小弟從醫院行出來散散步醫醫肚。發現附近食市不多，而這間算門面比較大。餐牌中沒想像多選擇，就叫了一個牛腩炒麵。賣相黑黑的，但牛腩還是足夠水平，麵底香脆，整體十分出色。果然沒有去來錯。

今天小弟介紹一間旺角酒樓, 在廣華街及豉油街中間, 此酒樓一樓是中菜, 二樓才是火煱 !

今期酒樓推出烤魚+任食火煱/位, 兩位起計 !

一直以來, 這店也是小弟喜愛的, 即使只有火煱~ 原因好簡單, 你那兒見到任食火煱有象拔蚌,廣島蠔,仲有龍躉件,脆鯇片 ... 聽上都一絕, 真是童叟無欺, 見附圖

今次推出仲利害, 可選擇先食烤魚再火煱, 條魚仲係沙巴魚 .... 
8:30前-$168/位, 8:30後-$138/位

旺角區呢個價錢真的 .... CP值超高

午飯時間, 小弟一個人想吃燒味, 就專程過來這間吃吃 小弟一進出去, 近門口已有位置, 話不二說就坐下, 姐姐立即送上老火湯一碗

一直以來小弟偏愛燒鴨飯, 就要來一碟單併飯
誰知送來一碟賣相超好, 就忍不住拍下一張 ..... 如圖

我最喜歡皮夠膿, 脆口, 咬下去有油走出來, 而且啖啖肉, 真心是極品 ! 

嘩 ~ 這間食市名乎其實的超級隱世  店面本來就很不吸引, 又不顯眼, 說實話我經過10遍也沒打算進去
只是剛考有一次餓極了, 就隨便進去一次 入到去, 真的感覺不太良好, 很舊 , 而且感到有點氣味 (可能是心理作用) 那一次我先放下手上的背包 , 擺一個位置 , 才跑回外面點餸
識食的車仔麵一定要油麵 ... 哈哈 !  原來這間的餸是比較特別的, 竟然有釀苦瓜, 而且這兒最特色的是蓮藕餅及韮菜餅, 另的地方吃不到
那天我叫了三餸, 蝦條 , 韮菜餅  及 豬皮 ! 蝦條也是很特別的, 像齋的那類食品, 韮菜餅是我至愛 , 香及軟 , 如果你喜歡爽脆的 , 則要蓮藕餅 (但小弟略厭太硬不好消化), 豬皮一般都很厚, 比較有咬口又入味
是的, 其他食評也有提及, 這兒有樽自制辣醬, 加一點可以原全提升整碗車仔麵, 我喜歡加一小匙 !  現在我也算是一個常客, 基本上一個月也有四五晚在吃晚飯

我其實是荃灣區常客, 不過從未幫趁過此店, 因為說實話, 此區太多食市選擇, 但出色的食市(不是連鎖店), 也一般只能做到三幾年, 能有水準的店也所餘無幾。

今晚本來想去某立方 (都係附近), 原來八點多已關門, 所以只好找別的食市。

行下行下, 其實都知呢間晨光已開業數年, 不過單憑個招牌名就只會聯想食早餐 .... 哈哈!

實話店門面是光猛的, 也算新有打理, 所以不會抗拒內進, 不過心理上始終是一間茶餐廳。
今日見菜單係門口, A 西式晚餐是羊扒, 好就不防一式 !

內進後, 人不多, 有卡位坐 , 電視正播范冰冰 .... !

侍應過來, 我下單要A餐, 無留意原來中式也是 A / B / C , 所以佢問左我是否要蒸魚?
吓, 大家交著了一會, 最終佢知我要羊, 但同番我講 , 中式餐都有 A
唉 ~ 好心中式寫 1 / 2 / 3 區分啦 , 我想我一定不會是第一個人遇到的問題吧 !

西式套餐連餐湯同熱飲, 天口熱當然豪兩蚊比佢轉凍飲啦

約十分鐘有得食, 嘩賣相有驚喜, 排得幾靓, 望真D 仲有三塊羊 .... 唔係化?
三塊都很長, 唔似羊扒, 應該係羊排切出來, 有大骨的, 而且肉多不肥 !

係, 唔記得講, 下單時侍應竟然問我要幾成熟, 我有D "O" 咀, 你考我呀, 我鬼得咩, 羊可以生生地食嗎?!

最後我膽粗粗要7成熟, 來到時也見剛好無血水及生的狀況 ~~

吃一啖, OK 可以, 味道不錯, D 汁食得尾係有D 漏 ~~

呢三塊係我近廿年食到最大塊的羊扒, 三塊都同樣大, 真係去買都要件四十多元, 抵到震 !

凍咖啡味道不錯, 比一般茶餐廳出色, 係飲到有分別 ~

紅湯也好飲, 有應有的味道, 總之合格有餘 !

埋單連凍飲$62  ...... 超值, 有機會我會再來食多幾次 !

荃灣呢間我會計 highly recommend !

講真一般而言, 幫趁完雲吞麵檔都不會太在意寫食評, 除非兩極化, 一是好差或是好出色。

今次我要寫出來, 是想分享下此家麵店也有可取的食物推介一下 !

當然試過其他食物就只屬一般或不推介, 那就要看你是否要堅持想一試了。

其實棠記有兩間, 我有時會去葵芳吃, 因為果度阿姐煮D麵比較彈牙, 湯頭較濃 !
但荃灣店則有水餃提供, 仲好出色, 爽口足料, 葵芳店沒有提供此款式 !

由於水餃入面有冬菇, 紅蘿白, 蝦膠等才料, 廚房煮的時間也恰到好處, 所以十分美味 ~
至於另一較好的就是魚皮餃, 湯頭在走進入面, 一咬熱騰騰, 有D油走出來, 也另有一番味道 !

服務就一般啦, 因為街坊客也很多, 可想而知食物都有保證, 但員工就人少忙不過來

價錢實惠, 沒有不評的地方啦 !

小弟不是本區人, 只是放假過來此處上工聯會課程。因為太早到離上堂還有很多時間, 就決定周圍找找有什麼吃和打發時間, 最終還是決定來一盅兩件。

說實話, 我入去此酒樓前我都猶疑了一下, 因為睇門面就已知係D比較OPEN, 開放式同自助形式的酒樓, 打比喻似得如, 信興此等舊式酒家。因為櫃位正係正門口中間開放式, 即是說你自己行去埋單, 也同樣說你什麼都自己做的暗預。

唔理, 反正好似價錢商宜, 入去自己找位坐下, 選好點心就行去侍應面前給入單, 身為香港人的我, 懂得轉膊, 不會蠢到叫佢埋離, 真是天都黑 .... 哈哈 !  

我一個人點了牛肉球,棉花雞,波菜餃及雞絲粉卷, 單寫明賣點是即叫即蒸, 不知是真是假, 基本上最少也要等上十五多分鐘。食物味道評分如下:

波菜餃 - 8分 (入口好新鮮, 同蒸得剛好, 蝦爽)
牛肉球 - 7分 (無特別)
棉花雞 - 9分 (出奇地多棉花, 反而雞不多, 是我有史以來, 見到最貼題的棉花雞 - 棉花先係主角)
雞絲粉卷 - 9分 (一個字好味, 粉皮是厚, 我覺得OK , 入面D肉夠入面, 整體配合得OK, 正)

因為本來不打算寫食評, 所以無拍照 .... 食晒先後悔 ! 

由於我自己一個人, 所以一壺茶就夠, 不用要人加水, 所以呢方面又無服務要求, 食完時間差不多, 自己行出去埋單, 非常方便, 不用左等右等, 結賬什麼$58左右, 除開一個點心不用$15, 本人覺得超值 !!! 

今日放工回到家附近廉價超市買完野, 見肚餓又唔想回家煮, 只好看看有什麼新食市可嘗試 ? 點知行左整條街還是無頭緒, 正向坐車的地方進發, 經過我的致愛快餐店 ... 也企了一會門口看看有什麼好吃。最終還是行了入去, 然後就沒有在太大期望下叫了一個茄子排骨煲。因為說實話, 我肯定呢間是以西式快餐小食較為出眾, 其實中菜我一直都未有確切了解它, 因為入得來一定係叫最出名的炸肶, 魚柳, 漢寶扒呢D最最出色的食物。

說回正題, 我大概等了五分鐘就有得吃, 不過鐵鍋煲仔上實在不吸引 ... 即時印像分還是扣減了一點。還好一打開蓋已熱騰騰地霧煙, 而且都滿上不吝惜, 總算我不往我行入來幫趁, 哈哈 !

先夾起茄子入口, 味道真的非常不錯, 本身做得很干, 再以汁令茄瓜淋身易入口, 這樣更突出茄子味。至於＿6骨味道也OK, 大小也恰到好處, 唯一要挑的就是數量少, 五舊左右。整體汁加茄子排骨都很美味, 令有中式足料例湯及熱飲不另收費, 整套晚餐也只不過是$55 大元, 抵食得來又好味, 推介 ! 

裝修環境是舊式快餐店, 自助形式, 一般都要自己取餐, 不過晚上大都送到你面前, 阿姐都好仁慈及有禮貌。

遠道而來為求一塊炭燒牛扒又一百多有交易 .... 超值 !

小弟一般很少到尖咀, 原因是我不太英文也怕嘈更怕人多 ....

識得來當然係人地介紹啦 ~~ 仲保證不會空手而來 !

呢度憑星期六全日, 炭燒牛扒 $108 (10oz), 但要叫飲品一杯 ... 大約都係 $150左右 !

下午很清靜人不多，環境墨西哥 feel, 點解 ? 因為呢間係墨西哥餐廳　

墨西哥出名係咩 ? 栗米片囉 .... 係 , free 無味栗米片一盤(健康), 送酒一流 !

牛扒叫 medium 好了, 係 ... 要講英文, 好彩仲可以。

牛扒上來時，剛好，所以見議 medium 最好 ... 因為之後都變得更熟了 !

味道咪 OK 囉, 有炭燒味, 牛扒未熟時好軟 ... 之後變硬了, 但都可以啦 , 比起 D 傳統扒房好得多了。

最後 comment 係 , 一般 service, 因為伙計得一位外藉阿姐, 佢好鬼忙 , 算啦 , 呢 D 叫 free service

總結，我會再去 .... 食牛扒, 不錯 (所以你地唔好去) ... 我怕多人 !

一個星期六晚上路經此地, 正無目的地找個地地休息吃晚飯。四處食市都坐滿客人, 小弟一個人就打算事事但但醫肚就算。正要放棄之際, 看見一間細間茶記又有D似快餐店的物體, 話不二說進去坐下, 講真裝修就好舊, 一般情侶不會到, 就是我呢D一個人/街坊/上年紀的阿叔級才會吃飯。

好, 由於太口喝還是先來支啤酒再慢慢看餐牌, 發現原來D小炒煲仔都幾齊全, 有D煲仔已很少地方會有。
價錢仲很經濟呢。想了一會決定叫一個很少地方做得好的砂鍋魚頭煲, 另送白飯一碗。

十五分鐘左右, 個餸就送來, 賣相OK又很香, 仲好鬼大煲,好似不用錢似的。最驚喜就係入面有火腩肉, 仲好幾舊, 真係傻傻地 .... 睇完我都偷笑 ... !

呢個魚頭除左大, 仲係一整個, 香菜又好, 真係不斷食都食廿幾分鐘 .... 飯基本上我無吃, 扒了一兩口吧。因為實在是吃不下。講番Ｄ味道, 偏少少咸, 但炸得很脆同香口, 簡直回味以前的味道 .... 砂鍋魚咪就應該係甘囉 ! 嘆埋支凍啤, 人生一大享受, 果然今晚無入錯去。

為免有做馬成份, 我先拍了照片給參考作證據 ... 哈哈 !

服務就ok啦, 有人主動下單及傳菜 .... 之後不會理你, 正合我心意, 咪煩我 !