平日夜晚去左做 叫左澳洲和牛餐 $408+1 可能我喊係叫日本和牛最貴個個 唔見好似其他食評咁講 餐廳服務員會幫我整埋壽喜燒🤔 佢地只係倒完湯 倒完堆菜落鍋就會無再出現過 後期連加湯都要搵人🙄 目測當晚入座率唔高 連每枱個壽喜燒無湯都留意唔到 我唔係好理解其他食評講服務好 留意到客人需要指邊方面🫨 因為無人介紹之下 我地唔知送個盤肉 原來大片係壽喜燒 我地拎左去燒肉 好乾又韌🤯 全晚大部份肉 都好韌 個爐個火較最細 又無咩火力 較中火 又好快燒燶 十分奇怪 個人覺得連燒肉like都仲好食仲抵食 選擇又少 先講飲品 可樂同其他汽水係用汽水機 我倒左杯可樂 飲左味即刻唔要 無味又無汽 唔知飲緊咩💀 枝裝野飲 只有少量鴻福堂系列 去到後期想拎烏龍茶都無哂 其實任飲任食 你係咁唔refill唔俾人飲 咁我咪下次唔幫襯囉 咁小家👎🏻 火鍋料更加反哂白眼 蟹柳都無條 得兩種唔知咩腸 其他都係菜…. 呢個價超唔抵食 最後仲不停催賣單叫你走 講真你都無人等位 俾我食埋手上杯雪糕得唔得

平日係荃灣搵lunch食 發現呢間係如心廣場既日本餐廳 之前網上面介紹 以為佢得omakase 所以一直無咩留意 但原來佢既lunch menu都幾多選擇 有燒肉丼 炸物丼 壽司 烏冬 價錢唔算平 但佢環境係幾大幾舒服 耐唔耐食一個好既 可以考慮 我今次叫左個炸多天婦羅蝦餅飯 $128 （近排有免加一） Set另有茶碗蒸同沙律 蛋同飯都註明係用日本產既 隻蛋既蛋黃好吸引 用黎撈飯好好味 塊天婦羅蝦餅都明顯會見到有蝦肉粒 另外蝦餅仲有野菜去炸 所以好大塊 食到最後食唔哂😅 見到menu上仲有鯛魚湯烏冬 又有咖喱炸鹿兒島豬扒飯 燒牛舌丼都好想食 決定下次再去試

是日大約1:30pm去食 去到先係風口吹到頭到痛 勁大風 問呀姐可唔可以調位 點知勁無禮貌話出面都有人等 咁我又唔係霸你兩張枱 關有無人排隊咩事 跟住另一個點餐呀姐仲好笑 我地2個人本來叫左一個飯 諗住叫多個辛辣麵餐 但呀姐話2點先有 咁我地話轉頭再落 諗下再叫 個時我地都無為意 結果諗到食咩啦 再叫個陣 首先個呀姐已經多次無視我地 叫左好多次先落單 然後我地叫左第一個就走左去 正當我想話 我2個人叫一個餐你就走都走唔切？ 無啦啦上左杯野飲 原來呀姐私下自己竟然幫我落左第一次個個餐 Wt? 你同我講未到2點你得賣 我話再睇下諗下食咩 你走左去同我落餐？ 跟住仲想屈話個飯出左啦 想擺我枱 如果你服務好d態度好d 我都算 跟住我地問佢咁其實你幫我落左 幾多個餐 點知呢位呀姐又轉頭走鬼左佢 左走右走 死都唔理我地 然後幾經辛苦叫到個好似經理既人 點知同呀姐一樣無禮貌 仲暗串我地咁你宜家想落咩呀又 嘩 真係想即有走人 但佢又屈左杯凍檸茶放我地枱面 跟住野食黎到 當然垃圾 個烏冬係噹噹最差個隻烏冬 招牌厚豬扒只係一塊普通豬扒 唔覺待吃厚 特別好味 真係呃鬼人 咁樣叫特色豬扒 ….

難得放假，唔想係屋企hea過，於是約朋友出去食個tea。上網見到呢間環境幾好，3點幾去到，都坐咗8成人，我地被安排坐係窗邊，不過對出係街市垃圾房，所以view就痳痳啦。叫咗兩樣野食，埋單大約三百。

1) 和牛漢堡配手切薯塊
- 可以揀芝士同兩種toppings，toppings要左煎蛋同紅菜頭，芝士要middle cheese。和牛好juicy，不過牛味就唔算太重，芝士無咩味，麵包軟熟。整體都唔錯，不過又係食既時候好論盡。2) 奄列
- 又可以揀topping，揀左煙肉。奄列好味好滑，唔會煮得過熟過老，仲有d蛋汁包係入面，呢個回味encore。

一直想試巨大版奄列，但知道星期六日黎會好多人排隊，所以難得閒日放假，就同朋友兩個人去食。兩個人叫咗三樣野，埋單大約一百蚊左右，算抵食。

閒日大約3點到，都坐爆場，餐廳好細，都係以卡位為主。

1) 細奄列
- 原來奄列有分大同細，大既$5X，細既$3X，我地叫咗個細既，仲有個牛油方包。細既都好大份，粗略估計大約有4隻蛋左右，入面仲有火腿絲。味道方面好普通，真係得個外形吸引，試過就未必會再叫。2) 炸雲吞
- 炸雲吞香口好味，而且仲有兩隻口味揀，有蝦同菜肉，我地叫咗蝦，相對就無咁濟。炸皮薄，可以encore。3) 阿華田奶昔
- 呢個最有驚喜！$26 一杯，飲落好濃阿華田，亦唔會變水浠浠，所以飲完都好飽肚，但呢杯野係最深刻，下次想試埋好立克奶昔。

同朋友慶祝生日，book 咗一門黎試吓。用餐時間兩個鐘，野食整體黎講算唔錯，不過份量比較細碟，所以一大班人黎既可能唔夠分，建議最多4人黎食。我地8個人，叫左10樣最抵食又比較飽肚既野... 埋單$891。

不過開頭有2個員工服務痳痳，第1個，朋友問一吓可唔可以轉坐入面枱而唔對住門口，但該名女服務員黑面回應入面既枱唔郁得。第2個，落單之後個男服務員就以佢超快又lur既語調重覆，根本無清楚咁重覆一次...

1) 芝士玉子燒
- 玉子燒好滑好味，由於8個人分，一人一細舊，所以無話好濟。2) 白身魚煎餅
- 煎餅以鐵板上，有個汁淋上去，好香口，但就食唔出到，亦食唔出白身魚…3) 鴨扁肉蒿麥麵
- 湯底用甜醬油，蒿麥麵算爽口。4) 煙肉卡邦尼意粉
- 卡邦尼醬汁夠creamy，不過就係大路貨色，為飽肚而叫。5) 鍋燒雞蛋飯
- 超熱超快有飯焦，都屬大路貨，無咩特別。

6) 豆腐牛肉茨 (柚子風味)
- 雖然menu上寫住有柚子風味，但講落個湯又無咩柚子味，牛肉片都有d，但印象唔深刻。

7) 酥炸河蝦
- 呢個香口小食好味，炸得脆口又唔會話太油淋淋。8) 牛油蜆
- 蜆算大隻同肥美，牛油味濃。

9) 海鮮沙律
- 如果鍾意刺身既會覺得抵食，佢又有魚又有蝦，而且個醬好開胃，呢個都值得一試。

0

10) 蟹肉牛油果卷物
- 味道只係一般壽司飯咁。 

屋企人生日，book左黎試呢間。之前有食過極尚大喜屋，屋企人已非常喜歡，滿意，但見食評分享呢間熟食款更多，所以決定一試。 book左6點但5點幾已經好多人到等入場。 用餐時間2個半鐘，感覺時間足夠唔洗食得太急，仲可以中場休息下再食。 刺身方便我地俾極大赤蝦吸引!!! 呢樣最回本，大隻又鮮甜，食完都好難返轉頭食普通甜蝦。 熟食方面比極尚多，有炸蠔，一口芝士，都好好味道。芝麻雞翼炸得好香口，我地食左4round! 仲有帶子酥盒幾特別。不過甜品就痳痳，芝士蛋糕有肉桂味!@@ 而mango pudding係果汁糖個隻假甜。 不過黎到都唔旨在食甜品，刺身炸物夠哂好味。 而且上菜快同準，服務人員面對繁多客人同訂單都保持禮貌，值得讚賞! $238+1, 我已經又book左月尾黎去食多次😁

媽咪生日, 一於食餐好既~
當極尚大喜屋岩岩開既時候, 見到食家分享已經覺得好正~
所以save低佢, 等有咩大時大節就黎試食!

早2個星期到book位, 驚多人~
到入場前, 好多人排隊, 對面街仲有影我地相,
應該係我地人龍真係長得誇張~~

大約係5點50-55到, 就開始入座啦~
野食方面, 刺身同壽司好多款, 壽司都有3-4張紙~
但驚食得太多壽司飯會頂肚, 所以我地主攻刺身, 三文魚幾round都係魚腩,
甜蝦大隻又鮮甜! 仲有藍蝦, 姐係泰式虎蝦!正!
赤貝,北寄貝,象拔蚌都好新鮮爽脆!
食左我地5round!!

炸物就主力食左芝痳雞翼! 食得出係新鮮炸既, 送到黎仲熱啦啦! 又香!
而天婦羅蝦都好好味, 炸粉唔會厚!
如果有炸蠔食就好啦><

熟食其他就有焗帶子, 有好多沙律醬, gd! 但食1隻都夠, 濟濟地!
意粉都唔錯, 忌簾汁都夠味同creamy!
甜品有芝士蛋糕, 細細份, 正正方方咁幾好, 唔會太大塊, 而且一人都會有一杯haagen dazs 雪糕!
有好多大家都鍾意既味! chocolate, cookies, strawberry, coffee~

除左野食之外, 我覺得要讀既仲有服務!
所有員工都好好, 有笑容, 而且好主動收我地d點野食紙, d杯杯碟碟!
同佢地講有邊d野食好耐未黎, 佢地會跟, 之後都會有得食!
呢d係暫時我食過咁多間放題之中, 我覺得係極尚先有既好服務!
咁真係加分!

所以會再黎!
一人$306, 計埋加一.

朋友平時係九龍城附近返工, 所以成日係到食野,
一晚就帶左我黎食呢間泰國菜.
經佢試過, 佢話d野食好味, 大碟同埋平.

我地平日夜晚去到, 唔算多人到爆場, 唔洗等位就入得.
同朋友2個叫唔到好多野食, 但其實我樣樣都想試><

最後叫左3樣野加2杯野飲已經飽飽.
叫左鳳爪沙律, 雜錦拼盤同埋金邊粉.

鳳爪沙律好味好抵食, 超大碟都好似係50幾蚊~
除左鳳爪仲有好多花生腰果, 酸酸辣辣好正!!!

雜錦拼盤因為我成日都好想試炸皮蛋所以叫左.
但就覺得一般, 而且個人覺得個炸春卷入面係粉絲唔係幾岩我口味

金邊粉都唔錯, 唔會太油.

我仲好想食咖哩蟹同串燒,下次要多人黎再食先得.

星期5, happy friday同同事去食紅雞~
我地夜晚11點去到, 驚見都要排隊
排左半個鐘到入得.

因為都夜啦, 我地都無叫好多野, 叫小小咁食下過下口癮.
叫左我之前睇報導講緊特別口味 - carbonara 炸雞~
仲叫左個芝士條~

芝士條我覺得唔係幾夠熱~
所以入面d芝士有d 硬, 做唔到軟心效果~~

跟住重點係炸雞~
好期待, 可能係咁所以更覺得期望太高...

1碟雞都有17件~
但炸雞粉係數間韓國炸雞店黎講(vs 李家 vs fairyland) 算厚..
所以扣左d分....
而且carborana個醬都無咩味........
同雞唔可以講好夾....
連1般意粉的醬都有d比唔到....

所以野食始終要自己試下, 就知邊間真係好食唔好食.....
始終雜誌講到太勁...... 講到間間都好.....