每次經過都好多人排，但網上食評好多都一般，因為個海膽飯就去一次。 三色海膽-幾鮮味喎，下次去都會再食，海膽份量足夠送果碗飯，不過我估佢係一早做好，你叫就用火槍係面燒一燒解凍，因為佢放薑個位，d海膽完全比薑味覆蓋，最唔滿意係這點。 牛肉飯（忘記名）-見隔離食，5成熟既牛好似好吸引，份量又多，一食就好失望。好‘銀’。 和牛沙律-個牛好食，沙律基本野，菜都新鮮，個汁正常，不過我覺得個牛點wasabi豉油仲好食。

唔止買過一次這間的麵包，之前經過見新鮮出爐買左2個雞尾包，包有紙兜托底的，都幾大個，返到屋企食，個底仲係濕麵粉黎，阿爸話佢未夠熟，佢話食左都冇問題既，但我真係食唔落。
另一次買叉燒包，唔係剛出爐，所以少少硬我都明白，包唔算好大，但個餡只有五毫子咁少，我真係冇誇張，因為我食左2/3個包都未見餡，我以為自己買錯，特登撕開個包睇的，五毫子份量的黑色冇汁叉燒餡，真係大開眼介。
除左佢既包質料一般之外，2位店內的阿姐態度都係唔休做的，所以我唔明點解仲未執

在mikiki2間餐廳選一間食，睇食評這間評分很好，就算比另一間貴都選擇左食這間試下。

坐底有每人一條麵包，熱的，有幾個醬可以點黎食，個包冇咩味，但點醬或牛油食好香。

黑松露蘑菇湯，聞落去好香飲落去一般，我地5個都覺得個湯好稀。

芝士煙肉薯條（佢餐牌寫芝士煙肉洋蔥薯條）要等10幾分鐘先到，可能是即炸的，黎到冇洋蔥都冇洋蔥味，不過芝士好多，每條薯條都有芝士，熱辣辣好食。

除左個薯條，其餘仲叫左一個豬肋骨（d名唔太記得）燒得好乾，冇肉汁，豬肉冇咩味，要點汁，但個汁味道都係一般。

一個西冷扒，7成熟，但中間有好多血水，可能太厚，估計只有5成熟，我唔可以食太生，所以淨食條邊，一入口，嘩...鞋到呢...食左2粒手指頭咁大份量就食唔落。

龍蝦汁天使麵，味道還可以，而且份量都幾多，但麵煮得太𣺉。

三文魚寬條麵，好重蒜蓉味，很香，但太溜，最後大家都食唔晒。

仲有10蚊一隻蠔，我地叫左6隻，因為唔係人人食，味道可以的，這價錢可以一試。

仲有個佢地皇牌的液態氮雪糕，佢比一般雪糕凍，冇咁快溶，但大的份量都好少的，每人食幾啖。但影相好靚。有一缺點係佢用黎墊底塊黑色厚膠片，直接就係上面食的，但塊膠的清潔程度會令人好猶豫，不過食左冇肚痛。

但佢既主菜味道全部都好一般，以這個價錢，我地以為可以食到更令人回味既味道。

成日經過見佢成日好多人，叉燒好似好靚好多人食咁，今晚外賣左個叉雞飯$46，唔算好平，正常價錢，飯好多，但雞好少，林住送少可能係精啦，勁失望，好采佢既豉油煮得好好食，唔咸有油香，加d姜蓉，都食到成碗飯。

因為想食燒和牛，又咁岩特價，加50就可以任食蟹。佢係個套餐咁叫的，唔記得388定399一位，包了和牛沙津（沙津唔算細，菜新鮮好食，但裡面的和牛係半熟的，口感較硬，有少少腸仔，不過和牛同腸仔冇為沙津加分）

刺身（睇人地食有3款的，當天每人只有2隻甜蝦同4片唔知咩魚，因為我唔鐘意食魚刺身，唔識分，新鮮，合格）

豬肉（燒左幾次都好乾，唔好食）

雞 （好正常的雞柳，冇咩特別調味，正常）

和牛（一份有三款，最大塊個件最好食，好香好滑。最深色就最 韌，2人共食左4份，一份比一份肥，都正常既，有理由比晒最好既你）

蟹（比係一田買百幾蚊果d好食，凍鮮黎講好得，有鮮味，冇雪味）

豬，牛，雞，蟹可以任食

加左150飲酒柚子梅酒好好飲，黑糖梅酒較甜，啤酒佢話佢唔知咩日本啤，正常啦，如果會飲3杯或以上都係任飲抵，因為一杯都55。

可能係平日book左1930，去到竟然一個人都冇，8點先有第二枱，到走都冇其他人...

餐廳環境不大，不過坐位都幾闊，仲要一提個廁所好大，好乾淨，仲要有部獨立冷氣

食完已經林緊下次幾時再食多次

對上一次食完覺得所有食物偏鹹，食完好口乾之後就無食一段時間。今日去九龍城搵野食，見到無人等位就再試一次。
招牌牛肉餅：皮薄多汁，外皮煎得有少少脆，流出黎既汁有一湯匙咁多，而且冇上次食覺得鹹

食完今次會再去，下次多d人食可以叫多d野試

裝修後第一次食, 樓下有十幾人等位不過2位好快就有位, 裝修後光猛左好多, 同以前設計唔同晒, d好恐怖既海盜公仔冇左, 感覺乾淨好多。。。
招牌菜白咖哩豬扒,,保持水準, 咖哩不辣比較甜, 撈白飯一流, 不過食完有少少漏, 豬扒炸得一d都唔乾

雞翼都炸得好好食, 勁有蒜味


東陰公肥牛粉絲, 食左一半先影, 所以賣相差左, 湯底帶酸, 唔太辣, 粉絲比平時我食既粗身, 我覺得幼好食d, 都ok

炸曼頭可以唔洗食, 可能放耐左, 個皮一點都不'趣',又太飽肚啦一份5個, 我地2個人食

沙冰好有芒果味, 但勁甜, 飲左少少真係飲唔落, 下次叫返汽水算

總結這餐都好滿意
仲有最值得一讚係服務, 次次㩒左服務制唔洗半分鐘即刻有人過黎good ar

其中一位朋友要食素, 諗起哩間有新式素食, 就決定訂位試下
打電話BOOK枱時梗係問定有咩要留定先有得食, 店員介紹椰青盅湯(個名唔太記得),
$38一個, 我諗住可能好細個, 洗唔洗一人一個, 但又怕唔好飲, 最後留左2個(我地4個人) 好采只係留2個, 4個人每人都可以飲2細碗, 不出黎已經好香椰子味, 味道好清香, 因為冇肉始終唔會話好甜, 但我地都好鍾意係門口見到張相好似好吸引, 係用菇整既, 但唔係太覺得有陳皮味哩個三色椒裡面有苦瓜, 我本身唔係太鍾意食, 但都食到, 佢冇出面XO醬炒果D咁野味, 可能始終食慣有D肉味個樣我以為係茄子, 一入口勁似食緊魚, 個汁酸甜適中可以叫碗白飯送都得味道似玉子豆腐, 加蔥煎香外層, 又香又滑最後講下哩杯茶, 應該係玄米茶, 襯熱飲好香架, 不過個茶壺設計真係差D, 好易倒到成枱都係, 就算好小心都會倒瀉

每款食物都感覺好用心, 唔係食素既人都可以一試

成日都黎食, 刺身好新鮮, 好多都係即日空運到港
池魚刺身: 因為老闆話新鮮, 真係好甜, 魚骨最後用椒鹽炸, 都好香口
三文魚腩: 每次都一定會叫, 因為今次人多所以提早打電話留了6份, 一份好似係3件鴨胸PIZZA: 都係每次一定叫既, 餅底好薄似印度薄餅果種, 料好多, 芝士好多
今次仲有叫其他款PIZZA試, 但最正都係鴨胸刺身: 加拿大海膽- 2個字鮮甜, 其他都OK
炸軟殼蟹: 未食過咁細隻既軟殼蟹, 一開二都可以一口食晒
海鮮粥: 因為太多刺身, 唔夠飽叫左2款粥試, 超淡味, 下次唔食
總括食物質素係中上, 這個價格值得

第一次食book左海景房, 因為只早左2日book只可以食6-8pm
佢地接受兩星期前預訂, 下次想睇維港激光要早兩星期BOOK三食剌身飯: 刺身OK, 但唔鍾意個飯好似食緊普通白飯冇咩醋味牛肉剌身: 最愛這個, 好有牛肉香味, 一D都唔韌鵝肝壽司: 見其他人都推介, 如果熱D可能會更好, 但一黎已經係涷既燒三文魚頭: 其實同出面食到既質素差唔多燒牛肉: 下次唔會再食, 好韌, 味都唔係特別好

其實總括覺得食物質素只係中等, 出面有好多地方都可以食得到
只係環境比較有優勢, 有特別記念日子可以一試