xxxerykahxxx 等級2 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2021-11-19
呢頭一直都無珍珠奶茶店,明明人流好旺 之前最近都要行到去康怡廣場,或者係行去鰂魚涌 終於唔使行咁遠 而家仲有送MIRROR 3週年應援,就試吓啦 呢度有賣連豬公仔產品添! 叫咗杯芝士珍珠奶茶 $29咁大杯真係超抵 店員好快手就整好杯嘢飲 珍珠唔係黑糖珍珠,但質地好Q彈 奶茶正常,叫咗半糖,對我嚟講都係有啲太甜,下次試吓微糖 最出色係芝士奶蓋,份量夠,好重芝士咸香味,鐘意奶蓋嘅一定要試吓 買完嘢飲,tag返佢哋 ig @celestial_teaing_taikoo 同埋fc ig 就有張卡仔同杯套應援攞 推介美食: 芝士珍珠奶茶
評分: 味道 5 環境 5 服務 5 衛生 5 抵食 5
2020-11-15
✅ -Fresh and well-seasoned salad -Crispy feta and grilled octopus were decent -Potato fries were nice and very sweet -Easy to get seats -waiters were attentive in refilling the water ❎ -the so-called “succulent lamb chops” for $250 were so overcooked, big disappointment (they didn’t ask us at all how we wanted them to be cooked), they were well-seasoned but hard and dry -a bit overpriced given the portion and decor -staff only speaks English
評分: 味道 3 環境 3 服務 3 衛生 4 抵食 2
2020-07-14
優點:食物好食,環境靚 缺點:服務麻麻,啲嘢唔係好乾淨 消費:中午亦只有單點,1碟前菜及2碟意粉/飯,連加1合共約$750,價錢稍貴 先講點解啲嘢唔係好乾淨 首先,我杯水(新的)係有啲污嘈嘢喺底 我即刻換咗 啲刀叉都係有啲漬咁,用前最好自己望清楚啲使唔使抹乾淨先 包住餐包的餐巾的邊位都係有漬的但啲包幾好食,特別係2片扁扁哋油油哋的包,超好食! 但我哋唔知有冇得免費添,侍應亦無offer過要唔要添 前菜同主菜都好好味 我好鐘意食burrata cheese, 呢個dish又試到唔同種的蕃茄,少貴但如果平時鐘意食caprese的朋友都可以試吓 Seafood risotto好多地方都有 但呢間個汁好濃味,有啲龍蝦湯feel,出色! 帶子煎得剛好,外燶內嫩,又鮮甜,係刺身級的帶子 青口都好食,但蝦就麻麻哋啦,同埋啲海鮮孤寒咗少少 呢碟意粉見佢個名有間餐廳名就試咗 又真係幾好食喎! 佢嘅配搭係好平凡,但係平凡中見功架 個汁係類似creamy tomato咁,再加啲煙肉粒 再講下餐廳環境 間餐廳係落地玻璃望維港,又高樓底,感覺好開陽 就算唔係坐窗口位都幾好feel 不過由於間餐廳好多人,都幾嘈 二人枱都幾細張,所以雖然有靚景,但如果係想好浪漫咁fine dine就唔適合啦 跟住講吓服務質素 侍應態度普遍麻麻 埋單後離開餐廳,中途遇到好多位侍應,但都冇一位會同我哋講byebye,只係眼甘甘咁目送我哋走 以呢個價錢來講係under expectation的 Overall嚟講,食物我都幾滿意,會想再encore的 但咁嘅價錢,希望衞生同服務質素會有改善啦 推介美食: Seafood Risotto
評分: 味道 5 環境 4 服務 2 衛生 2 抵食 1
2019-12-12
尋晚試咗個大閘蟹自助餐 冇團購優惠但佢都做緊信用卡優惠 八折再加一後一位成人大約$480 感覺都算OK 同行朋友有人去過其他酒店食大閘蟹自助餐 話有啲好似配給咁要排好耐先攞得一隻 但呢度大閘蟹任攞咁劑,不停refill, 完全唔使驚會冇得食 我哋每人都食咗至少六隻大閘蟹 雖然比較細隻,亦冇自己買嘅咁多膏 但係味道都算唔錯,大家都食得好開心 另外,鴨肝多士、燒羊架、安格斯牛柳、燒牛肉等熟食都幾好食,我哋都有encore 回本必食嘅龍蝦我試咗半條,都算鮮甜,不過有啲乾身,但都算食得過 因為我好鍾意食薯格,係自助餐都忍唔住攞咗一舊,雖然好脆,但炸到乾晒硬晒咁,麻麻哋 最後甜品都好唔錯,就算超飽我都攞咗兩三轉 水果有菠蘿、西瓜、哈密瓜、火龍果,全部都算鮮甜 佢有個凍櫃,入邊擺咗好多切好晒細細舊嘅cake 其中呢舊朱古力cake(面頭有金箔同忌廉)超好食 好濃嘅朱古力味,仲好食過出邊買40幾蚊一件嗰啲蛋糕 質地係實實地咁,入邊有榛子,成件cake一啲都唔甜,可惜之後想encore都冇晒 椰汁黑糯米幾好食,焦糖燉蛋(好似係抹茶味)正常水準 心太軟(黃色匙羹裝住)就麻麻哋,朱古力味唔算濃,亦冇流心(但算軟心) 佢仲有幾款芝士蛋糕,但我已經冇胃口再食 糖水有木瓜雪耳糖水及楊枝甘露,其中楊枝甘露同行友人食完再encore多一碗 雪糕有Häagen-Dazs,味道有士多啤梨、芒果及桑梅、雜莓、朱古力,不算很吸引 飲品選擇都算足夠,果汁有蘋果汁、西柚汁及橙汁 熱飲有紅茶、熱朱古力(似麥當勞嗰款)同咖啡 紅茶隔離有鮮奶,但如果jar鮮奶有冰住會好啲 最後,想讚下服務態度好好 大部份侍應都有笑容,換碟換得好密,每次換碟前亦會問客人 係唔係食完啦 啲凳全部都自動幫你笠咗椅套保護你件外套(之前睇過某人評酒店自助餐時講過香港好多高級酒店連椅套都冇) 夾大閘蟹同切燒牛肉嘅廚師態度都超好,會同我講幾句咁 雖然佢個場雖然有啲細,裝修有啲舊,食物款式唔算好多,食物嘅名牌都唔係好齊,可以改善 但總括嚟講食物水準都唔錯,比想像中有驚喜,食得都算開心 推介美食: 大閘蟹, 甜品
評分: 味道 5 環境 4 服務 5 衛生 5 抵食 5
|