D野幾好食都冇用 環境同處理手法真係..

家賀屋刺身寿司專門店 (灣仔)

呢間野真係食材真係唔錯 價錢夠公道

樓面服務值得比個ＧＯＯＤ！（除左個帶眼鏡女人，淨係識係到玩電話　師傅做緊ｏｒｄｅｒ係格離係咁講野Ｄ口水飛晒落去

咁　食左１個鐘左右野見唔到佢做Ｄ咩睇怕都係老闆Ｄ親戚黎

但係處理食材真係好有問題 當日order左吞拿魚腩手卷，見到個師傅係鉆板到係咁拉刀　好似清潔緊咁

但係估唔到就係我個手卷黎，真係好恐怖　環境又係，唔知點解地下好多水，而且舖頭入面仲有好多小動物飛黎飛去

見到放藥既位置死左好多隻細細粒既野，大佬點食野呀！！　廁所已經反映到呢間舖既衛生問題　雖然師傅係帶手套　

但係有咩用呀！咪又係四圍拎野　最過份就有一樣野，我見到個位師傅整緊活赤貝刺身個陣　竟然大大力＂拍＂一聲掉落地下

之後仲可以望住Ｄ同事奸笑！好彩我地冇叫活赤貝刺身　但係我地食左唔少壽司都有少少反胃

望到咁緊係那那聲走人啦！

帶子同三文魚好食，但係個辣味三文魚軍艦　雖然個汁好正　但係食得出Ｄ三文魚係有少少臭

同埋赤貝壽司好滑，好似有Ｄ鼻涕係面咁，全晚食得最放心既竟然係熟食，雞軟骨同個魚鮫燒得好正！

有一刻係到諗會唔會係老闆係入面整燒物。。呢間係壽司刺身專門店　刺身竟然係咁樣處理　個手卷竟然係清潔完既野包成一

個手卷出比客人食。。一定冇下次！以後都唔會再係呢到食野　諗深一層都覺得奇怪，一間壽司舖竟然會開係紙皮回收舖同臭

豆腐格離　傻傻地