灣仔區午飯時間, 要揀有質素的地方飲茶選擇並不多. 從前較多去富聲, 但去得多都悶, 最近同事發現咗呢間李公館, 於是就一齊去試下.

由於已經係一點半繁忙時間過後, 一去到就已經有位, 唔洗等, 而且環境幾靜, 適合幾個同事仔一齊黎吹下水~

一坐低開茶, 經濟介紹桂花鐵觀音, 反正未試過, 就叫黎試下, 點知一試真係不得了, 未入口桂花清香已經撲鼻而來, 但入口卻是甘香的鐵觀音, 一試難忘!之前睇食評, 見咁多人推介<脆脆野菌腸>, 黎到就梗係要試下, 另外再加<綠茶流沙包>同<與別不用春卷>.<脆脆野菌腸>最外層係腸粉皮, 中間係脆脆, 最內層就係各式野菌, 入口滑, 咬口脆, 很有新鮮感.<綠茶流沙包>最大賣點並不是綠茶皮, 而係入面做得非常好的流沙蛋黃, 很多中式酒樓不是做得太實 (流不出), 便是做得太稀 (一咬開就流到成手都係!), 但呢度個流沙做得剛剛好, 即使掰開時亦不會流滿手都是! 此外, <與別不用春卷>和馬拉糕都係水準之作.同經理吹開水, 發現原來呢度成日都會有新菜式, 俾多 d 新鮮感客人, 不過某 d 舊有菜式就可能因此下架, 所以去之前要有心理準備, 隨時有驚亦有喜!

呢間 cafe 同其他樓上 cafe 最唔同係收費, $50 任飲 3 個鐘, 飲完咖啡又可以飲花茶, 真係抵到爛!

服務方面, 應該叫做自助式, 而唔係差囉. 最少人地有禮貌, 無黑面又無咀"描描". 好似我咁唔飲得咖啡, menu 上無寫明有朱古力飲品, 就咁問佢可唔可以要淨飲朱古力唔要咖啡, 佢都即刻沖到, 呢 d 咪叫做貼心囉!

另外推介玫瑰花茶, 好香, 必試.

檸檬草花茶味道就唔係人人啱, 我覺得似藥油味....

家在附近, 但一直都唔知有間咁好食的老店在此, 上黎 open rice search 先知佢o既存在.

前後共食過兩次, 都係食晚飯, 雖然係老店, 裝修同格局都比唔上現代食肆, 但食物質素絕不馬虎, 是一家很有誠意的食店.



第一次去食時梗係食招牌雞, 叫左個兩餸小菜套餐, 另一個餸係肥牛粉絲煲, 仲附有足料老火湯, 再另加一個上湯白菜.

招牌雞就如一般白切雞, 唔點汁就咁食就無乜特別, 但一點汁就好食到不得了. 肥牛粉絲煲好足料, 牛肉很滑, 同舊式大排檔味道有得揮. 老火湯亦都無乜味精味, 湯渣多到可以當埋一個餸咁食, 正!

最後後兩個人食三餸一湯, 飽到捧住個肚走.



第二次就係今晚去, 忽然間醒起上次仲有好多個餸想試, 所以再幫襯.

今次係食風沙雞, 芝士鴛鴦豆腐, 上湯白菜仔, 又係兩個人三個餸.

今次仲好食過上次, 個風沙雞皮薄又脆, 雞肉嫰滑, 點唔點汁都咁好食, 必食推介!!

芝士鴛鴦豆腐超好食, 可能本身無 expect 過佢係點樣o既一道菜, 食落口第一啖即刻有 "叮"一聲o既感覺 -- 真係好好食呀!!! 魚腐炸左之後外皮脆脆地, 加埋又濃又香的芝士汁 (其實叫佢做芝士"獻"更加貼切!), 用魚腐礁一大擗芝士再即刻放入口, 真係好食到停唔到呀! 呢個又係必食.

可惜我地食得太慢, 食到後期呢兩個餸都凍哂, 已經無第一啖時咁好食啦! 下次要食快 d 先得啦!!

兩個人埋單先 $121, 咁o既價錢有咁o既質素, 真係超值!

因為住得近, 所以成日都落黎呢度開飯, 細個時好鐘意食農場餐廳, 老闆無變, 仲係當年農場餐廳個老闆, 如果唔係電視有介紹過我都唔記得就係佢.

上星期去食時, 老闆埋單時話我地知過年後間鋪就要搬去上水啦, 我一聽: "下! 上水?! 咁即係我以後都唔洗食啦!" 即刻個心都沉埋, 所以今日晚餐去食個勁o既! 留個美好回憶嘛!



今晚係食 12 安士牛扒配蒜蓉蝦, 落單時 waiter 已經講左製作需時, 好! 唔緊要, 慢工出細貨.

飲完個三文魚南瓜湯之後, 再等多 10 鐘左右, 終於都有得食啦, 果然不負所望, 大大塊牛扒七成熟, 外脆內"林", 厚得黎一 d 都唔 "un", 好有牛味. 蝦就中規中矩, 如果變成開邊蝦的話會更入味更好.



另外之前食過好多次o既薯菜, 佢個醬好特別, 將個薯仔切開再撈埋 d 醬一齊食, 個味道係第二間餐廳做唔到, 幾十蚊一個餐但有過百元食物質素, 真係抵讚!

真係好希望農家意粉有一日可以好似當年農場餐廳咁開到全香港都有分店, 咁就可以再次食到咁有 heart 煮出黎的好食物.

自己生日, 阿媽出到聲話要為佢當年辛苦生我出黎慶祝下, 所以揀左經濟實惠又好味的金潮.

一早知道佢排隊排到出哂名, 所以 6:30 已經去到攞籌, 但當時已經爆到連門口等位 d 凳都坐滿哂, 只好企住等.

佢個派位制度真係幾唔公平, 唔係叫 number, 而係叫 "有冇兩位, 有冇四位", 之後 d 人就擁埋去, number 最細而人齊 (一個都不能少!) 就入得去. 初初我地唔知, 係咁等左大半個鐘, 發現唔對路先去問佢叫到咩 number, 但佢點都唔肯講, 淨係話下張到我地

不過入到去就好興奮啦, 因為 d 野食真係好香, 一行四人叫左四樣野:
1. 椒鹽炸豆腐 - 感覺好得意, 炸到粒豆腐大大件, 可以點淮鹽或者喼汁食, 兩種食法都好好味!
2. 咕嚕肉 - 不過不失, 無驚喜, 不過分量頗多, 每人都最少有5舊肉以上
3. 蒜蓉炒通菜 - 炒得唔均勻, 有 d 菜超好味, 但有 d 就完全無味, 可能係星期六晚廚房太忙
4. 黃金風味雞 (即係黃金蝦的雞柳版) - 全晚最好味的一碟, d 咸蛋黃漿炸得剛好, 雞肉鮮嫩, 十級推介, 必食! (適合對海鮮敏感但又想試黃金蝦的食客!)

最後四個人食左 $217 (連埋四碗白飯@$7), 真係超抵超好食! 等位等耐 d 都係值得架!! 不過要求有 "今時今日的服務態度"的食客, 就唔好黎食或者寫衰人啦, 因為呢度定位係做街坊大排檔生意, 唔係 sell sevice 的高級食肆!

聽說這餐廳的放題很不錯, 於是便和數個朋友專誠坐車到黃埔一試.

餐廳位置較為隱閉, 找了半天還要問保安員才發現它的位置. 老實說, 門面不算光鮮, 感覺一般.

閒日的晚上也滿坐, 坐位很窄, 店員服務態度有待改善.


點了各款不同食物, 主要是串燒, 味道是不錯, 不過若是要老遠從其他地方乘車來就不必了, 尖沙咀旺角銅鑼灣也有不少同類型同質素的放題餐廳.

手卷方面, 點了牛油果軟殼蟹和大蔥吞拿魚, 牛油果和吞拿魚少得可憐, 差點要拿放大鏡才找到它們!

我們點了一客中華沙律, 怎料份量不是一客, 而是一口! 一口便吃掉了整份放左醬油碟的中華沙律!

刺身不算新鮮, 這樣的價錢在黃埔之外範圍外也有不少選擇

串燒是有水準的, 特別推介雞腎和雞軟骨, 燒雞翼也值得一試

飲品和雪糕都是一般, 不能談得上好!

每人 $168 另外再加一, 還要專誠坐車過來, 算不上有驚喜, 但如果是住在黃埔的朋友, 不妨試試.

之前見佢新開周圍派傳單, 就搵個星期六晚去食.

可能經濟唔好, 佢 d 食物都算偏貴, 星期六晚都只有四份一坐位有客, 我地兩個人無 book 位 walk-in 都完全無問題

兩個人本來想叫二人餐, 但自己唔食得蝦蟹, 所以 d set dinner 都與我無緣.

散叫左一個花生薄餅, 木瓜沙拉, 巴東羊同唔記叫咩o既炒飯, 再加兩杯野飲 (特價 $22 兩杯, 呢個抵), 為到 around $280 埋單, 葵芳黎講佢都算高消費.

明顯 feel 到廚房煮野食有兩個/類廚師, 一個為傳統印度/泰國/東南亞口味的, 另一個係 local 的一般廚師, 因為食落 d 食物味道完全唔同.

傳統食物如薄餅和木瓜沙拉的口味就完全食唔到港式口味, 唔知算唔算正宗, 但一定唔係第二間餐廳食得到的一般味道, 巴東羊個汁都係一樣咁 good.

但巴東羊 d 羊肉, 絕對懷疑係最後先淋個汁上面, 完全無味, 連羊肉味都無, 即係只有肉類的質感, 如果閣下鐘意飲汁的話, 呢首菜係一個不錯的選擇!

另外炒飯就真係麻麻, 加埋一成 $80 俾個茶餐廳一般質素出黎, 超唔抵, 要食炒飯的話, 去茶餐廳分分鐘好食過佢.