bgqaz 等級1 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2022-07-29
見有新開嘅店就訂位試下,點知中晒伏令晒野。呢間店個位置都唔係好顯眼同方便,如果尖沙咀站行過嚟都有一段距離。 叫左十二貫嘅lunch set,加一收費$495。全間店連啲茶都冇乜茶味,啲魚生一係就淡謀謀,一係就有苦澀甘嘅怪味。雖然都唔係話貴價嘅選擇,但係水準真係有待改善。師傅同服務員嘅服務都好一般,冇乜介紹啲食物,同埋啲感覺唔太正式。 最出色係個魚湯都幾濃同鮮味,漬物都ok,其他野都真係麻麻地。 呢舊魚係完全冇味好似食緊一pat膠咁,食到懷疑人生諗緊咬緊啲咩 隻蝦完全無鮮味又係好淡 評分: 味道 1 環境 4 服務 2 衛生 4 抵食 1
2015-10-04
見長沙灣竟然有間餐廳近來咁出名,就諗住嚟試下,點知啲野食真係好普通,完全唔明點解咁多人排隊!叫左餐廳新出嘅雞翼,黑松露磨茹意粉,同煙三文魚炒蛋包....講真..啲雞翼好乾...個意粉有啲鹹又無黑松露味...個炒蛋淡謀謀...無味嘅....我等左四十五分鐘就係食啲咁嘅野,真係完全唔值! 另外就係當日係四點幾去,我地係攞左下晝嗰輪嘅最後一張飛,啲職員唔知係咪掛住整理啲枱櫈俾六點嗰輪,我見店入面吉左四張枱佢都仲未叫我地入去!當日出面係落緊雨又三號風球緊,我諗你早少少叫客人入去坐會好啲囉...話晒都喺出面吹左成四十五分鐘已經=.= 總括嚟講野食好普通,唯一最好嘅係啲milkshake,都算好飲嘅..但等四十五分鐘得一杯milkshake係可取嘅...就真係好失望...
評分: 味道 2 環境 2 服務 2 衛生 4 抵食 2
2014-08-25
見到咁好多好評就諗住去試下,仲要之前打過去訂話爆晒無位。以為會好好食,點知完全唔掂,去到有得先拎前菜,但係d 前菜parma ham o個d好似比人夾到亂晒咁,賣相好差,食落味道都好一般,refill 又好耐先一次。 主菜叫左個意粉,唔知點解會o係個意粉度落芫茜,好難食。。。。 d甜品全部放到乾晒,個藍莓芝士餅個藍莓係可以一塊咁甩左出唻,個macaron同撻又係乾爭爭好似放左好耐咁,一咬落去乾到變碎片。 一到兩點就趕人走,完全唔掂,以後唔會再去。
評分: 味道 1 環境 2 服務 2 衛生 2 抵食 1
2014-05-08
刺身唔新鮮,啲甜蝦有腥味,三文魚無光澤 火炙壽司凍冰冰好似無燒過咁,應該燒定放左係度好耐 羊架好韌燒得太耐 個炸芝士波炸到啲芝士已經爆晒出唻,咬落去時個芝士波比較乾 炒飯無乜味 焗蠔其實除左沙律醬唔係好搵到隻蠔係邊,好細粒 冷烏冬乾爭爭用麻醬撈埋一碗就算 訂枱時已經講到明有兩個小童,佢話可以唻到餐廳時度高再計個收費係咪小童價 點知唻到埋單時清一色成人收費,無任飲又收任飲錢 埋單後同店員理論收費既反應係『我碌十萬蚊你地係咪又簽呀?』,『你地唔睇就要take the risk』,原來食餐飯都需要take the risk 咁有冒險精神,咁真係又學多左樣野喇 推介美食: 無
評分: 味道 1 環境 1 服務 1 衛生 1 抵食 1
|