郎田日本料理 (旺角)

個fd 係外國返黎,其中就有個fd 提議去呢度試一試
去到個環境真係唔錯,直得一讚!!
刺身種類唔算多,但係感覺都幾新鮮!
天婦羅和煮物一般，燒物則不錯!!
最重要係,各式各樣肉類沒有太多調味
保持了各樣食物自己本身的鮮味~~
老闆, 叫 "友哥"~~友哥仲送多幾樣野食黎俾我地
佢野食其實都幾好食,不過人手真係好唔夠,幾慢下
叫好多野食都漏單,呢方面要改善一下!
價錢亦都合理, 值得再去~~

日泰郎放題料理 (佐敦)

打開openrice見樓下位朋友形容到好似無樣好食咁都卻卻步，不過睇到笑哈哈多過扁嘴，我同Annie都照黎試試，鬼叫我地1個想食刺身、1個想食咖哩咩我地黃金時段去到都係位位$169任食我有無聽錯啊.....
刺身、壽司、串燒、咖哩、粉麵飯類、泰式港式野食，睇睇下覺得叫多幾個fd黎抵食好多，人多可以食多幾款野嘛
刺身我地叫得太多，好似三文魚咁，我同Annie每人鮮決左8件，個1刻我就知道咩叫小食多滋味！！哈哈～認真，呢度三文魚甜又鮮得黎又肥厚，好得得地！仲有赤鯛魚都好肥下，味道淡淡地甜甜地好似食緊肥膏咁，點士油會更加鮮味d！
豬頸肉都真係幾爽口，同泰國餐廳d味道比有得frght加真係得！如果特飲都可以任飲就完美啦！！！

川香苑麻辣雞煲火鍋 (佐敦)

我最愛打邊爐, 由其野食熱辣辣仲食到佢既鮮味添阿我覺得!! 琴晚雖然涼得個少少但都阻止唔到我同班朋友去打邊爐!!!我都6個人哎左好多樣野食, 首先梗係個麻辣正宗雞煲拉, 跟住仲有眼見個d囉!墨魚滑、炸魚皮、鮮笋尖、鵝腸、炸響鈴、魚肚、麻辣豬耳、凍豆腐、牛柏葉.......我無數漏應該係咁多拉! 個麻辣雞煲見唔見到有一層油係面? 超級辣!!! 我同隔離個friend食到(哈、哈)聲, 仲要城面谷到紅晒, 不過食得咁刺激真係堅正!! d雞好厚肉大大件, 1d都唔鞋! 腍腍軟滑好麻辣! 不過食雞個時城日食到d辣椒籽搞到個口好麻, 所以真係有好有唔好!! 個墨魚滑我放左落去10分鍾到就夾左上黎食, 好彩裡面都熟晒, 好爽d肉仲有粒粒蟹籽係到.

個鮮笋尖我平時好少食, 因為城日聽d阿媽講都話好毒, 今次食覺得真係幾味喎, 爽脆爽脆既感覺, 食到好開胃阿!鵝腸我無食到, 見到1團野咁真係無乜興趣, 班仔就係咁喪食, 又話愈肥愈好食阿!! 由其佢d肥膏. 魚肚試過下, 韌韌地應該本身個質地係咁.

麻辣豬耳仔好爽, 食落小小辣都入晒味, 而且d骨頭好軟唔怕咬崩牙!!哈哈

凍豆腐隻口感太腍, 唔知係咪我滾過籠, 粉粉地得個辣味囉!