Fat Angelo's (尖沙咀)

同班朋友一行6日黎到呢到一試FAT ANGELO呢個大名~
朋友先去, 點左starter, main, 之後仲有dessert
我就搵左好耐先搵到~ 真係步步驚心~
入到門口, 都有waIter問下我有冇位~ 話有之後就行左一個圈先搵到~

講明先~ 我係外國食慣西餐 同埋時不時去食OR同朋友整西式甜品 所以要求都幾高~

一開始食個starter 有炸軟腳蟹, 有squid, 仲有雞翼~ 可能我遲左既關係 食唔出係咩味.. 哈哈哈...

之後有個roasted chicken, spaghetti , cheese+tomato pizza, lamb, 個salad,有butter and bread, 有一個tiramisu, 一個apple crumble.

個roasted chicken 佢地話好乾~ 我就冇試啦... 因為我食開係好soft n juicy既, 聽到都怕

個spaghetti 應該係似寛條面不過係幼D既~, 有蝦有tomato source, 一食落去.. EEEEE 只係食到牛油味..

個Cheese+tomoto pizza, 是關我地唔豬唔牛. 呢個choice唔錯, 同埋佢d tomato 唔似homemade o個d咁, 林既~ 係好企身, 好有口感, 又唔會焗到出水 good

lamb. 小妹嗜羊既~ 食左一塊~ 唔... 點講既. ok啦~ 個source 好似係薯仔熔.. 唔.. 有dd disappointed

有食到個包~

而個salad呢~ 佢地食左一個,好似係送既..咁我見到有black olive, 即刻唔食,,個waiter聽到. 仲話幫我換過個冇olive, 唔錯唔錯. 我地upgrade左倏cesar salad, 好食!! 住晚最好食既就係呢個!!

tiramisu, 聽講好好食, 咁我就食左d~ 唔... 冇咩酒味wo個base, 好似唔係手指餅底tim, 個面既coco粉d咩好淡~ 咖啡味都唔夠~你問我smooth唔smooth呢~ 我覺得係一般~

個apple crumble.. 好失望wo.. 食apple crumble, 最好食,係應該係d crumble, 應該係脆..唔脆wo.. d 肉桂味重到丫.. d apple..唔得wo..如果佢唔仲意林既係想半生熟, 佢唔好做真係睇到邊邊生邊邊熟lo~ 我覺得好似係技術問題...

全晚~我地都不斷加熱水, 不過 次次都好似要舉手舉一陣子先有人見到~ 好似冇CPK咁好~ 不過態度認真唔錯!! 仲比左一JAR熱水我地TIM~ wahaha

環境都好好~ 唔錯~

試完, 我就覺得一次貨仔..
可能我要求太高
同樣既價錢.　starter 我會選cpk , main 我會選擇outback , dessert我會選798 unit & co.

阿杏飯團 (旺角)

食過幾次阿幸飯糰每次都好足料，已經唔係第一次叫網紅蟹肉飯團， 但今次叫咗個網紅蟹肉飯糰裏面嘅蟹肉少得可憐，得一舊，大部份都係啲脆脆嘅油炸鬼。一切開 d 脆脆係派山倒海咁跌出黎。。。真係嚇親



呢個飯團係賣蟹肉而唔係賣油炸鬼，網上既圖雖然係demo但對比我呢舊飯團真係差太多！（下圖係網上order 既相）有青瓜絲，有蟹肉3舊，而我買既係1舊蟹肉，超多脆脆，冇青瓜變左生菜。

今次想寫個食評係因為佢係入圍美食，應該更重視出品質素，而唔係咁隨性。

盛記粥麵 (佐敦)

睇youtube 有個幾出名既廚師介紹呢到既雲吞麵, 香港人當然食過麥X記等呢D又貴又唔飽既出名麵家, 連十大碗呀個d 我都試過, 覺得都係正常發揮。

見廚師大力推薦,  而且又平平地咪 bookmark左係opernrice, 有日係呢邊搵食就行去搵下。 鋪頭係MTR出口附近, 好方便, lunch time 1 點幾, 都有一大班人係門口等.. 我呢D 無敵一人前平時唔哂排隊, 都等左8-10分鐘。

鋪頭坐既位置唔係好多, 有少少迫既我碗麵後面既炸兩係對面既客人order, 有塊膠版隔開, 睇相大慨知道有幾迫。

 我就叫左個雲吞麵+熱豆漿 $43。上枱時, 雲吞係D麵既下面。 佢大大粒, 仲有鳳尾架~ 每粒雲吞都有大大隻蝦, 而個鳳尾係煮得岩岩好, 完全唔會糊狀爛哂。雲吞麵好多時都衰係梘水味, 呢到係完全冇梘水, 同時D麵好彈牙! 真係口感一流。

個湯呢, 個人覺得冇大廚講到咁出眾, 但係好飲既。同時試左佢辣椒油, 好味~ 不過 我最後都冇咩落到, 因為碗麵太好味唔想破壞左佢既原味。

除左碗雲吞麵, 我跟set 加左杯熱豆漿, 呢個決定真係冇錯! 佢真材實料到面頭有層厚厚既 "腐皮", 真心值回票價~下次黎既話想試下佢既招牌薏米水

塩 (中環)

約朋友食個lunch 又要有位真係唔易。shio 係另一個都係附近搵食既朋友介紹既，黎左都幾次，間餐廳愈來愈多人，要等下位。。。。

叫左個tonkatsu 吉列北海道黑豚定食（$178）， 包左一個,芥辣八爪魚，一碗麵豉湯，同埋一個茶碗蒸。不得不讚佢既麵鼓湯都幾惹味。而茶碗蒸都好香滑，熱辣辣上檯。抵讚！

我既炸豬扒比朋友嘅壽司定食要等得耐啲，應該真係即叫即炸。嘩，我係香港真係未食過咁厚既炸豬扒，而且仲嫩滑多汁，加埋一大堆超慷慨嘅椰菜沙律。不得了！！塊吉列黑豚放入口脆到自己都聽到，佢厚但嫰呢下真係值回票價。值5粒星！！！




不過shio既敗筆之處，仍然係碗濕到痴埋哂既飯。一間日本餐廳/居酒屋要煮日本米且粒粒分明係基本，幾次d飯都係咁，都幾失望。




個食評比“ok” 係希望下次黎有碗正常既日本米食。

嘉美餅店 (深水埗)

不得了！！ 好耐冇食過咁好食既鳳凰卷！出面大牌子既唔係皮太厚，就係椰絲太少，又或者超甜。總之，好難搵到ratio 岩岩好既鳳凰卷，隨著小店同整呢d傳統餅店愈來愈少，過去幾年都真係冇再買鳳凰卷食，轉戰食蛋卷

今次，朋友係深水埗買左2盒傳統小食請我食，見到鳳凰卷已經開心，食埋入口真係超驚豔，佢既皮薄餡靚 +微甜， 真係一絕。實而不華既包裝，同貼地價錢，嘩！！！！ 真係直入我pocket list.





另外既花生糖，係用脆黎形容！ 唔係一般咬到牙都爛既硬！

highly recommended 呢間老店