裝修已久一直期待有新的主題食肆, 上週開幕日下雨天, 但人流頗多.  今天懷疑冷氣有問題, 超市唔見有魚賣, 饒之味冷氣亦不足.
環境
仲有少少新鮮裝好修的味
被安排的座位冷氣滴水, 可以掉枱其實沒有問題, 但今日食肆真係好熱, 成面汗, 比在室外更熱.

用餐
因為是午餐用饍, 並沒有好奇問要晚間餐牌.
午餐都是套餐, 配有沙律, 面豉湯, 漬物.  有豬有牛有魚, 以午餐來說都正常. 我們一行4日點了4個套餐, 兩個厚切鐵板牛, 一個薄切鐵板牛, 一個豬肉.  當服務員送餐時, 其實我們4人都有說不出的"咁既" 的表情, 因為食物presentation 真係好令人失望.  說價錢, 唔算貴, 亦唔係好平, 新店開張亦沒有大贈送收平, 所以,  可唔可以個餐的presentation 靚少少. 味道是好的, 份量亦是合理, 在十分熱, 而且個presentation+價錢 vs 我地期望有落差的情況下, 幾好味都假 (又唔算係), 再唔再回頭真係要考慮, 或者等成個九號水產整好D先啦......成個場還是有點吉, 似特大AEON海產部.....
另外, 茶介每位8元, 水免費, 但要杯水都係要問先有, 行得入去食都預左有D錢要俾, 只係咁0既服務, 8蚊都唔想俾佢, 服務員真係...唉, 有冇訓練過架!!??

P.S.  沙律菜同行有人覺得不新鮮, 我缺纖維, 沒有考究全吃.

11點左右到達, 全店估計顧客平均年齡冇70都有60來.
要自己搵位, 應該話搶位...呢樣真係唔係我强項, 有朋友話好食, 既然來到堅持一會.

幸好唔算等左好耐有位.  坐响大約店中間位置, 有點心出爐姐姐會由一邊捧住行去另一邊, 中間要就叫阿姐放低. 如果錯過左可以問阿姐.

一行三人, 唔理咁多, 阿姐棒住點心行過就舉手, 樣樣都熱辣辣, 呢樣己經加晒分.

特別愛吃
1)  雞扎
大大件, 一般酒樓都係用火腿扒, 呢度用左豬肚代替, 好食

2）流沙奶皇包
見食評個個都話流沙包必吃, 真係好流沙喎, 咬到兩粒仔旦蔶,好食.

3）燒賣&豬肝燒賣
正常燒賣好吃, 佢個豬肝燒賣都十分好吃, 好耐冇吃過豬肝.


4）瑤柱蝦餃
瑤柱蝦餃係超點, 都好食.

5） 胡椒豬肚
有咸菜, 有埋湯仲好.

呢餐BRUNCH 3人埋單都只係HKD180, 好抵食
好多人等位，零晨3点就開，下次係咪要早d呢？

身邊多肉食者，搵人食素真係幾年唔逢一潤。
上星期同動物脂肪結盟，其實呢個星期都係打算戒紅肉，素食，正好。

一行13人，訂座，私房菜格局，兩張大枱，幾張四人枱，坐滿可能可以容納60-70人左右。
可唔可以walk-in?唔知， 冇問。
當晚仍有兩張4人吉枱。


晚市套餐，全場都淨係得呢個餐。


10-course + dessert

杯茶好，解渴



1）四式拼盤
     "叉燒" - 青瓜 - "魚旦片" （佢真係數夠一人一片）- 南瓜蓉， 似旦黃
      ok. 正常

2） 御品鮮湯
      菌類，清清地

3） 彩虹壽司 （冇，當晚係蝦丸）
      賣相好靚，細細粒一啖食晒，有d似芝士味的  
      餡

4） 千層白肉卷
       一片晶瑩冬瓜片包住textured soy protein (記憶中係pork flavor)
       幾靚丫。

5） 泰式鑲鬆
      佢個英文形容易明過網名- Stir Fried Veggie Dices in Thai Style
      有生菜包，可能要接近肉味，炒野調味好重手

6）金絲翡翠
      豆苗（响國內常吃的沒什麼葉哪種），個汁唔錯，好味

7）黑松露雜菌意式批
     可以，係我嗰件個面包餅底未熟透，不過算啦，面粉啫

8）東家小炒
     唔得，勁重口味，濃濃的調味。

9）日式燉飯
      可以， 冇咩特別，男士成餐無肉食都叫飯顶住。

10）千層蘋果酥
       我唔吃酥皮，不過都試下，不過不失，蘋果餡料可唔可以多番少少。

甜品 - 腐竹糖水，好食，腐竹能溶晒，靚腐竹。


HKD228+10% per head, 私房菜來說，抵。



註：我支持素食，不過我唔多中意仿肉製成的食品或原材料，即係flavored soy protein等等，詳情同食評無關，純個人選擇。

今次試12点左右去試下要等幾耐位，算好彩剛有一枱用膳完畢，即刻有位。

今次order:-   韓式拌飯，軟豆腐燴（recommended), 加多個烤牛肉紫菜飯卷。

韓式拌飯
上次因賣相靚所以點來試，今次同行友人都係同一個原因。我冇任何評價影响佢判斷，佢個意見係，好食，但韓國的更香，味道更complicated.
呢個好似差咁少少某種味道。



軟豆腐燴（餐牌寫住recommended)
呢款冇得㨂唔辣
2隻蝦-甜
2隻青口
有魷魚..洋䓤，咦，同佢照燒海鮮飯的料一樣，只係多左豆腐，同埋放湯，跟一碗好大的飯

湯有旦花，甜，有蝦同可能因為放左幾粒蜆肉。個辣味好短，意思係只响口腔辣，但唔long lasting, 冇辣到去喉嚨，飲啖水就清到。 食完碗飯我都飲左好多啖湯。



紫菜卷
因為味蕾keep住被刺激，唔太試得出個烤牛肉好唔好食，可能佢唔存在都唔覺。



其實一人一個飯係食唔晒一客紫菜卷，問服務生要左個盒打包，付款收銀仲幫我地用膠紙貼好個蓋同盒身，又幾細心。

下次試其他寫住'recommended'的，唔駛再加一幾好。

兩點未到下午茶時段, 不過太餓, 食左先.

午市套餐由禮拜一至五都有變化, 幫襯當日禮拜一, 揀選了意大利香草雞肉扁意粉, 配奶茶.

有指定幾款飲品唔駛額外加錢, 點其他餐牌有列明加多少.

意粉
來到時另一位侍應話俾錯我, 原來雞肉未上, 我都冇留意, 因為唔記得自己叫左咩.

味道OK, 係我預期要起碼咁樣的，西式意粉
（唔係港式或日式）
雞夠乾身, 唔油.

奶茶, 唉, 我下次唔會叫, 呢間真係唔係茶餐廳, 自己叫錯野, 好難飲.
佢個咩茶葉, 午后紅茶10倍茶葉fragrant味加强版, 我唔用flavor而用fragrant 呢個字形容, 因為, 真係flavor burnt, 香到入唔到口.

今日接近中午時突然好想食熟的魚, 沒有訂座, 打算去到有位就有位, 冇都可以去第二間.  

午市真係幾旺, 好在都馬上被安排入座.
上次都可能寫過佢有16款LUNCH Sets.  SUSHI 魚生嗰D我一定唔會响做爐端燒的舖食.  (後來見隔離有人點魚生SET, 真係要停一停、諗一諗.）

今次點左銀鱈魚燒, 雞肉卷正常, 係件燒粟米矮左成1cm, 對番舊相少左3行.

今日D飯煮得麻麻, 未去到爛個地步, 係多左少少水.  主菜銀鱈魚好味, 皮, 係少少燶, 不過燒, 冇法.  個汁呢, 甜左少少, 甜度可以有1-2%下調空間.



我嗰件甜品係朱古力旦糕 (見其他人係cheese cake), 開心架, 因為我中意朱古力.

+25蚊可以多杯飲品, 咖啡係我需要, 歎埋先開工.

朋友做了一点research, 說CHEF 是城中最好的鐵板燒師傅之一, 午餐訂座需付訂金, 朋友早一日落左200蚊deposit.

中午12点15分到即可入座, 小店, BAR 枱12座, 另有VIP房可容納9人, 不過冇問最低消费係點.

去番佢個網詀, 都可以預先研究下個MENU.
Lunch set 3款, HKD250-320, 當然可以單點, 亦可以點lunch set 以外的.

我們兩人點了A5和牛那個晚餐. 晚餐份量當然多D, 但午餐來吃可以長D時間消化.  


Appetizer
- Sashimi, 好食, 仲要三款每款2片, 唔算多唔算少

鮑魚
- 好食.  我估我冇牙的爸爸也能吃

甘鯛魚或龍蝦拌忌廉汁
可選一, 我們選了魚, 師傅介紹呢個魚剛好是季節, 連皮吃(很脆), 
個汁加左海胆打碎, 好特別.

鵝肝
正常, 因為食完唔記得左


廚師沙律
有蟹肉, 足料, 個Balsamic Vinegar 好Rich喎.



A5和牛肉
佢個蒜片真係好食.  我少吃紅肉, 對牛肉真係冇咩研究, 抱住一分錢一分貨心態. 呢塊唔係好FATTY, 仲好, 上次食完餓肝加和牛我食左成個月水煮無糖麥皮.



燒飯
主要睇個CHEF 表演, 
醃菜有個胡蘆瓜, 好得意




水果
日本蜜瓜+士多啤梨
其實件蜜瓜好食, 只係我真係唔鍾意食蜜瓜.





今次第一次來, 下次試埋其他套餐先.
睇番幾個月前响第二間食的A4SET, 呢間唔算貴了, 而且presentation 好有心思, 就算要俾左訂先可以訂位, 可以接受.

第一次幫襯, 不過AUNTIE 輩話呢間以前中午放飯會幫襯, 叫佢做"中出中入", 有趣.

環境
乾淨, 星期二的夜晚, 唔爆. 枱與枱有很多空間 
( 我對呢樣好有特別要求, 冇咩必要最好唔好背貼背, 椅貼椅食飯啦)

菜
1)  湯, 湯料真係勁多, 冇味精 (重要, 因為我係味精雷達, 冇過敏反應)
2)  牛柳煲, 香口, 葱好食
3)  砂鍋魚煲, 好食, 不過有點味太濃, 經理話係舖最好食, 最好賣的.
    例牌人多唔夠分, 要叫多個
4)  涼瓜...甘, 材料應該揀得靚
5) 蟹蒸飯, 賣相唔食得都睇得, 咁都好食.
6) 賽 蟹, 算係唔多油, 只係旦白有D "HI" 口
7) 欖角炒飯好
8) 其他肉排, 菜, 正常
9) 推介- 雞, 唔怪得要四百幾蚊, 好食喎
10）甜品為桂花糕，足料

埋單同出面等位等到傻左又迫的酒樓差唔多，吃得開心。 

服務：
經理十分有禮貌

呢條街舖頭執過晒位, 最近新食肆陸續開, 因週六路過見排長龍, 加上見佢開張好大陣仗, 又上網搵到原來係由大家樂特許經營, 好奇心驅使放LUNCH 時來試下.

韓式Bistro, 有人招呼落order送菜, 只係自己行出去俾錢啫.
舖唔大, 好光猛.  個餐牌都好豐富, 飯, 面, 泡菜, 烏冬, 韓式紫菜卷, 炒年糕等經常接觸到同較熟悉的類別, 都有少少FUSION 菜式- 意粉.

今次因為第一次幫襯, 上FB 有望過韓國嗰間有粉絲, 但我今日仲未望到MENU 有, 所以點左個最簡單, 而又韓小館餐牌一定有的 - 韓式拌飯.

睇相個賣相好靚, 實物都唔錯.
有成湯匙蟹子, 隻旦個樣OK, 肉份量唔算多, 但剛剛好, 最喜歡菜夠多.  味道唔錯.

註:  1) 餐牌上有隻辣椒, 辣可以分開上
       2) 侍應有留意到我等左好耐未有野食, 有主動問廚房跟進, 唔需要我開聲, 讚

因為今日一人用膳, 需要搭枱,  搭枱女士的照燒海鮮飯, 有兩件青口, 蝦, 魷魚, 材料都幾豐富, 我問佢好唔好食, 佢話: 都OK.

外賣特色係用個好似唐人餐館TAKE AWAY 嗰種盒, 同韓國一樣.
我唔食魷魚, 不過見有人跟我張單, 播的歌好聽, 都會再幫襯.

上個月幫襯完，一向正正常常，今日點左個set，款式多，雖然唔再好日式（炸雞薯條都有），味道總算不差。

個set有沙律，揀左海鮮番茄鍋，pizza, 三文魚，魚生壽司飯，石鍋飯，炸雞薯條等等。

海鮮茄鍋、沙律、三文魚正常。
魚生壽司飯-難食，飯醋調味差，飯太黏。
石鍋飯唔錯。
敗筆在pizza, pizza 係唔熱（又未至於凍），
盛pizza 的碟是個疑似木碟，有塗層，切開pizza 先發現中間塗層已剝落，問個經理，佢話唔係漆。ok我rephrase , 係coating, 一刮就甩，d coating 係food grade!?
 
經理只係問我係咪想cancel , 一句對唔住用錯碟serve都冇之餘，佢係完全唔覺得個客食漆落肚係有問題。

本來味道ok去食下都冇問題，但基於零基本食物安全意識仲要睇得見，零回頭。