Disappointed supper

法蘭度餐廳 (黑沙海灘)

戈晚難得一家人去食飯,因為屋企人一向都鐘意食葡國菜,又想試新野,所以上網搵下有冇好食既葡國餐廳,結果搵左呢間,睇左咁多食評,好似真係值得一試咁..
因為係冬天去,所以戈到冇冷氣同有蚊冇咩影響..戈晚大約7點左右去到,一入到去好似冇咩人,只係見到有幾枱本地人食緊野,都未黎得切反應,就有個好似做收銀既阿姐話唔想坐呢到可以入去坐,結果侍應帶左我地入去,經過露天酒吧區入到去另一個室內飲食區,多人好多,同出面既氣氛完全唔同,滿眼所見,全區只有一兩枱係本地人,但好多葡國餐廳都係咁,所以我都冇為意...
ok..落單,叫左呢到出名既燒乳豬,炒蜆,牛肋骨...etc,除左燒乳豬係比較好味之外其餘都中規中矩,至少冇令人印象深刻既味道,唔會為左食呢到既野再黎多次.同埋都試過佢d豬仔包,冇食評講到咁好味,普通。
環境ok,冇乜特別裝潢,但屬於幾有味道既格局,如果坐窗邊,一望出去就係黑沙海灘,如果係一對情侶黎食,相信氣氛唔錯。可惜最大問題係呢到既service,一早聽聞呢間餐廳做到唔休做,服務態度唔多好,但我諗作為服務性行業,差極都有個譜...最奇怪就係正如岩岩話入黎戈陣見到全區只有一兩枱係本地人,所以d waitress serve緊我地戈陣既眼神同態度都奇奇怪怪,even令人有種racial discrimination既感覺,心諗..而家咩年代?其實都有本地既waitress係到,但係佢地係唔會識走過黎,奇怪至極..fine..自己一家人食飯唔洗理d無謂人,但mami喉嚨唔舒服想飲杯熱水,一個擬似老闆娘既葡國人走黎話冇,得凍水,素聞呢到一直得付費礦泉水...但我心諗一間餐廳想話搵杯熱水都話冇?算,咁mami問佢"咁有冇其他熱既野飲?"佢話.."呢到冇野係熱既."..what the f...?最後我地唯有叫左一渣凍野同一碗熱湯(又話冇野係熱既?),成餐飯個氣氛都好奇怪..都係拿拿林食完就走..失望咁走。自問試過唔少葡國餐廳,從來都未試過有咁"特別"既待遇,加上呢到食物既性價比,今次真係貼錢買爛壽...寧願貴少少去葡萄園食好好多!