西樵大力 等級2 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2013-04-14
屯門自從味千拉麵收檔後就只有武骨拉麵,好可惜味精極濃,對於有味精敏感的我一試便頭痛足一整天!早前見到舊美心MX位置開了由 Pokka Cafe 打理的黑福多拉麵,抱著專業試食精神膽粗粗帶著二百二入去一試!心裡有個底,Pokka Cafe 好歹也是個扮日本的中檔香港品牌,定價銅鑼灣水平應該都不敢亂來。 地點:屯門市廣場一期。明眼人亦知這不可能是做本地人生意,唯會山長水又遠走來香港的邊界吃日本拉麵? 這是為強國同胞而設的。由深圳灣乘 B3X,上車到坐下落 Order 都只係 30分鐘,比屯門友去荃灣更快! 環境:鋪面不大,但道裡環境不錯,只是枱之間密了一點。我們用餐的這一晚隔離枱坐了一家六人,三代同堂。可惜小朋友全程尖叫大吵大鬧,長輩們不加理會,MK父長母當然自已有自己開心。稷由於太嘈太似街市,各枱食客都快快食飽埋單走人。如果店員醒目識做,用食物氹氹MK BB我相信整體環境會更好更自在。 價錢:正常市區定價,銅鑼灣價錢,由$56起。但可以飽肚的選擇大約由$88起。 服務:不感覺到有服務提供。 食物:整體食物未如理想,但比較特別的是有提供"黑墨豚骨"湯底及日式炸豬扒。星是次點了"黑墨豚骨吉列豬扒拉麵"和"黑墨豚骨吉列豬柳拉麵"兩款。 湯底,失望。湯底不濃不油,只是加了墨汁,可說是味千拉麵即食裝那個級數。 麵質,更失望。這種鹼水即食麵算是甚麼? 開店的誠意去了那裡? 不是即拉也最起碼給我一個由麵廠拉的吧,這個麵質就像 CitySuper $40 那個海鮮即食麵一樣… 這種麵不吸汁也不掛麵湯,只有鹼水味。 豬扒/豬柳,算是合格,但豬柳比豬扒好。豬扒太乾無咬口,豬柳就恰到好處。輸了沒有豬扒專用醬汁提供。 糖心蛋,不錯,但這是入貨的吧! 如果對拉麵認真的你,一試無妨,但"嚐"拉麵還是乖乖去中環吧!
評分: 味道 3 環境 3 服務 3 衛生 3 抵食 3
2013-04-05
看到龍記對上一個食評已經是差不多兩年前的事,我也後久沒有光顧這屯門老店,今天一於去試試! 龍記最著名的是大粒招牌雲吞,以"大"聞名。那對陳年本筷,應該是清朝流傳至今,店內亦掛滿各多年前飲食雜誌的推介,不說以為是米芝蓮一星推介! 曾幾何時我也常常到訪,我記得一碗招牌雲吞麵當時也只是$11大元!今天為了應付物價通脹,同一碗麵已經要$17大元了。 這次叫了招牌雲吞麵和招牌雲吞米,雲吞一樣大粒,一樣有小蟲蟲浸在麵湯內,這是小店特色吧!奇怪的是麵質差了,沒有以前的那樣爽口。應該轉了供應商。以前的鹼水麵爽口好食,今天的蛋麵完全沒有咬口,也沒有麵香。$17,算是這樣吧。雲吞有三粒,粒粒有蝦,絕不欺埸,保證飽肚。 頂肚可以,細嘗請過主。
評分: 味道 3 環境 3 服務 3 衛生 3 抵食 4
2013-03-25
"Pho" - 河和粉的混合結晶,一個很多人都不會陌生的美食。從由20世紀初至今,由街到賣到大酒店,由平民到不得了升格為國家代表,究竟一碗真真正正的越南粉應該是怎樣的? 我的越南粉經驗不多,第一碗真正的越南粉是多年前在澳洲的時候吃的。那餐館本來是由一對老情侶 (但他們打死都不肯認!!) 開的,後來退休賣了給一個越南華僑,主打越南粉,當年一個雞絲粉只是 AUD 5.5!那個粉真的很好吃,我腦海一直香港大巴黎就等如越南粉,我錯了。一個真正的越南粉湯底應該由多牛骨髓和雞骨慢火煮成,這個湯底就是靈魂,有湯底就有客。我還記得那種清甜味,加上香香的洋蔥,刺激的辣椒和老闆娘親切的笑容,這一切帶給我們一班香港學生課堂外一些希望。綜合一句:有 Heart 食客是知道的。 因早上 Breakfast Meeting 的炒蛋還未落格,所以和飯腳同事在不用等住下走進這間"越南粉"... 地點:非常就腳,上環 MTR A1 出口行一分鐘,隨近並沒有太多越南粉選擇,佔盡地利。 環境:非常擠擁!地少人多租金貴嗎,我知道。我想這是不能改變的。但最少冷氣可以開大一點,那客人可以"欣賞"廚師的傑作,而不是當自己成北京填鴨食飽就算。 價錢:可以接受,上環來說可算是草根平民價了。 服務:四個大字,沒有提供。 食物:我記得我第一次光顧的時候不是太差的,當然沒法和真正越南自家製相比,但算可以接受。後來近半年那個湯已發展到"無添加",只是雞粉水,連下"一滴香"的熱情也省卻,談不上有味道可言。香茅豬扒照舊重手鬆肉粉釀製,"入口即溶"。中環人常說如果連Core Competency 都做不好傾不如早點退休好了,免得又浪費大家時間 。 煲湯底真的這應費神嗎? 是沒有技術還是覺得食客真的沒有要求? 如果認為開餐館是不用有 Heart 的話不如打份牛工算了。Pho 24 可以更好的。只要用心做,做應做的,專注 core competency,我覺得它會成功的。拿出一點誠意來,既然自稱"牛肉粉專門店",就不如認認真真做一間真正的"牛肉粉專門店"吧。
評分: 味道 2 環境 2 服務 3 衛生 4 抵食 3
2013-03-23
屯門市中心華都商場地下由普通到唔普通嘅港式茶餐廳霸佔,油煙味極濃,總之留多陣都會想走…。但由上星期見到有新檯新凳搬入去,見到個招牌又咁得意,所以決定今個星期一試。 環境 地方乾淨整齊,新地板新檯新凳咩都新!光光猛猛,好有朝氣!希望保持到啦!比起前業主”旭隆冰室”黑黑暗暗好好多! 唯一唔好就係坐得太密。不過唔知係唔係全部家庭式餐廳都係咁,灣仔”純子餐廳”, 同上環”JP Deli“都係一樣坐得唔舒服。 服務 一去到見到前所未有咁多人,7個職員招呼 20個客。全部 Waitress 係妹妹仔,全無做飲食經驗,勁亂勁緊張。起初唔見咗我地張單,但好醒即刻請我地食自家製Kim Chi。話雖如此,但好有禮貌,值得嘉許。 食物 打正”家庭式餐廳”旗號你真係唔好 Expect 有咩新其菜式,賣嘅只係超普通”無飯家庭”都煮到嘅嘢 - 例如 “豆腐煲”、”小學生野餐壽司”、同埋”無料年糕”:- 價錢 食物質素同價錢成正比,兩個人都係百幾蚊落樓。
評分: 味道 4 環境 4 服務 4 衛生 4 抵食 4
2013-03-23
原來尋日係我地電腦最叻個位同事生日,今最我地一班同事當然孖佢一齊去食生日飯啦!去邊好呢?諗左好多間,有SOHO 嘅森壽司 (肥妹無得Book位),L Place 嘅 Linguini Fini (好滯),又諗過柏廷坊 Twyst (成日食),所以最後去左 SOHO 嘅 798 Unit & Co.- JAR (Just-A-Restaurant). 個 Menu 同我上次黎食無變,只係個 Salad Bar 少左個煙三文魚。 食物 始終都要有返咁上下實力先可以係SOHO區立足咁多年。一講起 798,我第一件事就諗起佢用麻帶袋載住熱辣辣嘅麵包,又香又軟,配埋牛油簡直一絕! 另外我記得上次同事食嘅 Burger, 厚到無論,所以今次一於建議壽星仔試試。我因為朝早食左個雞球大包做早餐,所以就同班靚女同事一樣點左個 Spring Chicken,無咁滯。 個 Burger 一流!正過 Triple O,個雞又燒得剛剛好,滑流又唔乾!讚!百幾蚊有咁嘅質素,又食你到飽,仲有甜品,你仲唔行動?!
評分: 味道 4 環境 4 服務 4 衛生 4 抵食 3
|