yee040302 等級2 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2019-04-09
打工仔食晏時間有限,一小時午飯時間分秒必爭。 由辦公室衝到上環街市,12:35坐底叫快餐,飲品3分鐘到,十分好。但一碟炒烏冬等足30分鐘!過了20分鐘開始追問店員阿姐。一句句答你會跟會追。但答完就去第二張檯落單,完全冇視你追單要求!猶如乞丐懇求有心人真的幫你追單! 最終等了30分鐘終於上檯,碟嘢暖的,應該放了半小時掛。味道偏咸,油多。如果閣下揀得係度食,祝君好運,沒漏單應該會好得多掛。。。。。 十分不愉快經歷!!永久blacklist!
評分: 味道 1 環境 1 服務 1 衛生 1 抵食 2
2014-10-04
今晚想食pizza,原想去銅鑼灣食,但驚好多人又驚D條街好混亂,係上環落船後行到黎水坑口街,見到間餐廳細細,燈光暗暗的,好有格調,就同老公入去試下 入到去menu係英文,唔係好識睇,好彩d服務生識廣東話 會介紹俾我。 一開始嗌左兩杯飲品,一杯mock tail , 一杯milk shakes, mock tails blueberry Lemonade酸酸地好開胃,岩食pizza咁滯嘅野 杯rocky road milkshakes 就好足料,所以都好「漏」下 意粉嗌左呢個大蝦寬意粉, 唔係好大碟, 但好足料, 味道唔錯~ 好大個, 兩個人真係食唔晒, 起碼3個人以上食都OK, 辣辣地, 好多芝士, 好好味, 呢個我好鐘意~! 所以食唔晒都打包拎返屋企第日做LUNCH都OK. 呢個PUDDING係佢地推介, 真係好好食, 唔係太甜, 但入面熱熱地, 再配香口嘅雲尼拿雪糕, 真係冇得頂呀, 就算頭先食得好飽, 都要食埋佢. 我好想食, 但真係黎一次食唔晒, 可以叫多D朋友下次一齊開心SHARE, 可以叫多D唔同野食一齊食. 食物質素好, 據知係五星級酒店師傅出品的, 員工服務又好, 值得再去~! 推介美食: mikeshake,Fetucinni with Prawns,Pizza Pepperoni,PUDDING
評分: 味道 5 環境 5 服務 5 衛生 4 抵食 4
2014-08-17
6點左右去到, 已經有人等位, 拎左飛去地下超市行左陣, 之後7點左右就有位啦. 本身好鐘意食韓國食品, 今次3個女仔食, 睇到個MENU樣樣都好想試..價錢亦都適中啦 食物方面: 反蛋卷 $55. 不過不失, 未至於好好味 試左個特辣年糕伴拉麵..$72......真係好鬼死辣........ 平時係食米線個間都食到3小辣的我..呢個拉麵嘅辣..我食唔到>_< 呢個係飯黎得超快, 落單唔駛5分鐘就到.. D飯都幾好食, 泡菜個味幾香..個鑊好熱. 但真係好好食, 口感好好, 好食到我..加單嗌多一碟.... 我都唔就得係炸乜..好似係炸魷魚咁上下.. 但..真係好難食...冇乜味..黎到..已經似反炸再戶炸咁.. 棉花糖草莓艾立菲.... 圖片與事實好似有點不乎喎.. 同埋..超多冰..似飲淡味草莓冰囉... 食物黎得超快. 但食就預早拎定飛啦.. 推介美食: 墨魚卷
評分: 味道 4 環境 4 服務 4 衛生 4 抵食 4
2013-08-29
是晚星期二約左四個朋友到旺角食野, 朋友只係話想食放題, 由我決定地方。 咁我梗係揀返D之前食過, 印過唔差嘅地方食啦. 咁我記得呢間之前食過, 中規中矩啦, 起碼記得坐得都舒服丫. 咁我晏晝2點左右打電話訂位啦, 好搞笑, 打通之後, 好明顯聽到有轉駁線嘅聲, 之後就聽到有人講: 『而家線路繁忙, 如果要訂檯就留低姓名同聯絡電話, 會有人覆你。』咁個刻我以為電話錄音, 所以係度等”DO”一聲後諗住錄低口訊, 點知……………有人講:「喂喂」…原來係真人黎..唔係錄音. …好瘀…..咁留左之後大約4點幾就有電話覆返訂檯喇。咁我訂左8點個時段啦, 個職員話留檯10分鐘.. 好, 咁大約7點10左右上到去, 門口姐姐話可以入去坐低先, 個場都好FULL, 雖然係平日。 咁環境都OK嘅, 差唔多全少都係卡位, 可以坐得舒服, 卡位個隔屏又夠高, 可以傾計得有私隱D, GOOD~! 唔滿意就係飲品黎得慢, 燒物又係等勁耐…起碼等20分鐘以上, 另外就係執野好慢, 次次成檯吉碟要叫人先有人黎執, 如果可以主動d執就會更好啦. 另外可能因為我坐得近門口個邊, 好鬼死熱..邊食邊出汗…可能我熱底啦…我行去廁所個邊反而感受到d冷氣.. 計落都食過好多間餐廳嘅放題, 呢間都算ok嘅. 唔可以話好突出, 但都未至於會失望啦. 推介美食: 刺身,炸物
評分: 味道 4 環境 4 服務 3 衛生 3 抵食 3
2013-04-24
訂位方面: 當日晏晝網上訂位, 留了要求坐卡位, 餐廳安排到, 抵讚~! 食物方面: 算唔錯, 整體上都OK, 1. 叫左個鵝肝, 味道唔錯, 仲要係試食價, 抵啦! 五十幾蚊~! 3. 芝麻醬雞扖沙律, 好味, 好鐘意D芝麻醬味道~! 1. 唔會趕你走同限時, 好! 2. 卡位都坐得好舒服, 又有電視睇, 好! 3. 但侍應較新, 第一個落單好似唔識咁, 我地叫野食, 佢叫我地講慢D, 之後都係唔得, 搵第二個人幫我地落..=.= 4. 廁所好細, 要入去屙都好有難度.. 以一人百零蚊, 搵到間叫做食得下, 又可以坐得舒服吹水嘅地方, 算係抵啦~!
評分: 味道 4 環境 3 服務 4 衛生 3 抵食 3
|