好耐好耐都冇試過為試新嘢而排隊，只係知道呢間「Tsuta蔦」係日本第一間米芝蓮一星拉麵，諗住試下，琴日先開張試業。排隊就預咗，諗住拉麵應該好快，但係佢地煮麵速度比想像中慢，所以等到食得都要兩個鐘以上。講返個拉麵，有醬油同鹽味，以清新為主打。我叫嘅醬油湯底真係無得頂，加咗松露油提升咗整碗麵嘅香味。亦會想連湯底都喝光，因為我本身對濃烈嘅豬骨湯底食厭咗，所以覺得呢個夠特別，米芝蓮一星實有原因，义燒唔算驚喜但都算滑。而意外地有提供兒童餐具，而鋪面走嘅簡約路線唔錯，但可惜員工做唔到日本拉麵店嘅團隊精神，地道感欠奉。

去完Sky100，剛好是食飯時間，不過感覺圓方的食肆價錢偏高，剛好發現這餐廳又未試過，又不似連鎖店。以拉麵價錢來說也差不多。不用等位，帶著一個小朋友亦主動提供兒童碗筷。看過食評，沾麵評價高一點，於是叫了個沾麵，老公就試拉麵。沾麵覺得不錯，麵的硬度適中，湯的稀度剛好。义燒好味，只是略為薄。拉麵湯底就沒有驚喜，有點偏鹹。再看餐牌原來是米芝連推介食府。雖然不是最好驚喜，但我覺得可以一試。

因為附近返工關係, 試過呢度飲茶, 呢度嘅食物不過不失, 上個星期幫襯過, 發覺特價點心9.8 而其他大中小點都係寫.十幾個八, ($xx.8), 埋單睇番張單, 全部變晒整數, 即刻覺得點解咁大個集團, 都要用呢招, 攪到好似女人街賣衫咁......我都見過有d食肆會收齊頭, 但係都會係收銀寫咗, 呢度係冇任何告示寫會四捨五入! 今日落雨中午再去咗呢度飲茶,點知情況都係咁!

於是我地同埋單嘅服務員講, 點解會收十蚊, 佢面有難色, 之後就話揾營業經理同我地解釋, 點知番嚟又係佢, 就話係系統嘅問題, 咁我地話連加一都roundup 咗, 咁加加埋埋咪收多咗囉, 咁佢即刻發晦氣話系統佢得改, 我自己攞荷包d錢俾番我地, 我地即刻話唔係錢嘅問題, 係佢地根本冇任何地方話俾食家聽佢會咁收錢法, 我知佢難做, 都係公司政策, 咁咪叫經理嚟。

經理嚟到就解釋話係系統新整, 只係識得計整數, 都係用咗兩三日, 我地仲係第一個人投訴。佢最後就話單冇得改, 俾番現金兩蚊我地。

其實真係唔係計錢, 我地覺得佢起碼要有告示寫清楚, 咁樣做好似有欠誠信!

之前先看了食評, 都預計這裡的賣點是景, 食物質素應該未能與價錢相符。所以我前一日訂了海景位, 起碼都有個景看。

我們一行五人, 結果靠窗位的夜景又真的看得很清楚, 還看到幻彩詠香江.....
不過打開餐牌, 刺身、壽司、串燒、天婦羅都有, 但總是覺得特色的食物不多, 所以很點的也不算多。

結果我們先點了七款的雜錦刺身(每款兩片), 推介的雜錦壽司, 蟹肉焗牛油果, 刺身飯, 鰻魚及鵝肝手卷, 串燒有三文魚腩和雞翼。

七款的雜錦刺身 - 每款兩片 , 材料新鮮, 海膽連殼上, 特別一讚的甜蝦又大又鮮甜, 蝦頭都有肉和膏吃。

雜錦壽司 - 比想像中細小, 很精巧, 上面佈了海膽、蟹肉、吞拿魚腩和魚子, 可是這裡的海膽有海水腥味, 不及刺身裡的新鮮.

蟹肉焗牛油果 - 一樣很細小盤, 勁芝士, 喜歡芝士的人是不錯的選擇

刺身飯 - 份量很小

鰻魚及鵝肝手卷 - 鰻魚略燶, 鵝肝不錯

串燒三文魚腩和雞翼 - 味道一般

由於份量太少, 再點了天婦羅熱湯烏冬和天婦羅冷喬麥麫, 天婦羅只有兩隻很小的蝦, 最意外的是連葉都炸, 不過又OK, 似吃紫菜, 天婦羅的蝦亦新鮮和炸粉烚當。烏冬和喬麥麫煮得硬度適中。

最後叫了甜品, 我忘了名字, 應該是南瓜糕之類的甜品..賣相很精巧, 可是細少得連一支牙籤也長過它。味道不錯, 奶有奶味, 南瓜有南瓜味, 只是太細小了。

服務方面, 侍應趕著收碟, 用奇怪的眼神打量我們的碟看可以收了沒。感覺不太自然, 而且常常又提加茶。

總括而言, 這裡食物質素還可以, 但價錢與份量差太遠, 較適合情侣來吃。不過夜晚的話我也不會再有下一次。

中午與同事來試這新餐廳, 入去第一個感覺是環境不錯, 我尤其喜愛吧枱後面的紅磚牆。不過就覺得其實座位比較少。我們沒有訂位都可以有位。

午餐有約五款供選擇, 價錢由四十幾至六十幾, 主要為西餐, 有意大利飯、意大利粉、咖喱飯和半隻燒春雞等等, 不過份量就較少, 男仔應該不夠。我要了一個青口意大利粉, 青口的數量真的少, 不過意粉的硬度是夠Al dente。

不過同事叫的意大利飯就太硬了, 我試了一口, 感覺就像生米。其中一個男同事吃了少少就放棄怕胃痛。

剛好侍應經過我就多口問句, 這裡有沒有意見書。侍應答沒有, 然後沒有作聲。我心裡想, 雖然沒有, 是不是也應該問一聲有何意見? 對此答案已經很失望, 然後我們自己向她反映意大利飯太硬了, 她說, 意大利飯是有這樣的感覺類似的說話, 我話我都食過其他, 但也不會有這樣生米的感覺。最後她說, 其實這隻米是這樣, 煮到最熟都是這樣, 那我便回應她應該考慮換米了。然後她便走開了。

最後喝了咖啡, 還可以, 不過對於這個經歷, 我們之後都不會再來吃lunch了。

咁啱經過見到有間甜品舖, 八點幾冇咩人, 諗住可以試, 點知食完飯就坐滿晒, 不過都係等咗一陣。

因為唔係好餓, 所以叫咗一個雪花冰兩份食。 一嚟到, , 真係好大份, 我大大話話都食過三四間雪花冰甜品舖, 最離譜係賣成$38得呢間嘅四份一, 好彩兩個人食一份, 不過都越食越凍,而且呢到嘅款式都算多, 我終於都試咗咩係百香果Q。

見到隔離枱三個女仔一人一份, 真係唔知佢地點食晒, $28蚊真係好抵!

聽講呢度好多好食評...
聽講呢度係好接近傳統嘅德國菜...

結果, 我好失望....

除咗食個景之外...都冇咩試過食一間高級少少嘅餐廳但食到想走....

兩個人叫咗個海鮮湯、德國腸同鹹豬手。

海鮮湯OK...但德國腸同鹹豬手都好鹹, 鹹豬手雖然係鹹啫, 但係鹹到食唔落咁..

而鹹豬手嘅皮又燒到好似平時中式燒豬咁硬, 我覺得同德國嘅好唔同..

我根本食唔晒個豬手就走咗。

雖然有live band, 但係氣氛真係嘛嘛地.....

反而外面嘅景色就真係好靚...不過好失望, 以咁嘅價錢食, 我諗唔係一大班人, 我都唔好去。

嚟開深水埗，咁啱又行過劉森記，先知原來咁出名，門口已經排咗幾個人。雖然店舖係細，不過依然好多人，因為好食嘛!
好少有黑栢葉食，所以就試咗個黑栢葉薑蔥蝦子撈麫($28),黑栢葉又真係好爽，真係好少食到九栢葉做得咁好。蝦子又夠多,同埋咁嘅價錢同份量，比起其他麫店好得多。
我地仲叫咗個炸醬撈($24)，味道都幾好，不過我覺得好似有少少茄汁嘅感覺，所以唔係我最鍾意嘅嗰種炸醬。
我地叫咗個淨雲吞（＄１８）8粒，真係好好味，又大粒，又多蝦，又有蝦子喺裡面，唔知點解咁好食，值得推介！
　

好開心見到喺尖沙咀開番，因為呢度係我最鍾意嘅日本拉麫店，因為我覺得呢度最正宗，店舖比以前大，modern咗，我當然叫我最愛嘅麪豉义燒拉麫，湯底夠濃，麫夠彈，义燒又厚又多。而且有少少肥，正!　而且叫咗正常嘅size, 估唔到食唔晒，睇嚟我下次都係要細碗算。
不過唯一美中不足嘅係，我地叫咗個燒魷魚，點知太燶，燶都有ｄ苦，早知即刻同佢地講。

媽在廣告見到鮑魚、魚翅餐很抵食, 只需要每位$218, 所以一試。
我去到發現食客不多, 可能因為環境較為偏僻, 不會嘈吵, 所以坐得幾舒服。

套餐包括:

高湯黑松露燴翅－雖然我食不出黑松露是什麼味道，但翅的味道及濃度都很好，有水準。
蠔皇鮑魚伴玉掌－這間陶源聲稱是鮑魚專門店，我不是吃慣鮑魚的，所以認為鮑汁和鮑魚都一流。
築地蒲燒鰻魚－很脆，燒汁也很美味
頭抽煎大虎蝦－賣相都不俗，味道也可以
蟲草花泡翡翠－應該是最普通的菜式了
瑞士釀鳳翼－我最愛的一道菜，雞翼皮薄但脆，咬下去裡面的糯米又軟軟地，然後咬咬下又感到有硬硬地的雞軟骨，很特別
美點－好似是椰汁糕及水果，不過沒有特別
蛋白杏仁茶－加＄１０，伙計推介，自家磨的杏仁茶，味道又真的不錯，很香的杏仁味，但又不會很甜

總括而言，這裡的食物蠻算有水準，不過適逢套餐特價就更抵，好似做到５月底．．