有多款凍海鮮，大家都主攻龍蝦 龍蝦多膏唔錯，蟹腳都ok，其他無試 想試麵包蟹，但蓋出得好少拎唔到，得蟹身係到無人拎 其他熱盤都唔錯樣樣都幾好味，其中幾樣比較喜歡：炆牛尾、炸蠔、海鮮飯、焗薯、XO醬野菌炒蝦 比較吸睛的是花膠金邊粉，雖然知道是平膠，但都大大塊比你唔姑寒 雪糕是i scream gelato，幾款口味都好正，有人畢比你比較衛生，其他甜品就普普通通 野飲有一大jar凍檸茶比你斟，呢個幾好，仲有熱檸茶、檸水、咖啡 今日主題是北歐美食，幾樣主題食物都有大大個牌介紹，平時少機會接觸，不妨試試都有驚喜的 買二送二每位實收$362，晚市呢個價錢食到以上既野確是物超所值

一行12人，有老有嫩，早半個月前訂座。由於人數多，餐廳要求落訂$1000。
電郵戶口資料，過數後有職員致電確認，並且回覆會留間房給我們，真好！
要準時6:30pm方可入座。入到去見到間房，好正  急不及待開動啦~~

首先攻冷盤！海鮮有開邊龍蝦、龍蝦箝、蟹腳、兩款青口、中蝦、生蠔。
見之前的食評有麵包蟹，但依家已經無左，好失望
其他仲有cold cut、魚生、芝士盤等
當然大家的目標都是龍蝦啦，每次出一兜仔，開邊龍蝦、龍蝦箝各佔一半，開邊龍蝦好快比人拎晒，剩下龍蝦箝，當晚所見經常是無晒開邊龍蝦，剩下龍蝦箝。
不過，開邊龍蝦其實麻麻，肉實得來無乜味。反而龍蝦箝比較嫩滑及鮮甜。
大家食左一兩輪龍蝦之後已經放棄，因實在唔太好食。如果係為左龍蝦而來，恐怕會失望了。

生蠔是即開，要排隊，每次3隻，阿哥仔密密開，所以唔洗排好耐，味道唔錯，雖然唔大隻但算鮮甜。蟹腳都OK。

魚生方面有三文魚、吞拿魚、鯛魚、希靈魚、彷鮑片。吞拿魚及鯛魚唔掂，其他OK。其他仲有沙律區、日式冷麵、粥麵檔湯有3款，1老火湯、1西湯、1燉湯 (無影)

有幾款泰式熱盤如泰式酸甜炸蛋、葉包雞、咖哩鴨等 (無影)

中式熱盤唔多，得幾味如生炒骨、蒸滑雞、魚香茄子、片皮鴨等西式盤就好多選擇
咖哩有薄餅、脆餅、幾款醬、咖哩雞、魚、菜，仲有個爐即燒燒魚
另外仲有煎鵝肝，好大方，係咁煎出黎，任拎，鵝肝幾好味
炸物有炸軟殼蟹燒牛肉、羊扒，配菜都相當多仲有幾款西式熱盤不過無影，只食左紅酒燴牛利，好好味
飯意粉都有幾款，如西班牙海鮮飯、墨汁飯、黑松露意粉等甜品都係果d，我自己唔太好甜品所以無乜點食
Movenpick雪糕有8款，可以配心太軟食
可惜心太軟凍左無流心總括黎講，海鮮好似無以前咁吸引，龍蝦質素亦有待改善。
中式盤選擇少；西式盤則非常吸引，選擇多而且好味。
甜品一般，好彩有Movenpick雪糕加分。

價錢方面，星期五六日價$568/位，正價就唔會黎食啦
指定信用卡有85折，呢個價位配呢個質素我會比OK
但由於有VIP卡有75折，加上可以用coupon扣4位免費，埋單平均每人三百幾，呢個價位我會比笑

小妹一向好少post食評上來，太懶
不過為左支持呢間真材實料的私房菜小店，所以post上來同大家分享

呢間私房菜係好友介紹，佢幫襯過幾次覺得唔錯
位置係大圍火車站隔一條街
餐廳位於二樓及天台
依家咁熱相信會少d人坐天台
我地一行5人坐二樓室內
地方唔大但好舒適
最緊要係唔會比人嘈親，我地又唔會嘈親人

食d乜就交由好友發辦啦
上菜前侍應會講下今晚的menu
每道菜又會介紹一下，好細心

首先每人6隻生蠔，由細隻食到大隻
好新鮮好甜！推介！跟住就係刺身(5人份量)，好似有幾款可以揀
我地揀左牡丹蝦and帶子
帶子勁大隻，好滿足！吞拿魚沙律(5人份量)
呢個正常無乜特別，有d蔬菜食下芝士焗菇(每人一隻)
以為好齋但配埋芝士、茄醬、中間有d辣肉腸
又幾惹味鵝肝(5人份量)煎得好香唔會油淋淋
size約半隻手掌大，我地切5件
配多士and蘋果食好正，唔會漏
喜歡吃鵝肝的可能覺得唔夠喉食左咁多野依家先到主菜!!
我地選左3款
有乳鴿X2, 牛扒X2 and 羊架5件

乳鴿係兩吃：士多啤梨味及柚子味
個人覺得柚子味好食d，肉嫩多汁
大家一致讚好！牛扒中規中舉，肉味不太強
反而伴碟的烤蒜頭則有驚喜
好淋好濃，但食完又無口臭喎神奇！羊肉我唔食
據報羊架肉質嫩滑多汁，唔太so
墊底的青豆係薄荷味，幾得意食完主菜到意粉
其實都已經幾飽了
選了carbonara，好彩份量唔多
味道好好，汁比較杰身
份量剛好否則會好漏

最後食埋甜品
係法式蛋白Creme brulee
平時食的Creme brulee係蛋黃做，係香d但無咁健康
我就幾鍾意呢個蛋白版，又唔甜，食到蛋白香味

總評：
食物真材實料，唔花巧，食材新鮮
如果你同我一樣首選優質食材，唔食裝修不重花巧
我相信你都會喜歡呢到的食物
聽說呢到開業半年左右，未有好多宣傳
希望佢地支持得住啦！
始終香港地做飲食不易呀~
呢餐每位$500
我覺得物有所值