天婦羅專門店，應該做得好專。 最基本既天婦羅汁都無，居然只係用黎食凍烏冬個汁，好咸，蘿白溶又無。 個粉好厚，似食緊中式炸物。 天婦羅丼無咩汁，好乾。飯上加左日本味精。 味噌湯都預左係即食湯包，開都可唔可以有誠意小小。好淡。 比較特別既係炸菜心。 $68 唔大值。$48會合理啲。

信錯左啲like, 中伏。 叫左以下3個送，可樂，白飯。每人3xx 質素同茶記果啲無分別。 酸菜魚 唔知以為食緊冬陰公 啲魚用急凍魚柳，好軟，當然無魚味。 *** 個味勁似係酸菜魚湯包*** 水煮牛 一大鍋既湯。 牛肉份量唔少，其他配料唔多。 唔食既辣椒都唔新鮮，黑黑的。 完全唔辣，連食10小辣既朋友都覺得完全唔辣。 涼拌牛肉 有啲驚喜，個味幾特別。個價錢同份量唔多合理。

OpenRice 兩間分店都大量好評，就試下呢間「日本」串燒。

居酒屋既格局，極唔通風。
叫左一堆燒物，炸物，玉子燒。。。

居然出現左 燒茄子。日本串燒有孜然粉茄子😱😱😱😱😱😱😱😱😱

6個女仔，無人飽，每人都要$250

似係兩間村屋既位打通, 個feel同係大尾篤既差唔多.
鋪頭分室外(風扇/風機)同室內(冷氣),
由於夏天, 郊外地區有蚊, 都係等多陣入室內

大熱天, 當然要有杯冰凍既啤酒. (清涼)食泰菜 當然要有個 - 冬陰公 - 呢度既都算係香港唔錯既一間 (未係香港搵到10分滿意既冬陰公)
香料齊哂, 夠酸, 亦夠辣
蝦有蝦味, 唔係一喲雪都無味既,
海鮮都唔少泰妃海南雞 - 滑嫩, 雞皮滑
只係有一個汁, 唔太辣, 適合小辣既朋友香茅炒蝦 - 賣相吸引, 用新鮮既香茅, 味唔係太出柚子沙律 - 香港未到柚子既季節 柚子juicy  汁 教得啱啱好, 配料既份量適中去完郊遊返屋企前食返餐好既

一間小小既鋪面, 一班人圍埋一張大枱，電視機正正係面前，底下有兵馬俑 陶公仔。 家庭式餐廳，兩個厨師，同員工都唔小係用國語溝通 。 西安菜係香港唔普遍。 主食湯麵/撈麵， 小食既選擇唔少。 撈麵既麵係自家制。 有唔同辣度可以揀。 微辣比譚仔既十小更小辣, 不過撈左好香又有小小脆脆，又女似有小小麻。麵質都好特別，大概有一個手指咁闊。配菜既雞翼相當有驚喜。 新鮮炸既南乳雞翼,自從10年前係土瓜灣食過近似既之後, 已經無再食過。 (味精好重，好渴， 不過好味)

另一間唔係食租既香港小店. 門口貼左好多明星相.
似是父子檔經營的, 老豆煮麵, 阿仔做樓面
小小的一個麵檔. 乾淨, (剛好)一坐低就用漂白水布清潔
開放式既廚房 乾淨 整齊, 店既地下都無垃圾

簡單既菜牌, 平均$32 湯/ 撈麵. 
食左個牛腩原汁撈 - 牛腩不過不失, 真係抵讚既係牛筋. 好入味. "lim lim"地, 又唔會黐住個咀

友人叫既炸醬撈 - 偷試左小小. 好多其他既炸醬落得太多茄汁, 好似食緊茄汁肉醬. 呢間既好傳統既味道, 微微既辣, 又無咩茄汁味. 肉絲又唔係太幼, 用黎撈麵唔錯

撈麵既湯出其地唔咸, 又唔味精(食完唔太渴). 唯一比較敗筆碗湯係蔥唔係韭黃. 總係好似唔係好夾
個麵好大個, 仲有兩條菜係底. 中環地方, $32 抵

 

終於有日放左工去左試。見隔離位食果啲個樣都唔錯。未食飯，叫左兩個share. 一個“Mr Gentleman (奶凍+雪糕+Bailey's)($52) 另一個士多啤梨窩夫 ($56)。 Mr. Gentleman, 奶凍應該係重點，但其他配料既甜,已經完全蓋過奶凍。奶凍都只係似奶白色既雪得過硬既啫喱。 窩夫， 應該係熱辣辣 加上 凍冰冰 既雪糕。 但我只係知道自己食左好多好既色素糖漿，每一啖都係甜到”留”既糖漿，好彩士多啤梨係酸既。 5*酒店價錢，屋邨酒樓質素

買左Le Salon 同 文華東方 既原味牛角包。 購買時間下午3.30 兩個牛角包都唔係熱，職員亦無問加熱。 Le Salon 個包面都已經唔脆，但牛油味好香，好鬆化。($16) 文華東方 個面甜甜地，下晏食個面都仲好脆。牛油味就比較上無甘香。($20)。同上次早上買，好唔同。 如果係早上買既，文華東方。 如果下晏既， Le Salon