平日晚上來到慶祝大日子~餐廳環境舒適，色彩繽紛, 很適合拍照。播放著歌曲，很適合和朋友聊天小聚。打開餐牌，食物選擇蠻多，沙律、小食、湯類、主食（漢堡、麵類、飯類）、咖啡、甜品…　實在吸引！

好食嘅貴精不貴多~除左咖啡拉花好靚~食物類好似意粉都非常入味~性價比高~而我最欣賞甜品紫薯窩夫~完全心心眼~

紫薯窩夫堆滿鮮忌廉、紫薯忌廉、士多啤梨、紫薯雪糕、甜薯同棉花糖...
食材豐富，賣相精緻。紫薯味濃，吃一口雪糕，一冷一暖，幸福滿瀉~整體不會過甜~絕對色、香、味俱全~價錢都很相宜~出色! 要再來~

陽光普照的星期六，獨自來到尖沙咀，享受片刻寧謐。
日本風的裝潢、不一樣的座位，開放式的廚房...一目了然~這頓午餐可以吃得漫不經心~
點了紅菜頭栗子牛柳意大利飯，中日合壁的配搭新鮮感十足! 賣相精緻，就算我selfie了一會，温熱仍在~紅菜頭煮成的意大利飯入囗即溶，紅菜頭本來沒有什麼味道，但總覺得味道很鮮~加配了幾粒栗子，別有風味! 精華相信就是充滿咬囗的牛柳，不過熟，而且惹味，為意大利飯畫龍點睛。驚喜也是沙律配菜，份量十足，黑醋令人胃口大開，色香味俱全!  

能吃到誠意及美味並重的午餐，倍感幸福鳥語..真花香~

特意老遠走到灣仔Kasa晚餐，吃出了小幸運~令我吃到幸福的家香味。
幸福來自:懷舊風的裝潢、香港街景的插畫，開放式的廚房...一目了然~濃濃的聚餐氣氛很開心~美味的菜式 - 表面是傳統中菜的名稱，內裡卻是西式/新派的烹調處理，10個趣呀~我們點了梅菜肉餅流心蛋，豬肉包著的炸蛋，不油膩，份量剛剛好^^再吃溫泉蛋番茄牛肉，配合紅米飯，中西日合璧好夾~番茄唔會超酸，免治牛肉加薯仔粒又香又夠味，如果有粉麵烏冬仲正~驚喜的甜品及咖啡 - 真係甜魔必食~奶黃流沙心太軟的香氣早在遠處都聞到，每次食心太軟見到裡面的醬料緩緩流出，都是嘩嘩大叫。吸引是奶黃味濃郁，好過平時的甜甜朱古力~千層西多士分別有榛子醬、朱古力醬及花生醬，雖然好甜，但分享就唔怕變肥仔。仲有萬壽無疆杯的拉花咖啡，喝一口香濃咖啡，這裡也很適合當文青。窩心的服務 - 的確有點意外~因為侍應哥哥好主動，食唔唒會好體貼問你要唔要拎走，親切態度已經好少見。最感激他及甜品師傅的幫忙，在好似藝術品的甜品碟上刻字，生日變得特別難忘很感恩Kasa帶來的獨一無二~謝謝~那天的心情特別好~
這間充滿心思的Kasa，就是在家千樣好的感覺~性價比高一定會再來。

如果是對的，就放心去做！就這樣我已經習慣跟茹素朋友一起時吃素
很開心，我不吃招牌海南雞飯，卻選擇了炸麵配蔬菜。驚喜是意想不到，炸麵高到成座山咁，又香又脆。 蔬菜份量仲勁多，包括椰菜、豆角、芥蘭，西蘭花等，款款入味。
我從來冇食過咁多菜嘅多元化麵，仲有橙做甜品，健康抵食。
滿意是原來是發覺不用吃肉也可以很精彩，我要永遠支持這裡，這裡的用心令人感動！我也要一生一世繼續努力向目標進發呢

呢間英倫氣息小餐廳出哂名不用多講，推介呢度係因為約我慶祝生日嘅知己為我而設嘅驚喜，幸福多得餐廳咁照顧客人咋。

其他西餐味道好夠水準，特別更是Red Velvet Cake，是熱賣的呀!蛋糕面層有乾玫瑰花乾裝飾，好友特地加上我的名字，賣相超過100分，收到嗰刻開心到想喊。Red Velvet Cake面層忌廉幼滑，蛋糕整體口感頗結實，兩個人分享剛好。我愛這生日蛋糕，更愛英Bricklane的特色甜點，很甜很甜。

獨愛甜品，特登後試綠茶滋味
軟心朱古力抹茶芭菲
咬口軟心朱古力，入口即化
再食抹茶雪糕，味道濃郁
食埋餅餅同粟米片，豐富脆口
又有忌廉及QQ水晶，質感軟腍
多種味覺及視覺享受
味道一流真係試過就知，獨沽一味都冇問題

今日終於試到香港第一間吉蒂概念店嘅出品，買左個 Hello Kitty 聖誕版牛奶 Mousse，可以一嚐堂島卷加狀似牛奶布甸嘅滋味！
 
牛奶味嘅Hello Kitty 外型 Mousse已經夠吸引 ，唔算濃但亦不至於淡而無味。估唔到中間有層草莓雪芭，酸酸地幾清新。當然最好味都係底部嘅堂島卷，蛋味香濃，跟平時嘅餅店唔同，內裡忌簾滑而不膩，果然出名呢！
 
而且聖誕佳節，有個應節牌仔，太開心了！期待唔同節日推出嘅特別版。外賣包裝有埋冰包，keep住温度真細心。讚！

慕名而來，遠赴西環一遊！
餐牌有必食推介，不過我哋想揾自己嘅推介，都冇乜跟風呢！
先來免費嘅薄脆頭盤，薄脆配上薄荷醬或辣醬都各具特色，喜歡脆口及清新開胃的辣椒仔topping!鐵板燒春雞份量充足，熱辣辣雞腿雞胸兩大件，醃得入味，帶有少辣，驚喜！咖喱牛肉是紅咖喱，平時愛吃加了椰奶的少辣青咖喱，想不到不算勁辣的紅咖喱配芝士烤餅有一百分好味！ 鬆化烤餅厚度剛好，芝士多到流出黎，就算唔點咖喱都夠濃味，美中不足係牛肉稍為過熟呢！(仲有個正位睇到廚房嘅大廚整薄餅呢！)最後食埋菠菜薯仔，菠菜蓉應該用左唔少菠菜，連同薯仔帶有入口即溶嘅感覺，好滿足！愈食愈辣，但絕對刺激食慾！話說去到咖喱店當然要飲Mango lassi，好juicy，又新鮮，唔知落左幾多個芒果呢？ 好飲，啖啖都好爽！食飽飽後， 熱情友善嘅老闆仲送左一盤地道糖果俾我地揀，揀左咖啡糖甜住走呢！聽講老闆在港住了十多年，已經摸熟香港人嘅口味！所以更覺得晚餐嘅味道好啱港人！值得推介！有機會要試埋深井分店，相信水準一樣好呢！

買左團購，認識左八王子，感到驚喜呢!

所叫菜式:
海鮮冷麵好足料！有帶子，蝦，蟹柳，超多粟米同蘿蔔絲，新鮮！加上芝麻醬冇得輸，味道正！三文魚沙律都唔差，多生菜，三文魚大大件，但本人鐘意芝麻醬多過醋呀！芝士獅子狗+北海道年糕啲芝士好cheesy，少少份量唔膩卻反而更好味！侍應態度勁友善，又會問下我地覺得啲嘢食點，值得再來呢！

是夜同行朋友不多，但所吃的菜式都不錯
一來就見多款醬料，有辣油、甜醬酒等，像色彩的圖畫，令人加添信心享用晚餐! 作為調味味道適合!
黑松露餃子矜貴且足料，肉味濃而不膩，啖啖都正
北海道牛乳花膠火鍋湯底夠特別，款式創新，滋補，奶味濃，滑不流口
芝士丸是本人最愛，最開心當然不像有些火鍋店供應的假貨! 流心極正，芝士味香
其他菜也新鮮，感到絕不吝嗇，我們吃了最安全的生菜，好味
自家梅子茶超吸引，不酸又解渴，清新提神，誠意十足！
火鍋館乾淨，驚喜的還有贈送的中式糕點桂花糕等賣相精緻，味道清甜，聽說平時有雪糕，可惜當晚冇貨呢！
美食確為飯聚生色不少呢！I like this hotpot restaurant!不愧為眾星勝地呢！