知道呢到開咗分店想試好耐, 但新開時LUNCH超多人排隊, 今日12:45去咗攞位, 竟然唔多人等位, 等左15分鐘左右就可以入座, 午餐餐牌都有好多選擇, PIZZA真係好抵食, 但中途PIZZA發生咗一段小插曲, 朋友食PIZZA發現火箭菜上面有隻黑色郁緊既小動物類似蝸牛, 初頭不以為言, 後來發現會郁既立即叫經理嚟, 好彩朋友冇食落口, 經理都好快處理件事, 攞返入去比廚房睇, 又官方口敏解釋返我地知, 即時換過一款午餐(當然揀款熟食既), 最後又送咗兩件甜品比我地, 但我朋友係驚到唔敢食沙律菜一排 燒雞胸配烤薯 - 賣相真係一般, 雖然雞胸肉唔太差 煙三文魚紅洋蔥火箭菜薄餅 - 薄餅餅底同面層配料煙三文魚係分開處理, 好明顯焗完餅底先放料, 感覺唔係太好食 茄汁牛豬肉腸手製闊條麵 - 味道可以, 闊條麵份量都好多 無花果蛋糕 - 外層忌廉好厚, 但味道不差 士多啤梨千層酥 - 賣相可以, 千層酥都好脆口
總結 : 坦白講今次既驚喜都會影響到仲有冇下次既, 的確冇乜嘢想再返去試食, 加上價錢又唔係平

呢間餐廳分別試過午餐同晚餐, 兩日都係網上訂位既, 所以去到就有位啦,  午餐都好抵食, 而晚餐都有套餐食, 但我地就想乜都試下, 最後就散叫 壽司定食配烏冬 - 壽司刺身都好新鮮, 而烏冬口感不錯  - - - 以下係晚巿既菜式 - - -  蟹籽沙律 - 蟹籽多, 各種配料都好足料 炸雞軟骨 - 炸粉唔算太厚 蒜片牛柳 - 偏咸, 但牛柳肉好食好入味 彩虹卷 - 賣相不錯, 每款刺身都好新鮮, 刺身厚度比較薄 牛油果軟殼蟹卷 - 冇乜驚喜 蒜蓉燒生蠔 - 呢款煮法出嚟效果不錯, 生蠔肉好鮮嫩 燒菠蘿 - 超甜菠蘿

總結 : 呢間餐廳晚巿都唔算好FULL, 又唔會趕人走又冇限時, 啱晒三五知己吹水

今晚喺附近食完晚飯就過咗呢到試食甜品, 呢間分店都開咗有一段時間, 平時都多人排隊買飲品, 但主打都係抹茶 抹茶特濃咖啡啫喱 - 賣相好吸引, 入口濃濃既茶香味, 咖啡啫喱有苦澀味
四重抹茶麻糬巴斯克芝士蛋糕 - 麻糬唔夠軟熟, 口感麻麻 芝士蛋糕配抹茶軟雪糕 - 比較普通, 芝士蛋糕口感好實, 雖然好重芝士味  熱日本上級抹茶 - 茶味濃

總結 : 全店以抹茶為主題, 啱晒抹茶控, 甜品要試既都試晒, 感覺一般

今日係為咗黑糖麵包而來, 知道出咗獨立包裝既黑糖包, 又唔想特登為咗買個包而走去九龍灣, 即興約個飯局, 晚巿唔算太多人, 但不斷有人去買黑糖包, 未到8點已經賣完了, 之後出既只有鋁紙包裝既, 一心以為可以買到獨立包裝, 結果最後買返舊版美國厚切牛柳配烤龍蝦尾 - 賣相都係一般, 龍蝦肉都好爽口, 牛柳就過火了 芝士煙肉墨西哥脆片 - 吹水飲酒必叫之選 香煎黑椒日式黃鯺吞拿魚 - 呢款真係幾好食香草蕃茄海鮮意粉 - 意粉份量都多, 濃濃既蕃茄醬汁 是日餐湯 - 蕃茄湯底加咗磨茹碎黑糖包 - 招牌菜, 每次都要佢REFILL MANGO MOJITO - 偏甜 SOMERSBY APPLE CIDER - 酒味唔濃, 似有氣果汁 SPARKLING STRAWBERRY LEMONADE - 普通的士多啤梨梳打

總結 : OUTBACK咁多年嚟都係最出名黑糖麵包, 其他菜式冇乜令人深刻印象, 今次都係為個包而來

呢間餐廳都開咗一陣子, 最近都食過幾次, 第一次去時好多人等位起碼要等15分鐘先可以安排入座, 第二次去都要等位不過等候時間就短咗, 今次再去竟然唔駛等位, 好多位, 原因可能係個餐牌真係冇乜點變過, 我分別食過三次相隔時間差唔多一個月一次, 每次去既餐牌都係差唔多呢幾款, 再加上附近都開咗好多新既餐廳, 所以人流會失鰻魚山藥燒配醬油糖心蛋帆立貝湯烏冬 - 賣相不錯, 感覺份量都好多, 咮道唔差既西京燒比目魚定食 - 比目魚都好厚肉, 份量望落好似好少咁, 但實際上食落都好飽肚

總結 : 環境好寬敞, 但人聲太多變相餐廳會焗住晒啲聲浪變得好嘈

呢間點心店其實開咗都好耐, 但一直都未有時間去試, 今日12:45去等位, 都要等幾張枱, 人流都算多, 加上附近冇乜呢類型既點心店, 同區太多西餐, 今次點咗幾類點心嚟試下 黑金流沙包 - 有流沙既效果 鳳爪拼黑椒金錢肚 - 味道好食過酒樓既, 金錢肚好爽口 鹹蛋黃墨魚燒賣 - 呢款燒賣幾好食, 可能係墨魚既關係, 入口好彈牙 脆脆富貴紅米腸粉 - 我比較鍾意食原味腸粉, 呢款類似油炸鬼既炸兩 點心拼盤 ( 松露野菌晶瑩餃, 蟹粉菠菜香蝦餃, 筍尖蝦餃皇, 酸菜魚鳳眼餃,鹹蛋黃墨魚燒賣, 豌豆桃子) - 賣相係不錯, 味道各有特色 桂花糕 - 一般 金茶壺

總計 : 點心種類比較少, 如果多啲會比較好, 雖然話特色點心, 但價錢偏貴

呢間新開既露營主題餐廳今日特別過嚟試食, 餐廳環境係露營既枱同椅, 進食時候確實係幾唔就手同坐得唔太舒服, 因為枱矮椅就高, 我地點咗幾款食物同特飲, 點解我會話前身係合十呢? 就係一杯飲品令我諗起佢, <阿婆的秘密>, 呢個名似曾相識我記得喺港貿中心有點過嚟飲, 另外喺餐巾到仍見到合十既logo, 所以埋單時都不禁問一問侍應係咪搬咗舖 清新柚子煙燻三文魚洋蔥薄餅 - 水準仍然一樣, 薄餅脆而薄好味 煙鴨肉忌廉芝士雜菜沙律配柚子醋 - 煙鴨肉切厚粒口感比薄切片更好 意式羅勒蕃茄雞肉波波意粉 - 蕃茄醬唔太酸, 芝士味更濃, 不錯黑松露薯條 - 薯條好脆口, 好新鮮幾好食 叢林的秘密(水蜜桃+檸檬+西柚+藍莓粒) - 濃濃既水蜜桃味, 另外西柚甜而多汁 好雙乳的莓莓(士多啤梨+藍莓) - 濃濃既乳酪沙冰咁 口水多過浪花(青檸+薄荷葉+荔枝梳打) - 好清新既感覺, 可能薄荷葉影響下再加上青檸, 不錯既選擇

總結 : 冇諗過能夠再度重遇你, 不錯既餐廳, 食物質素仍然保持水準, 價錢同區相比係中價位

同朋友慶祝生日, 一早預訂咗位, 另外同餐廳講有人生日佢地會安排件蛋糕, 即時揀埋要咩蛋糕款, 呢個場平日放工後都唔算太多人流, 上菜都好快, 今晚點咗唔算好多嘢食, 因為冇男丁, 叫咗個主菜加個沙律加啲甜品已經足夠, 因為最後仲要食個蛋糕, 冇諗過呢到有人生日會全部樓面待應一齊同你唱生日歌, 計過當時有成5-6位待應圍住我地張枱, 仲有成個餐廳播緊隻生日歌, 當時真係好震撼!BIG BUDDHA - 士多啤梨味好濃, 帶有少少菠蘿香味ONE MORE PLEASE - 味道不錯, 幾種水果混埋一齊菠蘿,紅莓,桃TOPICAL MOJITO - 冧酒味唔太濃, 熱情果同芒果味反而濃吞拿魚沙律 - 吞拿魚比較咸, 沙律醬汁偏多, 味道還可以GARLIC BREAD 餐包 - 麵包比較硬身, 雖然外脆但感覺唔太新鮮SURF & TURF - 呢個海陸空海鮮餐係是日優惠, 龍蝦肉好新鮮, 牛扒要咗五成熟, 入口都好軟熟, 呢個份量兩個女仔share都可以法式燉蛋 - 好失望好差, 一啲味都冇, 蒸蛋一樣, 難食法式香草冰淇淋 - 普通既朱古力同雲尼拿雪糕

總結 : 呢到環境係不錯, 三五知己晚飯聚下舊可以, 但價錢偏貴, 食物質素就一半半, 有啲可以有啲就好差, 呢餐平均每人消費都要差唔多五佰蚊一個人

留意咗呢間餐廳好耐, 因為成日有廣告見到裝修好靚咁, 一直都好想去試食, 今日LUNCH終於過嚟試, 唔算太多人就算冇訂位都有位, 場內裝修都唔算別靚, 只係一個打卡位吊椅, 又係手機落單既餐廳
炸金菇 - 炸粉多到唔知有冇食到條金菇落肚, 一個字差
呢款唔記得叫咩名, 意粉都係好一般
水牛城雞翼 - 又咸又辣
提拉米素梳乎厘班戟 - 梳乎厘係幾鬆口既, 但冇配料同汁
Strawberry Avocado Smoothie - 賣相可以, 味道都OK
美國安格斯肉眼牛扒 - 手機落單最差就係冇得叫幾成熟, 今次呢個扒2-3成熟咋, 又係完全咬唔開, 連無牛不歡既友人都大嘆失色
Iced Grapefruit Summer Soda - 賣相不錯, 但味道一般有啲苦澀味
Green tea latte - 抹茶味唔算好濃, 唔夠熱

總結 : 餐廳靠個外表包裝真係冇用, 最重要係內涵食物既質素好緊要, 再加上價錢又唔係平喎, 相比之下我寧願去觀廣間C仔好過, 同樣西式賣相同食物都唔差, 唔好以為商場仔既CAFE好失色

雖然呢間餐廳價錢確實係幾貴, 就算LUNCH埋單加埋一都要$150-200, 但真係有令人想再去既衝力, 今次帶多兩個同事去試食, 一早訂左位, 所以可以即入, 平時經過都見到有人企門口等位 Hunt Signature Tiramisu - 呢款甜品真係幾好味, 我見有人特登嚟食呢款甜品, 咁就當做LUNCHCream Brulee - 焦糖脆布甸滑, 同觀廣間C仔有得比 Spanish Pork Belly - 幾特別既一款菜式, 好似食五花腩咁 Turin Spicy Chicken Wings - 味道都係偏咸, 雖然亦有辣味 Red Shrimp & Scallop Orzi Pasta - 呢款意大利飯不錯, 帶子亦都好新鮮 Caffe Latta - 味道一般可能唔夠熱 Hunter Fries - 普通既炸薯條 US Prime Rib Eye - 又係手機落單既問冇得揀幾成熟, 今次係3-4成熟左右Flat White - 拉花幾特別, 好似係天鵝嚟, 味道一般
總結 : 唔會有十全十美既, 總有進步既空間, 食物好唔代表飲品會好, 是乎你既飲食要求, 呢到價錢係貴既, 是乎你覺得值唔值