晚上時段四個女生一行四人，特地去食個甜品做一個晚上既點綴，然後一直聽聞甜牙牙質量都唔錯，所以坐低都刁立即點餐。
我點的是朱古力香蕉船（另有別名但已記不記）
友人的是Oreo 船和宇治金時船，還有蛋白焦糖燉蛋。
朱古力香蕉船：香蕉微烤，配一球雲尼拿跟朱古力雪糕，有些早餐朱古力脆脆穀粒，底下的是啫厘，朱古力雪糕無朱古力味，啫喱不配，整體普通。
而友人的Oreo 船和宇治金時船先致是最不濟，以西米露做底配料，口感非常差兼難食，宇治金時的抺茶雪糕，沒有抺茶味，是半點都沒有，已經不知自己在吃什麼。

之前看過幾位食評blogger 介紹,香蕉朱古力pizza這款菜式實在太吸引了,結果今天忍受不住特意前往朝聖！
與友人二人前行去吃了tea set

Tea Set的salad bar$58 ,這是友人點的,她說可點三樣配料,友人點了茄子,南瓜和沙律菜,醬汁酸酸甜甜的很開胃,而南瓜的伴汁是帶黑松露,真的很可口。
另外Teaset不包飲品的,友人點了凍榛子latte(+$20）。飲品普通貨色,賣相一般無特別。
 
另外我點了的是tea set的是卡邦尼意粉

入口夠熱而用料尚算充足, 忌廉味濃厚,吃得出有誠意,但teaset而言$68太貴且份量略小,同樣地不包括飲品,點了橙汁。

來到主角我最想吃的香蕉朱古力pizza, 口感沒有想像中的香口, 本來pizza已經分成4份,但批底太濕有點難咬開,縱使用刀也有點費刀切開,入口味道還好, 呍尼拿雪糕配朱古力醬和香蕉, 正常味道未見惊喜。$68

食物總結而言味道不錯,但衡量地點，食物質素，環境三方面後,價錢還是有點貴,可以一試,但不會成為聚腳點,而且服務態度一般,有點鬆散冷淡,吃甜點時亦不會主動換碟,著重服務質素的我而言未見得吃得太過快樂,因為配合優美的環境和食物價錢,我期待更高質素的服務。

我一直都是中環Gooday的老客人,一直以來,我也在Gooday尋找幸福
後來知道Gooday結業了,但老闆娘卻換在太子開張她的第二間cafe -The Cove Cafe Bar Bistro
The Cove的主題以陽光與海灘,藍天與碧海為主,與過去的Gooday Cafe 一樣,裝修花上大心思門口設有露天位置,以純白色的蘺芭,藍色的屏風作擺設,歐陸風情十足,當然最重要還是有一個以玻璃箱箱起的沙灘,老闆娘對於裝修與主題的配合絕不馬虎,光是踏進去,這已是灣畔的世界.
這晚我與朋友一起再延續對Gooday的愛,老闆娘依舊親切的招待,能讓客人幸福的祕訣不只在食物,還有與客人般像朋友一樣的關係沙律菜很新鮮,配上烤雞香和醬汁,很讚!溫泉蛋白菌煙肉意粉,我的最愛!溫泉蛋蛋汁伴意粉的口感及香味喜歡得不得了!鮮茄肉醬豬頸肉焗飯,肉醬配合芝士的香滑濃味,及鮮茄的酸甜,超開胃!薯條香脆可口,還有酸忌廉調配很好吃!我曾經吃過茶木的吐司盒子,給嚇怕了
因為茶木的吐司盒炸得過份脆,所以吃起來很摑口,我個人囗味上實在不太喜歡
但cove的吐司盒子炸得恰到好處,脆中帶軟,而且蜂蜜沾滿每一塊面包
實在太好吃,而且連藍莓雪糕也是老闆娘自家製!口感豐富而且還有藍莓乾
無論食物,環境,心意心思想,都已經超出滿分!
好日子不在,但從沒真正離開,而是換個地方再延續

其實我已經來過呼吸兩次,因為食物真的不錯,
而且可算是食環境,因此如果約會/girls talk幾好,但兩次都係敗在員工。
先來食評

煙三文魚天使冷面
很推薦這個,因為在外面很少機會吃到，冷面醬汁味道有惊喜！配搭口味幾清新

黑椒牛柳粒沙律
正常味道,二人吃剛好,只是牛柳有點韌

小食拼盤
不錯的小食之選,有薯條，餃子,春卷，蜜糖八爪魚丸和波波腸。種類還算多味道不錯。

桂花薑茶
第一次吃味道很豐富,感覺很清新,也很䁔肚。

整體而言食物質素是不錯的,雖然買單370左右
略貴,但食環境的前題,價錢可理解,不理解的是服務。
兩次我也是被同一個女店員招待,但兩次她的態度也很差,板著臉,沒有半點笑容,不是說要賣笑,但服務業最基本的是禮貌對吧?

有次去店面只有她一人,只有兩台客,但我也理解一人要管水吧和樓面是有點忙,但至少我招手下單時可否不要粗聲粗氣回：等等啦！

還有她下單時雙手插袋,你點完菜佢真係會：哦一聲就算,唔講知我真係唔知我係客人。

還有她放下menu 時也很沒禮貌很粗魯,真係好難有一個店員囂張、沒禮貌、粗魯集整一套。

但要讚一下有一位頭髮有點曲的男店員,很親切。
只能說希望下次再來,不會遇見這個女店員。

今晚同男朋友係呢到食晚飯,感覺都唔差
因為唔係咩特別日子,大家都係想揾個地方竭一竭
所以先選擇cocomo,先講環境,因為係一田入面,附近都係超市環境,咁氣氛就無乜架啦,但都叫有啲屏風隔一隔
咁坐低,店員安排我地兩個坐張四人台 ,開心!
我地叫左個蟹肉意大利粉、香蒜蜆肉意粉、黑松露煙三文魚沙律同安格斯牛扒。

黑松露煙三文魚沙律
幾好味,黑松露絕對夠分量同香味,可自選醬汁
分量中間啦 不多不少$60幾蚊還可以。

香蒜橄欖油蜆肉意粉
同想像中有點分別,我喜歡的香蒜式意粉是有很多很多蒜的,這個的話我嫌他不足,而且我不算太喜歡橄欖油過多，不過男就還喜歡這味道。$58

蟹肉意大利粉
還算好吃,蟹粉足夠,忌廉足夠,只是味有點淡,可以放多一點鹽。$68

安格斯牛扒
麻麻地,要了5成熟,味道正常普通,但不值$108
伴菜薯角炸得很醜，看來放了很久,很冷不好吃。

4樣野買單$320幾蚊,西餐正常價，不過相對地點環境食物質素,略貴。
服務正常沒有不愉快的感覺

我一向的食評,也是先以服務行前,食物為後
因為我覺得服務態度是一個影響吃飯心情的要素
如果服務態度良好 吃起來也特別好吃
但好可惜7月4日我去皇后板石燒冰室這舖吃個tea
我入到門口 坐下了
然後有禮問一位短紫髮的女侍應
''麻煩你可...''
話也沒說完 她回頭轉身 帶著不友善的眼神
然後像發脾氣般大力量把餐牌扔在我們的台上
一張餐牌都飛了落椅子
嚇了我一跳
當然她亦話也沒說便行開了
抱歉只是一個行俓 便令我整頓飯不愉快
當然只是她一個這樣
其他的還是正常

其實食餐飯,都係想飽肚同輕輕鬆鬆 我本人就最著重服務 其次先係食物
今晚朋友收工後約我食飯 佢提意去牧羊少年 咁我之前都有睇過下報導 然後同意就去左
當時8:00左右 哇已經好多人等 拎完票就企係到等
可能門口個女侍應見到 立即開d櫈被我地坐
等下等下等到開始出汗 餐廳立即拎d冰茶出尼比客人
女侍應仲好幽默咁同d客人開玩笑 令到其實等得燥燥地ge我地
感覺到呢間餐廳係好friendly 同照顧客人
而唔係一味賺錢 
對著重服務的我地 真係對呢到幾有好感

終於入得啦 入面既環境同裝修真係一流 好有感覺
我叫左個煙三文魚忌廉長通粉 同 紅洒煨牛尾飯
都好好味 
煙三文魚忌廉長通粉好creamy ,意粉都好爽身
唔太冧又唔太硬 入口配煙三文魚碎好正
而紅洒煨牛尾飯好入味 一啖接一啖
後來加左杯熱ge士多啤梨綠茶 入面真係有一粒粒果肉 絕不欺埸

而且餐廳有個書架 好多旅遊書 
隨即同友人plan旅遊行程
過左好滿足的一晚
作為主題cafe 我覺得好成功
能夠兼顧到食物質素 環境 價錢同員工
非常推介大家去一試 !!

 

平安夜 好彩打定電話book位 如果唔係一定無位
一直都好鐘意呢間cafe, 除左報章的食評讚美 仲有浪漫的裝飾
但好少過中環 所以未有機會
直頭今晚親身一去 果然無令我失望今晚平安夜所以dinner set $268/pre one
我覺得價錢都好合理 而且味道真係好好
洛神花包的味道真係又好香濃
前菜,主菜,甜品每一味都好有質素
感受到goodaycafe的的真心真意
而且餐具 佈置 環境 真係無得輸
GOODAY CAFE將會成為我的至愛<3

被錢受氣 我真是係唔會再尼
真心想問有無培訓過啲員工
等左成半個鐘個雞煲都未嚟
問啲丫姐几時有 佢地黑哂面一句
''等下啦!''

每次揮手落單 個個啊姐好似唔洗做咁自己一圈打牙較 真係好火
但收錢又係咁催架喎
我想講 個煲你遲左半個鐘尼 但又要趕我地走
有個阿姐仲要走埋嚟，指住張單大聲鬧：已經叫左你地幾次，夠鐘要埋單啦!你地坐左好耐啦!
我未試過咁樣被人鬧 呢間野啲服態度真係好過份
好啦到我地企起身走
個啊姐仲要被說話我地聽 話捨得走啦咩?

真係好嬲 成班fd食到成肚氣
唔該呢間野ge老闆好好管教員工

真係好失望
今次係我第二次上尼同朋友食個tea,但服務態度已經令我地好不滿
說實話 環境真係一流 有潛能做一間高尚的西餐廳
但員工態度比茶記的還要差
首先 我們叫員工落單
一個又一個視而不見
但佢地明明得閒到可以拎住杯野周圍飲同吹水
已經覺得自己不受尊重

好啦終於落到單
我同友人各點 心太軟同焦糖脆脆拿破倫

然後女侍應給錯了我們
給錯不是一個問題 但佢一尼就'' pat''碟野落枱
然後我們:''唔好意思 我地叫左一個心太軟同焦糖脆脆拿破倫''
佢一語不發,然後黑面......==我唔知佢係想黑同事的面定點
我只可以話當然我地感受到ge係佢 嫌我地煩又要換過
我同朋友堅嬲