近排屋企人搬咗嚟太子,上星期試咗好出名嘅餃子店之後,今個星期就試下附近新開嘅濃湯米線專門店 我唔鍾意食花膠,所以即刻揀咗自己一向鍾意嘅四川口味,口水雞米線,上枱嘅時候好驚喜,有一碟雞加一大碗魚湯米線,四十幾蚊呢個收費性價比真係好高,雞嗰隻辣汁係麻而不辣,真係越食越滋味,即刻再叫咗金磚豆腐小食同埋炸雞,金磚豆腐又係覺得超正,一口一件,個脆皮有少少七味粉食到我唔停口炸雞不過不失啦,我見係期間限定所以試下二十幾蚊兩件都好抵食,我諗我好快會再encore,因為口水雞已經令我非常回味,下次要再試下豬軟骨米線

今個星期試左兩間薄有名氣的餅店，佢地個名都有『Patisserie』，出名的都是卷蛋
所以決定寫個卷蛋兩生花(上、下)集，等佢地一較高下

首先出場，上集：Patisserie Yamakawa 今次食的是士多啤梨味卷蛋，貴貴地，好似要over$20，賣相好吸引
味道呢，忌廉滑，士多啤梨算甜，但應該唔係日本貨食完有少少失望，因上次食左該店是十分美味，記掛至今
對Patisserie Yamakawa 的卷蛋是有期許，但結果是僅僅...
〈下回再續〉

一直覺得旺角區做得好少少的食店，熱潮會較久，始終有地利
大坑D茶記就算好好食，唔就腳就係唔就腳
今日一於試下呢間民華有冇名過其實啦！
一入店，六點幾唔洗等，但都有八成滿座，位與位之間幾逼，麻麻地舒服
勝在門面光猛，幾young的設計，加回少少分

首先，點先要招牌茶記set：滑蛋、厚多、午餐肉、茄牛通，檸茶講真除左多士烘得ok，又夠厚(我認為呢兩點係美味多士的要訣)，唔算特別茄牛通有少少中環勝香園feel，賣點係冇味精，好homemade然後，肉餅飯登場，肉餅唔錯，冇死死實實，再熱D仲好最欣賞，係個「妹仔」甜豉油，味道做得好好總括呢間茶記於旺角跑出原因：比別人用心~
經濟價錢再加D心思，食客都好，所以各位店家請繼續俾心機

牛角開業一段時間，晚市依然大排長龍，和朋友兩次5:30pm前都入唔倒第一輪晚市
2小時的等待，自問做唔倒，走人(我覺得佢帶旺左附近食肆，好多二攤客)
前幾日放假一個人去開德福，1點多，經開問下，即刻入得好驚喜

個iunch menu選擇算幾多，最後選左牛舌&牛胸腹(醬汁)set呢個就係魔法之鹽，打開已經好香個set到，D份量好似偏少(同盛八lunch set比較)
但跟餐個飯十分美味，咩米黎？太好食啦(無影到已經俾我食哂啦):牛胸腹唔太ok，無油香，肉味都好弱，伊呂波好吃很多牛舌幾好，配香蔥吃幾夾，但我又係鐘意盛八圓形果種多D總括而言：地方ok，唔迫，抽風佳，因一、二人都係用一張四人檯坐得舒服(唔怪得晚市等死人)
D肉好一般，個笑臉係俾個撈左魔法之鹽的白飯
如果食iunch我會揀返伊呂波&盛八，晚市唔建議大家排啦

係網上一討論區見Burger king新店有推廣
25/12&26/12的2pm-4pm係MK行人專用區同最新推出的安格斯皇堡影張相，就免費請你試食安格斯皇堡~
嘩，成$40一個包送俾我，會唔會要我做大龍鳳GA?
25號出開旺角，一於八下先

終於俾我係銀行中心對出見到Burger king D人馬，好細個檔，有公主&王子???同人合照(見即影即有相左右二人)
張相及換領券一同俾你，排三分鐘隊，影五秒鐘相，唔算醜怪啦~


用換領券。於旺中新店外賣走(KFC以前個位)
幾豐富，塊肉size比一般Burger king正常包大，注明係安格斯牛肉出品於包裝上
味道算唔錯，但唔值用$40正價單買



免費晚餐，雖然唔係好好食，但絕對好開心，希望遲D又有新推廣啦

幾鐘意食sushi，見灣仔呢間Bubbles評分好高，午市都幾有質素咁，點可以唔試
是日一點走去到，個場坐滿office客，真係唔book都食唔到
佢午市有鍋物or壽司刺身set，一於試兩樣
每款set都有蛋、蜆肉麵豉湯同沙律，幾好味，元氣一個蛋$16蚊，湯D蜆肉大隻，抵



滑蛋牛肉鍋，D汁好好味，牛肉多又滑，送飯一流

OH~~my love登場啦，九件手握sushi件件巨size有油光，兩如四件細細地加州券，睇相都見到件魚幾肥厚，試想想呢件係壽司唔係刺身呀，太滿足啦


跟餐的雪糕只係一般，但前面的食物已經証明左呢餐每位100有找的日本菜幾超值，絕對推介

從未試過一間食店寫兩次(雖然已經事隔很久)，但那天和生日朋友到訪長洲後帶點感觸，想同人分享下
叫左豆卜蝦串及魚蛋後，便等店內老先生幫手炸起
大家傾開兩句，原來佢就係老板甘先生
我同佢講佢D魚蛋，蝦丸真係太好食，我次次到長洲必又食又買
甘先生好自豪話佢D魚蛋絕對日日新鮮打，鮮味確不同，但佢話自己已經年紀大，而家全部俾伙記做，自己只係得閒睇下鋪
我問你D仔女冇接手你生意，佢話仔女都出哂去，自己有事業，邊有人做魚蛋呀，好彩伙記好幫手，鋪頭先得以繼續
我不禁有點感觸可能好多美味老店就係因為以上類同原因而消失.............
美味有時真係要珍惜，希望各位老店的下一代都有呢個想法啦
傷感完大家睇下美食啦

見openrice有新插入相片功能，決定寫篇食評支持及試用
正題：得龍，老店中好出名，近排仲有電視女廚神介紹，終於吸左我同屋企人黎提前做冬

最出名之金錢雞、有雞肝，水晶肉(肥肉囉，哈哈)、加叉燒，層次豐富，每人半件，小小地，最令人回味，真心覺得正


太爺雞，影得太近，sorry ar~有少少煙燻味，好食，但不能令我忘懷，因我對雞是有要求


山楂咕嚕肉，舊式食店才用山楂汁製作咕嚕肉，有selling point，算幾好食


籠仔蟹飯，D蟹瘦，冇咩肉，但好香，夠份量，做冬一家四口總算飽飽暖暖


燒鱔併炸奶，兩款都香口，燒鱔好厚身，燒出油香，炸奶而家好少食到，又係令人懷念之味道


最後送上之杞子桂花糕，勝在清清地，為呢餐寫上甜蜜句號
我覺得可以款菜式介紹幾好，滿意新功能，我食得開心，希望大家都睇得開心

睇完台北小吃札記，對台式的舊小吃的幻想有升級之感
呢間小店近期又hot，試下啦，點知中招
點左
刈包：好熱，包鬆軟，肉肥，但過得去
魯肉飯：又係肉偏肥，但好香，十幾蚊，合格啦
紅糟肉：店員極推介，但好少份量，係有酒香，但談唔上好食
紅燒牛肉麵：點解餐牌要推介，D肉完全無味，個湯唔得，最糟係D麵，
粗幼不一，有D生，有D太淋，50蚊架唔掂成咁

幼幻想破滅，實在未夠"台"型

去睇旅遊展，最近就係謝斐道開餐
見呢間小店客似雲來(，以菲人為主)，感覺正宗
要了兩個兩肉客飯(皆配老板推介之串燒)
老板識廣東話，再同我講牛腩好味
另一客則要了炒牛肉
牛肉有點老，味道普通
但花生牛腩則離奇地似大件版五香肉丁，好搞笑，但很惹味
至於眾多食友讚好的串燒亦好正，好大串，同港式風味甚不同
$30一客又大碟，抵食得很，下次再