嘉樂冰廳(荃灣)

上次食唔到呢間嘢, 今日嚟荃灣,一 定要試下
今天2:15PM左右都有好多人排呀~ 好勁呀, 呢間人成日都咁多人既~
等咗20分鐘,終於有得入嘞~
呢度D人全部都係食奄利架~仲有就係阿華田奶昔
就等我試下啦~
一份細奄利18元, 但己經好大份,好厚, 加埋PEPPER 仲好味喎~
(鍾意食蛋及奄利既人,一定好LIKE IT ) <究竟佢吔用咗多少隻蛋嚟做呢份奄利呢?)
咁食法, 膽固醇一定過高, 仲要用好多油去煎架~ 肥死定.....>_<

阿華田奶昔($20) , 好貴呀~ 但好好味, 好濃既阿華田味道, 正呀~ 又滑WOR, 但就貴咗少少丫

奶茶(茶走) 味道係奶味多過茶味, 不好呀, 我鍾意茶味多D, 不過都唔係太差既, OK 丫

鮮牛肉蛋包(烘底2元) , 蛋好厚, 呢隻蛋反而有香味, 感覺似在家自己做既蛋治囉~ 牛肉都OK既但係我昨天係昌記食既牛肉好多得多^^

總括說來講, 試過一次就夠,其實係好平凡既食物, 在家也能做到, 除了阿華田奶昔出色之外~ 其餘也是不般貨式~

不值得排咁耐才能食既餐廳丫

日出茶太(銅鑼灣)

成日經過呢度只係飲過佢既十勝紅豆,今天我就要試下宇治金時
$15 一杯, 沒有珍珠, 只有紅豆喳
好期待, 等咗一陣... 有得飲丫
第一啖, ....就知不是我杯茶
味道偏淡, 紅豆不夠, 還有就係我覺得佢好似"叔"咗咁, 但男友話無喎
所以照飲丫, 但味道真係一般喳~
我唔會再飲丫

和櫻屋(跑馬地)

因為係昌記食不到我想食既食物，好唔開心呀～
honey 知我想食布甸,我吔就咁就嚟咗嘞
門外白色,店內細小,但佈置得十分精美,廚外看見很多布甸,花多眼亂~
但我就鍾情一樣布甸.... (綠茶味) 有特濃同綠茶既分別,我問外賣既姐姐,姐姐話特濃係用豆奶做既,綠茶係用牛奶做既~
我即刻要咗豆奶做既布甸, 因為太飽無即時食呀, 姐姐幫我pack得很靚, 我就係咁拎走lu

行咗一陣就打開把它食掉了, 好滑好味, 口感似燉蛋, 好好味, 又唔甜喎

食完好滿足好開心呀~ 不過32元一杯又真係好貴喎~

昌記(跑馬地)

原本去朋友家,怎料朋友既囡囡病了
即刻揾節目,上星期日想去昌記,但因為休息呀所以無去
今日專登嚟呢度食嘢~
2:00 嚟到都咁多人,仲要等位
一坐低,阿姐話吋半厚,雞翼,通粉,雪菜都賣晒...好唔開心呀
人吔一心嚟食雪菜肉絲通粉和半吋厚多架嘛....唉
無計啦
我同朋友仔+男友
叫咗紅腸牛肉雙蛋出前一丁(28) x2, 砂油多 ($7), 沙爹牛肉三文治,奶茶(茶走)
我吔等咗好耐才嚟杯茶走, 好有茶香,可惜太甜啦, 下次要少甜先得
紅腸牛肉雙蛋, 紅腸淋咗, 不是太好味喳, 牛肉好味呀,似鮮牛,不似"拿"過~ 好味丫
出前一丁面好爽口,好幼細好正呀~ 我第一次係出前食到出前一丁係咁爽同幼細架~

多士等咗差不多20分鐘才嚟,砂油多雖然不是太厚,但都好味既, 但我最想食係吋半厚多士


沙爹牛肉三文治 好正,烘底,好好味, 牛肉又正,包又脆, well done ~

不過度d人好無禮貌又惡,等食物又耐, 若然試咗半吋厚多,都不會再嚟呀~

唐順興(灣仔)

今晚加料丫, 食燒鴨呀~
呢間嘢食咗好多次呀~
個味道都ok, 都幾好又唔差, 最緊要就係平, 一點也不貴丫
如果想加料, 呢間都係不錯之選

百樂門宴會廳(香港仔)

來到香港仔做嘢,又一大班人當然難揾地方坐啦
我吔14個人訂枱食午餐~
叫咗40籠點心,二碟菜,一碟炒飯,一碟炒面

不如等我講下,好味既食物啦
魚湯浸菜, 魚肉好淋,無味, 菜ok
蝦蛟,好味, 皮薄蝦肉夠味
燒賣,太多肥肉,not good
蒸蘿蔔糕, 都ok 夠味, 淋身~
燕麥栗子包,第一次係酒樓揾到呢類包食架, 又幾好味,好有栗子味呀~
豆苗鮮蝦蛟, 好有菜香味,蝦身爽, 好味呀
鮑汁鳳爪, 多膠質又入味, 都幾好丫~
雙皮奶,其實都幾好味丫~ 但好甜呀~ 如果不是太甜就ok既

咁大班人食咁多嘢, 都唔貴呀, 幾抵食架

奇華餅家(銅鑼灣)

今日去睇下買咩東西比朋友之際　
見到奇華做推廣呀~ 9元2個紅豆餅或朱古力餅
我同男友一人買一個呀
紅豆味~ 第一次食奇華既紅豆燒餅,但就覺得佢既燒餅做得不夠美心好
因為唔多似日式呀~
味道都ok , 紅豆料都豐富, 作為一個早餐也是不錯之選丫

美心西餅(西環)

爸爸正日生日的日子,我吔買左一個超誘惑魔鬼蛋糕嚟食呀
我之前食過天使蛋糕 就覺得麻麻地, 因為我不太愛食天cream呀~ 所以就覺得一般喳.
今次我就想試誘惑魔鬼蛋糕~ 做又估唔到咁好味, 阿爸仲話蛋糕彈下彈下呀, 又真係幾好喎~
好彈好鬆軟呀~ 朱古力味重又不太甜喎, 真係好味呀~

第一次食蛋糕係食完一件再想食第二件架~ 今次有這樣的衝動添... 忍不住又再食過呀~

朱古力碎碎好好味, 好脆呀, 蛋糕又好味喎, 好想再食呀

南記粉麵(銅鑼灣)

買完飲嘢去咗食Dinner:mad
朋友食3號仔, 豬腩肉小窩米線
我就食牛丸八爪丸米呀~
呢度既牛丸好好味~ 好彈呀~又爽口喎~
朋友強比豬腩肉2片給我食呀~ haha, 其實豬腩肉係好好味架~ 但太肥嘞~ 所以只係能食二片喳~ hehe

我食既八爪魚丸就差咗d, 因為八爪魚丸好多肥肉呀~ 我至憎呀.... 下次唔會試呀~

但牛丸就好好味呀

日出茶太(銅鑼灣)

夜晚做完FACIAL, 同友經常這兒,想買飲品,
又見有出新嘢, 朋友提議買來試下呀
$16 濃香芋珍珠奶 20%甜..
WAH~ 第一啖, 好甜呀~
珍珠好有感呀,好好味, 真係好好咬呀
但香芋味就有點不像呀~ 似粟米湯味呀...
珍珠好多呀! 雖然甜, 但不經不覺就和朋友飲下飲下就.... 完呀...
朋友都覺20%甜,都好甜呀, 下次要走甜會安全一點丫

彩福皇宴(銅鑼灣)

上次食過龍蝦仔好好味~
今日趁爸爸生日帶佢來試試
一行六人食咗好多嘢好豐富好滿足~
# $28 一隻龍蝦仔 (二人只能叫一隻) 我們六個人有3隻 , 好新鮮好多肉好好味呀~
# $188 雞燉翅, 雞湯好濃好好味, 翅又豐富, good ar
# $198 羊腩煲 配四隻扇貝(另加2隻) 羊腩煲就麻麻地, 唔夠惹味呀~ 味道一般, 扇貝都ok新鮮
# 海參鮑魚鵝掌煲, 好正, 鮑魚夠入味, 鵝掌夠淋, 好有膠質, good~
# 干燒伊面, 味道好, 阿妹話酒樓既干燒伊面最好味呀~
#$88元六隻壽包, 好大隻好好味,好滿足呀~

埋單10xx , 不平但用料都ok架~

貢茶(銅鑼灣)

最近係cwb 開咗貢茶, 由九龍區進軍港島區~
即係以後不用係旺角才有得飲了
今期試咗洛神花~ 山楂洛神花味道似酸梅湯咁~
但我不愛飲~ 而且微甜也覺很甜~
我和男友並不飲賞它~
下次都係飲番金桔檸檬

hehe~ 即係每一間台灣飲品有我所飲的東西~

日出茶太(銅鑼灣)

自從飲過十勝紅豆奶茶後, 自此愛上
原因很簡單的, 是因為它們的奶味不重反而茶味夠
加上珍珠好煙"um" 好有口感 , 配埋紅豆, 真係好正
因為我愛紅豆同珍珠, 加上又不甜, 正正附合我的要求
所以每次出街都會飲呀~

實在太好味了

UCC Coffee Shop(銅鑼灣)

數數手指都有好耐好耐無食過UCC 既沙律吧同窩夫了
今日先要多謝OR既戲票, 另我可以有時間係UCC CAFE歎咗個豐富Lunch
我和男友1:45嚟到, 原本只係食Tea, 但因為距離食TEA既時間都幾遠,咁我唯有食lunch啦
(仲好啦, 可以食沙律喎, 但只不過因為今晚會食大餐,唸住食窩夫就算,結果... kakakaka 忍不到, 食埋沙律添)
二個人叫了一個Lunch Set, 煙肉忌廉意粉, 第一次食忌廉煙肉意粉,我平時食開都係海鮮意大利飯或墨汁意粉既...
因為男友不愛吃海鮮, 我當然比佢話事啦,估唔到又幾好味喎, 好惹味又creamy, 有磨菇片,煙肉片不過就喊咗少少
但整体係ok既~ 沙律吧~今次食少咗薯蓉(因為要留肚食窩夫呀~)kakakka

今期有新推廣呀~ 咖啡焦糖雪糕窩夫 和 蘋果窩夫,平時我食開紅豆栗子窩夫,但見有咖啡焦糖窩夫好想試下
結果揀咗 咖啡焦糖雪糕窩夫, 啡色既窩夫放係我面前, 一開四件, 還有雪糕給cream 作伴碟
咖啡焦糖味,好好味呀, 好有咖啡味, 原來佢咃既餅粉都用咗咖啡味, 個感覺好好, 好香 配埋焦糖加雪糕更加yummy ar~

飲品: 熱咖啡~ 香濃幼滑咖啡劃上完美句號~

我好想再短時間嚟多一次添~

星巴克咖啡(銅鑼灣)

今朝返工前,因為太攰好想飲番杯LATTLE去刺激一下今日的工作狀態
買完即刻返公司食住個包飲咗GREEN TEA LATTLE, 真係份外精神及開心.
綠茶味道剛剛好, 甜度亦沖得啱啱好,
呢杯LATTLE ,真係令到我好HAPPY