雖然係食評，但一間cafe既裝潢，的確會影響到食客對食品既評價。最吸引我黎呢度既原因，係環境她舒服，全白系列而又不乏味。

點左個烤雞蕃茄沙律，配黑醋，同埋一杯咖啡。
份量算適中，烤雞意外的多，而菜有生菜，洋蔥，蕃茄，沙拉菜，顏色好豐富！

味道方面，所有菜都好新鮮！最好的係洋蔥，係蕃茄酸酸地既味道之間，夾雜左洋蔥既香甜！再搭上意大利黑醋，真係配合得當^_^

咖啡令我好失望，因為無咖啡豆既香味，難以入喉，超級市場買咖啡粉黎沖都好飲過佢下次一定唔飲。

最近好中意食kimchi！😆所以上網搵到呢間店！
原來想叫個豆腐鍋，但發現原來配埋白飯既，我怕食唔哂，所以叫個海鮮湯粉絲算=_=有配泡菜同一杯野飲。

個粉絲好大碗，我叫左少粉絲，都食唔哂。
好多料，有兩隻蝦，兩隻蜆，兩隻青口，又有魷魚帶子，而且有好多大白菜同蘿蔔絲，好豐富！

味道方面，海鮮做得好好，無雪味，其他我唔肯定，但蝦就一定係新鮮既，肉質好爽，連蝦殻，不過蜆就麻麻，煮到個蜆肉唔見左=_=我幾經辛苦終於撈到，但原來得手指甲咁大=_=好彩其他料補數！我最中意湯底，雖然唔夠辣，但好重泡菜味，加上海鮮既鮮味，變到好易入喉！^_^

泡菜係跟餐配既，無咩特別，商業化既味道，我估唔係自家制，另外，飲料我揀左柚子蜜，但我覺得太甜，可以淡啲！

第一次黎到食魚湯米線！本身中意魚既我當然唔放過！

我叫左個生菜蕃茄魚片米線，一擺上台，已經嗅到果陣魚鮮味！^_^
湯面無油，湯呈奶白色！令人食指大動丫！
魚片好多塊，料非常足！米線亦好彈牙，好好味丫^_^一定再幫襯！

第一次黎到皇后冰室，唔算大間，所以座位有啲迫。

等位等左5分鐘，已經係等位既時候睇定食咩^_^

我坐底就叫左個比目魚柳拼意粉，男友高叫紐西蘭西冷配薯菜，兩成熟，而我地兩個都要羅宋湯。

先講羅宋湯，個湯好足料，唔會只得個鹹字，而且有好大舊牛腩，個湯比較傑身，食得出煲得夠耐。

份比目魚柳上得好快，我一睇，原來係白汁唔係話唔好食，但我個人就不太好白汁=_=意粉量好多，而魚柳都唔細件，但個魚柳邊焦到變黑左，魚柳一定係雪藏-_-#所以無謂斟酌新唔新鮮+_+不過個汁就真係好多。。

份西冷第一次上，我叫男友切開睇下先，不出所料，太熟！明明叫就叫兩成，黎到變八成！真係太過分，唯有叫佢換，第二份黎到，好少少，五成=_=不過算啦，無謂再換，但撇除太熟，件扒肉質都算嫩滑，不過唔知點解會比一大盤汁浸住姐=_=。。。

整體黎講，都唔差，服務生好勤力，而最令我意外，係個廁所好香好乾淨xd但。。。點解由頭到尾，都無比過餐包既+_+？被遺忘的餐包？

一向覺得食西餐，鋸排好奢侈，今次來到馬徳里，見食評，好似唔太貴，所以黎試下=)

餐廳樓下有電子menu，算係幾特別，我同男友夜晚八點先去，最旺既時段！竟然唔使等位@@

坐低一睇張menu，一個肉眼扒餐都係$108，我叫左個羅宋湯，八爪魚沙律，肉眼排，龍蝦汁意大利飯，同埋凍檸茶。

一開始上沙律先，個沙律賣相一般，而且份量唔多，食落都覺幾新鮮，蔬菜算是爽甜，配上酸酸既sauce，都幾開胃^_^最正就係個八爪魚，比平時係日式餐廳食既八爪魚更好食，個醬甜甜地，岩岩好同沙律個sauce配合得天衣無縫。

羅宋湯配餅乾條，羅宋湯無咩特別，同一般西餐廳差唔多，餅乾條硬硬脆脆咁，配住個湯就真係幾正^_^個湯就唔會只係得蕃茄個酸字，反而多左餅乾既麥香。

肉眼排我叫三成熟，但第一次上果陣，我一切開發現全熟咁滯！唯有叫侍應幫手，睇下換唔換得，最尾成份換左^_^一切開，入面係粉嫩既粉紅色！真係好吸引！入口香嫩有牛味，黑椒汁加左香草，十分濃郁。但我就嫌個汁落但太多。。大半隻碟都係，而且味太重，搶左出色既牛排。

意大利飯係加左龍蝦汁，但陣味好淡，反而雜菌味更突出，不過個人唔抗拒菌類，所以幾中意=)而且飯加了不少香料，入口個黏度適中，可惜份排實在太大，個飯食唔哂=_=

伴菜有脆玉瓜同紅蘿蔔，但有少少火箭菜伴黑醋，瓜同蘿蔔加左檻欖油去煮，食落香又fresh^_^凍檸茶同平時茶餐廳飲既差唔多，用鐵杯裝，都幾大杯

整體餐廳服務態度好好，侍應都好年輕，勤力，雖然餐廳個名同裝潢都唔似西餐廳，但環境同價錢夠平民，更令人感舒適=)

今日第1次黎到笑笑屋,
因為自從發現瓊華係好多野食之後,一直都想黎試下笑笑屋
咁岩又有COUPON,咁就同男友黎試下啦=]

我男友好中意食海膽刺耳,所以佢就叫左一板海膽,$168一板
結果上到黎,唔係用板上,而且又係得5件刺身同少少紫菜
賣相非常唔掂，啲海膽1pat pat咁，未能引起食慾。
入口鮮味不足,明顯放係度有一段時間,唔新鮮,仲有D唔係原隻刺身,只係好似黃色既泥漿
除番開,都要$30幾一件,實在太貴

之後叫左個牛肉蝸,牛肉少左D,但係好鮮甜。
整體黎講，成個煲太油了...雖然湯底夠濃,不過料既份量太少，同埋台台既份量都有出入，陣離台既份量比我地一倍有多，唔知係咪因為唔同師父整=(
烏冬尚算唔錯，係我中意既扁身烏冬^_^烏冬既橫切面積較細，比較大大條既巑岐烏冬較易入味，抵讚！

仲有,叫左個牛油蒜香帶子,各位食家既食評的確冇錯,好香好入味，菜色中央有蔥花點啜，賣相吸引，
雖然帶子細細粒，但更入味更香，
而且鐵板上..好夠熱

三文魚腩SUSHI味道算OK,不過不失,都叫做新鮮
個要$20一客，略嫌太貴

整體黎講，每人要$150，貴左少少，不過服務同質素都好好=)只係個海膽太令人失望

低糖綠茶
好大杯，但好甜

忌廉湯
太咸了。。而且唔夠熱，味道同一般罐頭忌廉湯一樣

三文魚芒果沙律
生菜份量唔多，但有細心切成小件，頗新鮮，芒果好清甜
三文魚只有兩塊，但好新鮮，成份沙津搭配醋油汁，感覺好fresh

服務
餐廳出面放左好多雜誌，比啲客人拎入餐廳睇，幾特別^_^侍應好有禮貌

價錢
$50幾蚊一個沙律，貴左少少，下午茶唔應該咁貴，最唔抵食！

煙三文魚沙律$35
賣相好令，算大份，加左醋油汁，蔬菜好爽脆，新鮮，而且切成入口大少，貼心，仲有青瓜蕃茄粟米，岩哂想瘦身既女仔^_^煙三文魚比較瘦，不過鮮味不減

服務
員工都好nice，好勤力
食野之前要比左$$先，有啲似快餐店

今日十一點半就黎到江戶前，好少人@@唔使等位^_^專程黎到食拉麵

蔥粒三文魚壽司
紫菜入口仲脆，而且三文魚仲係凍既，好新鮮，蔥粒配住三文魚，鮮味更突出，同埋跟麵餐+$3就配一客，抵食^_^

血池海鮮拉麵
之前食過血池魚柳，但唔夠辣，所以今次叫大辣，麵既份量好多，炸蝦另上，溏心蛋每次黎都覺得做得好出色，湯底今次辣得好正@@用料唔吝嗇，有冬菇，魷魚，蟹肉，帆立貝，海帶，粟米，全部都好新鮮。拉麵好彈牙，而且索性湯底既味，正！可惜炸蝦啲粉太厚，雖然唔焦，但好硬=(

青蘋果紅茶
杯底有啲好似愛玉咁既啫哩，甜甜地，好味^_^

今日男友生日，同佢試餐廳^_^揀左天機棧

我地每人都點左一個套餐

鮮蝦蘋果凱撒沙律
蝦好幹身，但蘋果好新鮮，不過份量好少

法國我肝
少油，但好味，多士脆

周打海鮮湯
夠熱，好creamy，多士好脆，好香蒜茸味，成個湯好鮮

炭燒肉眼扒
叫三成，黎到變六成，不過好嫩滑，炭燒味正，意粉夠彈牙^_^伴菜既蕃茄都咁正，好有黑椒味

法國蘋果派
好甜，外脆內軟，好似春卷樣

綠茶木槺
太重奶味，無口感

咖啡
香濃幼滑，上品^_^

服務
殷勤，顧客至上