PEKO PEKO 當晚和太太經過康怡廣場，以前是和民現在開了一間新的意大利餐廳- PEKO PEKO， 太太問我有否興趣一試。 兩人便入內進餐： 兩個人點了一個二人餐 1] 沙律選了 Rainbow - Chicken Breast 可能我們胃納不大覺得份量也頗多，兩個人食也足夠 2] 磨菇湯 多士是新鮮烘，帶有一點火炙的味道，相信不是用多士爐烘的，盛湯是器皿是咖啡杯？ 磨菇味極為濃郁。 3] Pasta 選了藍青口，海蝦辣茄醬意大利麵，青口不是我喜愛，但這個味道不錯，蝦和意麵水準亦高。 4] Main Course 選了美國安格斯肉眼牛扒，牛扒肉味豐盈，選擇5成熟，牛扒外脆內軟，切開後見到粉紅色肉質，略為熟了小許，薯角也是熱烘烘，餐刀是Laguiole，很鋒利，很想買一把回家。 5]飲品 選擇了2杯，也忘記了名堂，但也不過不失

門口都等咗大概5分鐘 等咗5分鐘啦可以入座餐廳嘅大小大概可以坐都50個人 而且睇落去都幾闊落 坐低之後就會有一部金色嘅茶壺裝嘅茶，同二碟小食。 我哋叫咗三樣嘢，一個南小館四小拼有： 口水川雞- 口水川雞系新派嘅口水雞，唔似以前果種有辣油喺面頭 涼拌豬耳- 做得唔錯豬耳爽但唔會un 金瓜絲海蜇 - 金瓜絲同海蜇兩樣撈埋一齊口感唔錯 糖醋排骨 - 糖醋骨做得幾好，唔會太甜同埋夠冧 鮮肉小籠包五件 - 小籠包就做得到就失色皮太厚，相比起上海姥姥甚至鼎泰豐就失色一截。 老上海酸辣湯麵一碗 - 湯麵個湯中規中矩，酸而不速，無乜特別，唔點亦無損失 埋單$236 全程無甚驚喜，職員服務態度一般，食品只到合格水準

是晚2人到粤川棧晚膳，位置不太就腳，介乎深水埗及太子地鐵站中間。

由於是2人晚膳關係，叫了一個2人的套餐，想試它們的魚鍋及口水雞。套餐內頭盤是蒜泥白肉或口水雞，我們點了：

口水雞 - 雞肉及骨頭頗為結實，不似是一般的冰鮮雞，口水雞汁味香而不太辣，但比起傳統口水雞來說，此處的相對配料較小，但也不失為好吃。

大理鯰魚鍋 - 麻辣味十足，鯰魚嫩滑，配料充足，而魚雖然不似一般魚頭鍋會先將魚頭走油，但由於是麻辣關係，不走油反而沒那麼油膩，而且魚是熟的，以我個人來說不太辣，但怕辣的人要留心。

涼伴窩蒿 - 一般水準，但個人覺得不夠涼，而且還是暖暖的，似乎是準備時間不夠。

由於時間及我手車關係，故次決定...再 戰 愛 x 生 飯 店 ......

今次因為有事做朋屋企人一早到左等我地，我手車又慢，真係唔好意思，今次去到如果唔搵定位就實無位。今次叫了幾個菜是上次未叫過的評分如下10分滿分)

1) 炸大腸------>呢個菜好多地方都有得食，但係十間有七間都會做得好乾，但佢地就算係幾好咁啦！佢地D炸大腸唔會話好乾，同埋唔會話咬落去一口肥油，亦唔會話好似有D舖頭要爭個D為食減肥客咁，切晒d肥o既部份，得番條柴皮！加埋個汁叫做一般酸甜汁，係呢D地方食，我覺得抵食有餘啦！(8分)

2) 炒勝瓜------>我都出晒名少食疏菜，但呢碟我就狂食7大舊，我覺得佢地個勝瓜炒得剛剛好，青得來爽，加上表青瓜、雲耳、唔會話拖泥帶水，雲耳同洋蔥亦炒得恰到好處，我希望唔係佢地得偶有佳作，呢個值得推薦。(9分)

3) 蒜蓉炒白菜-->呢個菜如果無事先要D等別要求的話就幾好，菜本身己經幾靚，夠油水，但問題係我D屋企人都怕吃肥膩的食物，係落order前已經叫佢小油炒，but.....。(6分--無聽order做野，扣分)

4) 砵酒焗鱔煲-->個鱔幾入味，但販北在佢唔能夠將個砵酒味融入個鱔入面，唔計砵酒，本身己經好好味，或者佢叫香蔥焗鱔，唔加砵酒可能仲好D，但係佢加左砵酒但又唔match到係失敗。(6分)

) 荔芋油鴨煲--->今次個汁無上次咁"希"，但就無上次個芋頭咁"粉"，臘鴨亦一樣咁肥，不過又係個句，叫得呢個菜就預左D臘鴨會肥，整體算幾好，不過不失。(分)

埋單 : 我地五個人去食，鋒無叫野飲、無加一都係二百幾，今次係個大姪女請我地食飯。所以我一樣好開心。^^

早幾晚和屋人到深水埗石硤尾街﹑醫局街交界的大排檔晚膳......

有一個好文藝的店名叫愛X生飯店，當時正是晚膳時間，仍未有檯，但等了約十分鐘便有檯，點了幾個菜如下10分滿分)

1) 沙律骨------>同上一次係沙田火炭津X叫o個個，呢度明顯好味好多，起碼D豬排骨出來唔會乾同霉，但個味同酸甜豬排無分別，個酸甜汁都OK，但諗唔到同沙律有甚麼關係，除左佢係上面"o即"左一"pat"沙律醬之外，如果以酸甜豬排命名呢個菜應該會幾出色。(6分)(圖1)

2) 羅漢齋煲---->好一般的菜式，不過不失，但油太多同落味都幾重手，食完之後頗口渴。(5分)(圖2)

3) 涼瓜排骨---->呢個菜個重點係事前點樣處理D苦瓜先令佢地炒完出來青綠又唔苦，可惜呢度只係做到可以令佢青綠，但仲有小小苦，但炒出來個苦瓜味同排骨味都幾夾。(9分)(圖3)

4) 荔芋臘味煲-->個菜出來幾香同個芋頭煲得好"粉"，但臘肉太肥同個汁太"希"，不過叫得呢個菜就預左D臘肉會肥，整體算幾好，天寒地冬會好正。(7分)(圖4)

埋單 : 我地五個人去食，再叫左一枝啤酒無加一都係 $208.-，重點係個細姪女剛剛出來做野第一次出糧請我地食飯。所以好開心。^^

早幾天的重陽節假期，永安大減假當然去掃貨啦，掃完貨後去後面的吳松街搵食，望過對面，咦! 佐敦咖哩......

看過餐牌後覺得套餐抵食，同行4人，order了一個3-4人的套餐，$285送啤酒一杯(可order其他飲品) - 全部要中辣唔該

評分(1為最低------5為最高)

先來一個snack，脆簿餅加一個綠色的sauce，個sauce唔甜唔咸唔辣但好清爽---3分

乾煎咖哩魚&咖哩雞 - 呢個菜做得幾好唔會太乾，落多幾滴檸檬汁,更香口---4分

咖哩羊肉 - 扯!又話中辣，一d都唔辣，唔知個waitress係咪搞錯左，但完全無羊肉的"so"味，用來送飯或簿餅一流。---4分

咖哩牛利 - 都係o個個咖哩汁，但牛利唔會話煮得好"鞋"，但呢個真係中辣啦!係囉，咁先至係咖哩嘛!---4分

咖哩豬肉 - 呢個竟離譜左d，直頭係辣大啦，我都食到一頭煙，又係o個個汁，都煮得ok.---3分

咖哩雜菜 - 唔會話好辣，好juice下，可以送下飯。---4分

烤餅 - 不過不失，一般水準，呢個都做唔好就死得啦!---3分

全程連加一好似三百幾，幾個waitress，有的只說英文，有的半中半英，有的只懂英文，半中半英的最難搞我地order中辣可以試齊大、中、小辣，哈哈!

還有一個用香料炒的飯，我諗唔係咁多人可以接受到，但我又ok喎!

個餐跟個飯好鬼大碟，我地4個大人都食唔晒。

地址 : 佐敦吳松街47號地下

電話 : 2780 554

上個星期和屋企人番大陸，約好了在新都會廣場等，當時差不多十一時了，肚有D餓，於是就去左一間叫好好粥麵食早餐\佢\個裝修都幾靚，叫左幾樣野，評分如下：

1) 艇仔粥----->粥底本身唔錯，但好少料，少到得人驚，得幾塊豬皮同一舊咸肉、一舊豬肚，無誇張真係得咁多，唔知係唔係賣剩蔗，個粥又暖o既，海X，X景都做得好過佢\。(4分)

2) 鯪魚球粥--->又係同一個粥底，暖o既，D鯪魚球就唔係彈牙，\"淋Bat Bat\"，一D都唔似食緊鯪魚球。(3分)

3) 豉油皇炒麵->不過不失，叫做ok都係呢個，但又係暖o既，味精略重，食完有D口乾。(3分)

4) 咸肉粽----->唉！最容易做o既都會出錯，唔理你蒸熱好，\"叮\"熱好，無理由上到檯都仲係暖，不願置評。(2分)

5) 咖啡------->最熱係呢個！^^但係出奇地淡，比起我係屋企沖個D仲要淡，根本無飲晒已經唔想飲，好在只係叫左一杯。(0分)

P.S: 用得粥麵做舖頭名o既，就應該俾D誠意做，咁o既位置，咁o既質素？咁o既價錢？(特價早餐\)(圖5)，普通一個粥都收二十幾蚊，連最基本都做唔到！比起個D海X，X景還差，如果唔改善，好快.......