OpenRice 主頁      English OpenRice      TableMap      開飯遊踨
   中文 | English
技巧樹熊
我是住在土瓜灣的技巧樹熊。我在柴灣工作。我最常於太古土瓜灣荔枝角出沒,最鍾意泰國菜日本菜意大利菜迴轉壽司店中菜館酒樓自助餐火鍋海鮮
食評會員 13次成為首位寫食評會員
食評數目 食評數目 1448
編輯推介數目 編輯推介數目 74
食評被推次數 會員推介次數 7567
人氣指數 人氣指數 9538
討論區留言 留言數目 71
上載相片 上載相片 25191
上載影片 上載影片 45
我的推介食評 我推介的食評 4781
我的餐廳 我的餐廳 1261
關注 關注 187
粉絲 粉絲 2164
技巧樹熊  等級4
關注 關注  留言 留言給此食家 
排序方法:  日期 笑臉 笑臉 喊臉 喊臉  編輯推介  餐廳總分 
顯示選項: 所有香港 澳門  
 
 
 
 
 
  文章形式 文章形式   |   地圖形式 地圖形式
共 1448 篇香港及鄰近地區的食評,正顯示第 1 至 5 篇的食評
2024-03-16
Share on TwitterShare on Facebook
類別 : 港式火鍋

之前介紹左間好出名嘅任食,未必好多人好呢一類咁暴力嘅選擇,想食精啲嘅,今日就可以睇下食物質素高d嘅火鍋店啦。

 
大公館你一定聽講過,原來佢都有火鍋,名為大公館手工火鍋別館。

 
無諗過佢哋嘅質素都幾出色,先講個湯底,選了兩種湯底,花膠雞湯絕對有城中個間以花膠雞知名嘅連鎖火鍋咁出色,朋友們差唔多飲左大半先捨得加湯,不過我最愛佢嘅另一中國式麻辣,個種牛油香,絕對有成都嘅原本風味。

 

 

 
特別要講下佢叫得手工火鍋,好多野都係自家制造,招牌四寶丸同鮑魚雞粒餃食完都會有深刻印象

 

 

 

 
本地新鮮牛肉同牛頸脊當然無得輸,同平時出名食牛嘅火鍋店有過之而無不及,個人喜愛牛頸脊多好多,牛味太濃郁。

 

 

 
有朋友不吃牛,選了來自日本嘅薩摩和牛翼板肉,那種可愛攞設令我想起寬巷子,呢度價錢也相對平好多。西班牙黑毛豬腩片都不錯,係非牛人士好選擇。

 
西班牙黑毛豬午餐肉炸得都幾好,就咁食同火鍋湯好嘅洗禮,都有各自嘅特色。

 

 

 
相信呢到嘅海鮮新鮮好出色,我未食過咁好食嘅白鱔片,另外日本刺身級嘅帶子都令人回味。

就算普通的食材如新鮮紫淮山,千層枝竹同順德魚麵都幾好,特別係千層枝竹,好吸湯。

 

 

 

 

 

 
甜品就勁打卡,完全顯示到佢嘅手工特色風格,甜心都做得幾有心,和牛雪葩同流心南瓜球,前者特別靚,不過有人喜歡有人覺得甜,我自己就幾鐘意,主調係士多啤梨,應該你無乜諗過,南瓜球就同好多星級點心甜品一樣咁好。

 

 

 
可惜個晚去到,客人唔多,下星期好似又凍番,可以考慮下再去食番晚。
堂食等位時間: 0 分鐘
用餐日期: 2024-02-26        

評分: 味道 5   環境 5   服務 5   衛生 5   抵食 5

推介此食評

1
 
 
你覺得這篇食評:
鼓勵
期待
有趣
感動
羨慕
靚相


查看結果

2024-02-25
Share on TwitterShare on Facebook
類別 : 粵菜 (廣東)


朋友住係將軍澳,推薦呢間小神燈,話係區內一間唔錯嘅中菜,探朋友後約一班人聚下就選了呢間餐廳。

 


當晚吃了幾個特別菜式,爆膏奶油蝦,椒鹽瀬尿蝦同沙薑焗海花螺,都係近期推薦,當中最愛呢個沙薑焗海花螺,原來可以咁夾,完全無諗過可以咁整,雖然食完有少少覺得鹹,但係我都幾誠意推介呢個咁特別嘅整法。

 

 


椒鹽瀬尿蝦絕對做得好好,不過瀨尿蝦係比較細隻,如果係斑馬瀨尿蝦嘅話應該會完美,送支啤酒真係最好。

 


爆膏奶油蝦的確幾爆膏,但個奶油有點膩,送飯反而剛剛好好。

 


叫小神燈招牌金沙鬼馬百花釀油條,好多人都大讚。

 

 

最後加個三絲炒米粉同埋之前喺佐敦神燈食過好好食嘅蒜蓉蒸勝瓜,剛剛好夠飽。

 

 


炒米粉顯示到呢間餐廳師傅嘅功力都真係唔錯。

甜品仲送紅豆沙,同佐敦差唔多,服務係幾好。

 


下次如果再去將軍澳探朋友玩嘅時候,唔一定要再叫到會,喺呢度一班人試多幾個小菜,應該係比到會更加好嘅選擇。

 

評分: 味道 5   環境 5   服務 4   衛生 4   抵食 5

推介此食評

1
 
 
你覺得這篇食評:
鼓勵
期待
有趣
感動
羨慕
靚相


查看結果

2024-02-25
Share on TwitterShare on Facebook
類別 : 越南菜粉麵/米線



以前去BC睇戲,夏銘記或者廟街牛雜又或者煲仔飯係開飯首選,過咗一排,唔同嘅舖頭質素都有左變化,幸好開飯有新選擇,竟然發現第一群係BC附近開左新分店。

以前深水埗相對坐得冇咁好,呢到就完全唔同,夠大又方便,而且食物menu都一模一樣,價錢差唔多之餘,整個體驗都好咗好多。

重點當然係喺蟹膏蕃茄湯檬,如果貪心嘅再加多個蟹膏,入邊仲有好多豆腐豬紅扎肉等等,全部都好好食,檬粉吸汁力很強,呢個係第一群嘅all time favorite ,不過對比1986,我好似鐘意1986多少少。

 

米紙蝦卷有非常薄的米紙外層,包著好豐滿嘅餡料,又係必定點的作品。

 


點了個烤豬肉湯河,佢加上香料嘅烤豬肉令人吃得特別開胃,而且味道好誘人,個人推介如果三心兩意又想食牛丸牛腩湯河嘅話就加牛丸,食到所有嘅名物。

 

 

 


太耐冇食,有啲掛住佢嘅越式法包,幾飽都要食多個,呢到嘅法包絕對出色,外層好脆,又係令我諗起全盛時期嘅添記。

 


飲品方面,當然要揀牛油果沙冰同埋滴漏咖啡,好飲足料之餘仲要價錢係佛心價。

 

 

 


最尾當然要選擇一個斑蘭綠豆糕做甜品,呢個記得一定要提早叫,因為每日有限量出品。

 


地點好,又唔算太難等位,好食又價錢相宜,如果你去電影中心睇戲,可以嚟開下飯。

 




評分: 味道 5   環境 5   服務 5   衛生 5   抵食 5

推介此食評

1
 
 
你覺得這篇食評:
鼓勵
期待
有趣
感動
羨慕
靚相


查看結果

2024-02-22
Share on TwitterShare on Facebook
類別 : 日本菜燒烤烤肉

強小亭:來自鳥取的和牛

前排先見有朋友推介鳥取嘅餐廳,睇到勁開心,開始搵關於佢嘅食物同名勝,除左砂丘同蟹,我搵到有呢間強小亭。而呢間餐廳,剛剛由日本嚟咗香港,唔使飛去鳥取縣,都可以止旅遊癮。

 


呢間米芝蓮餐廳原來係鳥取都幾出名,鳥取蟹我聽得多,原來牛都好有名,仲勁過神戶,飛驒等地區,因為和牛的發源地是在鳥取,佢同日本的一段歷史有關。 千多年前平安時代,很多信奉地藏菩薩大山寺高僧都有著為牛馬祈福的習慣,為它們製作守護符的傳統,因此也衍生當年流行的「牛馬信仰」,許多人都帶著佢哋嘅牛馬慕名前來,並讓牛馬們在大山土地上享受大草原牧草,接受僧侶的祝福,後來人們也開始在大山山腳上飼育牛馬,展開了牛馬經濟,並在江戶時代中形成了日本三大牛馬交易中心之一的「山牛馬市」。

 


大山牛馬市是日本古老的牛馬交易中心之一,正因其文化背景,造就了世界最昂貴的日本和牛飼育文化,因此鳥取縣也可以說是孕育和牛靈魂的最始點。

睇完文化就講番呢間餐廳,大山黑山処強小亭係鳥取一間米芝蓮嘅餐廳,今次黎到香港,唔算特別高調,朋友就提議食吓lunch先,試一試水準。

 


精選A5和牛三點燒肉有三種燒肉,特選A5和牛燒肉就有埋涮涮鍋,燒肉有幾種カメノコウ (牛臀肉),ヘッドバ,サーロイン (西冷),外モモ(外腿肉),ヒウチ(牛肩肉)多種唔同嘅部分當中最愛外腿肉,口感特別而且有油香,西冷當然出色,牛臀肉第一件食就有驚喜,最緊要佢有唔同嘅醬汁配唔同色調同唔同部份嘅牛肉。不過聽店員講每日嘅來貨都有機會唔同,食到咩好嘅位置都要睇緣份。

 

 


shabu shabu主要吃リブローズ同イチボ(牛臀蓋),牛臀蓋絕對係當日食過最美妙嘅,有油香油花牛味,最正嘅佢唔係好似神戶牛咁非常油膩,食完會有種好飽嘅感覺,佢較低調而且唔會太過重,絕對值得你了解下。

 


佢個餐裏便提供嘅飯都好特別,係星空米,勁有咬牙,其實湯品同佢有個勁好食嘅牛煮物,我直頭想單點多一碟。要講唔好嘅,相信應該係甜品,可能前段太精彩,後面個反差比較大,店方應該要改善下。

 

 

 


今次食完晏晝,再睇夜晚嘅Menu更加吸引,如果你愛好吃和牛,又想試吓鳥取嘅感覺如何,值得一來比較一下同其他和牛嘅分別。

 

 

 


強小亭 (銅鑼灣)
銅鑼灣渣甸街66號亨環4樓

評分: 味道 5   環境 5   服務 5   衛生 5   抵食 5

推介此食評

1
 
 
你覺得這篇食評:
鼓勵
期待
有趣
感動
羨慕
靚相


查看結果

2024-02-20
Share on TwitterShare on Facebook
類別 : 西式扒房酒店餐廳無翅餐廳



好耐無入黃金海岸扒房食飯,今次仲有個好抵嘅餐,食到佢大部分名物。

 

 


食牛扒當然有佢嘅質素,而且龍蝦湯同蟹餅都幾常出色,而且佢嘅海鮮拼盤都係好有保證,唔係求其俾啲自助餐食到嘅貨色你。

 


仲有我好愛嘅yorkshire pudding,呢到係做得唔錯,好過好幾間中環名店,而且保持到佢嘅水準。

 

 

 

 


我最鐘意係佢嘅地方好大好闊,望住泳池好有室外感覺,呢d都唔係九龍香港嘅名扒房做到的。

 


最正係今次呢個餐好抵食,基本上前菜湯、扒、乜都有,而家扒房經過左小裝修後仲靚左,有朋友已經約緊再去,要搵個晴天,係屯門玩一個下午,夜晚再入扒房食飯。

 

 

 

 

評分: 味道 5   環境 5   服務 5   衛生 5   抵食 5

推介此食評

1
 
 
你覺得這篇食評:
鼓勵
期待
有趣
感動
羨慕
靚相


查看結果