癮。 翻看照片拍攝時間看，由18:35上餐湯，呢份主菜要一而再催單，19:30才上檯。 今次試埋炸軟殼蟹，很酥脆，味道都Ok的。 也試了這兒既Cake，我與表姐也是Order柚子芝士凍餅，味道清新，甜度剛好，不會很漏。 兩位男士都是叫藍莓芝士凍餅，有食曬，應該都唔差。 但比較上一次過嚟，當時只得三、四張檯，主菜水準及上檯時間較快。今次係星期六晚過嚟，人太多，等候時間太長，主菜也較失望。 埋單＄2,300幾，呢餐係我幫表姐補祝生日的，本應開開心心的，就被等候主菜既時間及主菜既水準，破壞了大家心情。 總括兩次過嚟的經驗告訴我自己，假期人多不要來，即使再來，都唔敢再叫主菜，叫多一些生蠔或小食好了。至於侍應服務，態度是Okay的。

因抗疫關係，老媽已很久沒出門，她說好想飲茶，嗱嗱聲上網做功課，睇吓邊間酒樓的防疫做得較好？點心也好吃的？搵到富東閣。 這間酒樓，我只來過三次，等位，掃碼，掃針卡，量體溫，消毒雙手後進去，比咗張二人檯我們（當時未放寬可四人的），冇搭檯，檯與檯之間密度不算擠迫，食具也有在大熱水中烚著，拿給茶客後，仍摸到食具熱辣辣的，當然，話曬都經過職員既手，自己再用酒精濕紙巾擦一下，會更安心。但、這酒樓的防疫工作，已經做得很不錯。 請番點心，我只隨便影咗4張相而已，蝦餃與香茜餃都皮薄餡靚，其他點心也做得不錯，想飲茶時，可以番焯的。

自從移居臺灣後，十分想念港式日常食物，更傻得自學了沙嗲牛肉，以安慰自己的口慾😂。在臺灣，近幾個月，在竹北大遠百（遠東百貨）Basenent，都開咗間檀島（但是否與香港檀島有關？這個我就不得而知了），番開嚟香港，過嚟灣仔辦些文件，順便嚟檀島朝聖，食個常餐、蛋撻及嘆杯靚啡，對上一次過嚟，睇番Google Map已是八年前了。 香港茶餐廳通街都係，做得好的，比比皆是，它到底有何獨特之處？ 食後感....檀島煮食的基本功打得好，還有與食客的互動（Cashier靚姐與我老媽吹水閒聊），還有一般茶餐廳看不到蛋球、沙翁（兒時在酒樓也能吃到的），這都是我們值得懷念既地道香港人口味及人情味，可能係這個原因，在疫情下，對檀島依然沒影響。

與大表弟食飯，他公司在石門，就過嚟石門搵食，在Openrice看到這間Su Casa，咦～有生蠔食噃😍🤤，就呢間喇。 晚上18:00到達，單從外面看入去，吓？咁似茶記既？？安慰自己，既然人都到咗，唔好諗咁多！ 進店後，安排了坐弧形卡位，再細心看看，原來環境都唔差的，出嚟食晚餐，食物、服務及環境都好緊要的嘛！😂 主食，我們叫了帶子南瓜忌廉意大利飯（好好味）、無骨豬扒配薯菜，另叫了8隻生蠔（有4隻跟餐加錢點的。／有4隻額外點的，買一送一）、炸蠔、香煎鴨肝配多士Share嚟食。 埋單連加一＄858，以上每款食物都做得不錯，連餐湯也好好飲（平時在外面餐廳，那個餐湯，我都係飲兩啖便放低，呢間既餐湯都被我飲光😂）及即磨咖啡（有豆香）。 【後話：把食物照片傳比女兒，她即刻呱呱嘈，冇佢份🤣，好喇好喇，等她放回港暑假，再帶她過嚟吃好了。】