一個唔錯嘅素食選擇～全素芝士泡菜飯團 介紹下個飯團餡料先，大致：芝士、泡菜、粟米粒、生菜、紫糯米、脆脆。。。 第一次幫襯，11點左右早午餐，一打開外賣袋，發現好大件，一隻手都包唔晒，打開一睇，芝士佔左3分之1卷，其他饀料卷喺飯同芝士之間，泡菜有微辣唔太酸夾埋芝士同粟米一齊食，味道互相中和，食到接近中段有脆脆沾咗泡菜汁連飯一齊食，極cher飯。 我平時無肉不歡，呢個飯團可以唔食肉都感到滿足。 整體而言，賣相好，味道佳，價錢$45都好合理。

屋企人生日, 試新餐廳
經過走廊進入餐廳時, 小朋友已見到有golf 電子玩樂設施。
點餐後, 男士們帶小朋友在餐廳遊樂一下, 設施有桌球、桌上足球機、彈珠機同golf 電子玩樂設施，除了golf 電子玩樂設施需要收費外，其他只需排隊玩樂。 點咗8款食物
Mussels Pot - 茴香忌廉的糊度適中, 青口清甜
Grilled Salmon & Onsen Egg RisottoBlack - 三文魚外層香口唯肉質有點過老 Truffle Cheese Chips - 即炸薯條熱辣辣脆口, 松露絆位芝士香氣, 芝士味道適中, 不會太咸
Black Truffle Portobello Mushroom Linguine - 有微辣, 侍應未有提醒, 如有小朋友留意
Maple Bacon Cheese Burger - 漢堡扒口感比較實
1.5kg Prime Tomahawk Steak - 可即場落單, 但建議如想食, 先向店預訂, 當日即場order 7成熟, 點餐時, 侍應有提醒比較耐至少需時30分鐘, 唯上桌時內裡仍然好生, 需要入廚房翻煮, 口感變"鞋"
Smokey Baby Back Ribs - 豬仔骨肉質嫰口
Banoffee Crème Brulee Pancake - 外層軟熟, 內層有點creamy, 侍應有提醒比較耐需時約30分鐘, 碟上的生日字句需要提早一天預約, dessert款式到點餐時選擇。
當日所有枱full booking, 不設walk-in, 用餐限時兩小時, 唯斧頭扒同Pancake等得比較耐, 所以Overtime, 故餐廳未有催交還枱, 侍應有耐性跟進上餐情況, 等候期可以善用時間去玩室內設施。
用餐期間, 侍應收換餐碟, 不小心跣手, 餐碟跌下家人膞頭再跌落地, 家人當刻感到很痛, 見未有大礙, 侍應亦有即時道歉, 為免侍應被責, 所以沒有責怪侍應。餐碟有一定重量, 建議收換時先向客人講聲, 等客人讓位, 比較安全。

場地7成入座，落單後15分鐘，未有任何菜式奉上，向侍應查詢，侍應表示正常等候時間。 20分鐘仍然未有任何食物，向眼鏡女部長查詢，其表示正常等候時間和場地大做唔切，未有跟進就行開，眼見其他枱一直都有上食物。 直至25分鐘仍沒有食物，要求void單離開，該眼鏡女部長才如夢初醒叫咪通知經理跟進，即時叫眼鏡女部長不用跟進，我們不會再給機會並離去。 過往和家人在此用餐亦未試過受到如此對待過，經過此次，不會再光顧。

第一次光顧 當時店內未有坐滿，向門口接待員告知3位，接待員未有理會，只見佢埋頭埋腦，店內職員示意叫入去坐4人枱，家人寫完出行記錄找箱，該接待員突然不發一言伸手取去。 用餐中途，開始有人輪候，我哋其中一坐位放咗背包，該接待員突然不發一言拎起背包意圖取走坐椅，我地用餐亦比佢ge行為嚇一嚇，示意叫佢等一等，佢一心只為取坐椅，完全無理會我地感受同比唔切反應，並且好無禮貌同我地講「有客等緊，d客唔等得會走㗎」。 事實咁講，我哋理解要做生意，我地係會比番張坐椅佢，只係個接待員點都應該講聲，呢個係基本禮貌。 做生意概念好有問題，而家係趕客，無下次！ 好食同有基本禮貌ge小店點都一定會有客番轉頭，d客亦會有耐性等。 順帶一提，職員對公司食品認知不足，叫魚餅前已問辣唔辣，職員話唔辣，我好肯定咁講係辣，唔係微辣嗰種。

一如以往, 早餐A 鮑魚火腿出前一丁+腸仔炒蛋+牛油餐包+凍華田

以前茶水師傅做法一碗鮑魚火腿出前一丁和一盒腸仔炒蛋+牛油餐包, 十分精美
出前一丁好食又唔會過生或過軟, 腸仔亦十分香脆, 凍華田沖得剛剛好又唔會太甜

今日等咗好耐, 當有得拎發現少咗盒, 樓面至講轉咗師傅, 以後除咗個包所有嘢放埋一碗, 我都嬲嬲地, 一早講咗我一定唔會買, 我即刻拎番舖頭, 短短兩三分鐘路程, 番到去一開腸仔燶ge, 炒蛋個樣雖然正常不過浸咗落湯冧晒, 麵半生熟,  凍華田有樣但淡如水, 成個餐唯一係個牛油餐包係無問題。 

要食呢d質素, 大圍大把呢d茶餐廳, 唔需要食佢

以後都唔會再幫襯

家中老人家生日又鍾意食素, 見其他人食評中提到米之蓮推介於是一試。

環境方面主要有維港海景加落地玻璃, 所以唔錯。

食物方面無叫餐, 散叫咩都試下~
1. 素拼盤(大)可以隨意揀的, 我地揀素鵝, 酸齋, 無錫脆鱔, 千頁豆腐, 雞絲粉皮,
無錫脆鱔口感唔錯, 至於其他一般, 事關應熱的唔夠熱, 冷盤又太凍

2. 咕嚕肉 一樣唔夠熱, 口感都唔錯, 味道適中, 唔太酸亦唔太甜, 幾脆

3. 五柳炸魚即係芋頭魚, 有別於其他的是這裏用腐皮包著芋蓉炸再加上甜酸汁, 一樣唔夠熱

4. 豆腐餃子賣相麻麻, 味道一般, 這道菜考廚師手藝, 上桌前豆腐已裂開。

5. 竹笙素翅味道蠻好, 質感不會太稠亦不會太稀。

6. 欖菜豆角無特別, 唔夠熱

7. 芙蓉木耳豆苗唯一夠熱和熱到出煙, 蛋白好滑, 味道亦唔會好濃, 剛剛好

8. 上海粗炒 麵質太軟, 口感麻麻

9. 上海冷麵 很適合夏天食, 凍而且惹味, 不過有點似街邊撈麵

10. 壽桃包 採用豆沙餡, 唔太甜, 而且鬆軟又夠熱, 係全晚最好食

服務方面:劣
負責服務我地枱ge侍應 由我地入座至離開, 全程黑面兼哨香口膠, 十問九唔應, 對其他客又唔會, 仲四萬咁口, 不過大家開心食飯都無理佢。
到收枱準備食壽桃包時, 唔係佢自己過嚟執, 而係同我地講"你地掉晒D嘢比我", 無辦法, 我地叫佢叫第二個嚟服務我地, 最後佢不停喺其他食客面前話我地唔啱, 而佢地ge部長亦未有理會, 原本開心一餐生日飯, 大家都好嬲。

結帳時, 侍應完全無提過有信用卡優惠, 到等升降機至睇到, 又一失敗之處。

好多時都係外賣,堂食都有好幾次,食物質素OK,粥底米多且綿,腸份即叫即拉,每樣都夠熱,價錢合理
最初以為啱啱開業,人手唔夠,近呢幾次去,依然係人手唔夠....
今次堂食叫咗一個齋腸-走豉油同一碗咸蛋碎牛粥...
1) 阿姐手快加咗豉油...都好禮貌問我唔要可以做份新...最後我都要份新
2) 咸蛋碎牛粥變咗皮蛋碎牛粥...叫人換...之後個阿姐又拎番皮蛋碎牛粥問係咪我...再重覆一次話佢知出錯粥...拎走咗碗粥等咗十分鐘...眼見其他人ge粥不停出...自己碗完全無...後尾阿姐埋嚟問我食完未...嗰下真係火都嚟埋...
平時外賣錯咗...我都懶得番去換....
今日堂食...叫兩樣都有問題...阿姐呢頭拎完碗粥問我..過一陣問我食完未...
單無打錯...貨不對辦...
服務真係要改善囉~!!!