睇完鴨仔~外面天氣炎熱, 就同朋友黎左依度食甜品

叫左芒果金露豆花~其實就係豆花加芒果同楊枝金露汁係面. 其實每樣野(豆花, 芒果, 金露)都係OK, 所以合埋都係OK~但算唔上好出色, 好好食~不過咁岩行開想食都唔錯.

由於ifc分店係lunch hour時段係超級多人, 所以今次特意來到大角咀食依家星級點心店. 根據之前經驗, 除左酥皮叉燒包係比較impressive之外, 其他點心都只係一般水平 (當然我無試晒全部list上既點心...). 所以, 每次叉燒包都係必叫之一.

一如以往~酥皮叉燒包仍然都係好好味~~無令我失望. 另外, 估唔到今次馬拉糕有驚喜, 竟然散發住甜甜地, 有d糖既香味~比一般既好食~正! 此外, 我地仲食左粉果同鳳爪排骨飯. 粉果同出面個d無咩分別. 鳳爪排骨飯就可以話係好壞參半, d排骨唔錯, 比出面個d好~食到有肉味而唔係雪味. 不過可惜d飯唔得...d米唔好食...而鳳爪, 佢依隻係似人地炆個種(膠質多d), 但其實我比較欣賞平時個隻...一般般啦~

總括黎講: 依度點心質素算ok, 但唔係真係出色得咁緊要, 個笑面係比酥皮叉燒包同馬拉糕的!

其實一直都覺得pizza hut d野食唔錯~ 雖然d野唔算太特別, 但都不失為一個同朋友開餐既好地方. 特別係午餐, 其實一set都係$5x到~有湯, 又有野飲, 真係算唔錯.

由於pizza card入面有積分, 所以今次換左一個夏威夷風光pizza, 另外再加雞翼同一個carbonara 意粉set lunch.

pizza - 其實一直都幾鐘意夏威夷風光, 多菠蘿, 幾refreshing
雞翼 - 熱辣辣~好味~~~跟set追加, $20有4隻, 幾抵
意粉 - okay. 一般水準, 唔算差, 但亦都唔算outstanding, 不過佢個樣整得幾靚~同埋都幾多料~

因為pizza係換既~雖然加左錢要特飲~最後埋單唔使$100~唔錯~

雖然係樂園入面, 你都唔係為左食而黎, 但如果比左個相對地貴既價錢, 而得到堆垃圾, 相信大家都會好嬲. 好彩, 依間小食d質素都唔錯~~~黎得過~~

炸魚薯條 - 依d野, 熱+脆口就好難唔好食. 佢地都算做到~good

芒果奶凍 - 最面個層芒果同最底個層jelly就麻麻地啦~~但估唔到中間層奶凍又幾好食wor~~好重奶味~正

雖然價錢就唔太值架啦(同外面比)~~不過計返係樂園價~~~其實都尚算ok~有時係樂園入面想食下野都唔錯

$22有雙併麵+豆漿, 真係好多地方都無咁平~~~

我多數選牛腩+雲吞 -份量都唔細, 有4粒雲吞, 幾舊牛腩~味道唔錯的
不過豆漿雖然只係+$2, 但質素麻麻, 如果唔口乾, 我唔會加...

但$20雙併麵真係抵~行開依頭都會食佢!

之前試過係度外賣叉燒, 水準唔錯. 見到入面係茶記格局, 價錢唔貴, 結果就同屋企人黎試下水準~~~

成間餐廳都無乜野, 每樣都ok, 最可惜係d食物唔得(真係茶記一般水準都無...)

講左讚先~ $18紅燒bb鴒, 雖然只係$18(超抵), 但都有應有水準, size又算ok~真係幾正!!! 如果$18可以外賣就爽啦~(唔知得唔得呢)

其他小菜就真係麻麻地(幾差下)...當晚叫左:
菜遠牛肉 - d菜心老到, 後生仔都咬唔開, 非常唔得. 仲要大大條, 又唔切下佢. 牛肉就還可以啦, 一般水準.
枝竹豆腐火腩煲 - 又係唔得, d材料差, 做唔到正常水準, 豆腐特別差
西蘭花班腩 - 算係比較好既一樣, 但d西蘭花都係麻麻地, 班塊算ok既

總結: d野唔好食, 其他ok+平都無用啦....

平時外賣下d燒味都仲可以既, 堂食小菜就唔好啦

某次機緣巧合下, 咩咩係網上見到小肥羊既早茶孖寶點心紙, 見到幾平, 就膽粗粗咁帶埋屋企人黎試下啦!

誰知, 去到發現除左孖寶, 就算單叫點心價錢都唔貴( 早茶大中小 - $9.8), 選擇多, 點心質素仲幾好~! 時至今日, 已經成為我屋企既恆常飲茶地點啦!

講返食物, 佢地d點心水準都有d不穩, 有時同一樣點心, 今次去可能好得, 但下次又可能失手...要改進呢!

例如: 蝦餃, 平時水準幾好, 但有次食 d皮就勁痴, 結果一夾就爛晒, 見到都唔開心啦

不過general黎講, 佢地點心水準都係中上的!
特別係炸野, 每次食鮮蝦腐皮卷都係熱辣辣上, 仲好脆口! 正~
其他蒸點如燒賣等, 一般都係幾好的~
但要小心佢地d "辣"既點心同埋羊肉類點心....辣既真係好辣(eg. xo醬蘿蔔糕, 咖哩魷魚)...咩咩就接受唔到啦
另外d羊肉類點心...咩咩真係唔明, 依間野明明係以羊肉做主打, 點解d羊肉類既點心會特別差...試左幾次都唔好食, 都無再叫過...特別係羊肉春卷, 真係一個伏黎!

總括黎講, 你只要識避開個d "伏" 既點心, 依間野真係幾好~~食物得之餘又平~~~次次食10個點心到都係百鬆蚊埋單~~難怪位置咁入都咁多人~!

最近親戚叫食飯, 得知富臨有食飯送魚優惠(要先剪coupon), 就黎到依度開餐

由於有6個人, 送條大size d既青班, 真係好大條(coupon話有一斤10兩, 都真係咁上下!). 由於條魚真係幾正, 過左幾日又去食多次

除左魚做膽之外, 2次都分別叫左d唔同小菜, 只係講d有印象既出黎

芙蓉海膽 - 得, 咩咩都係今年先第一次試海膽(係塔門食), 因為對之前生野無咩興趣, 熟既又少見...估唔到依家酒樓都有得食! 水蛋+海膽, 滑得黎又帶少少海膽味~good!

加拿大龍蝦+乳鴒 - 由於近年澳龍等龍蝦非常之貴, 依家特價/ 宴會出既多數都係 波士頓/加拿大龍蝦...真係食一次, 失望一次...細個食龍蝦覺得好興奮...依家...真係唔叫好過啦...細隻又唔好食....乳鴒, 好味不過偏細隻. 普通啦 (依份野係套餐形式咁叫, 下次一定唔會叫)

粟米班塊 -做得一般般...唔太得

咕嚕肉 - 味較得幾好, 不過骨多, 麻麻地

2次埋單都係大概~$80個人...有咁大條魚, 仲有果盤~~~~~算ok

笑面係比條魚同芙蓉海膽的!

最近網絡上都出現不少有關m記的評論: 麥當勞出碟頭飯? 幾時出牛河?

幾時出牛河, 咩咩就唔知啦. 不過今日咁岩得咁橋, 係m記開餐個陣遇上麥趣飯的試食推廣! 麥當勞請食飯, 應該都係第一次

咩咩試既係牛肉飯~主要材料有: 漢堡扒, 粟米粒, 飯, 西蘭花 4樣!

漢堡扒 - 就係平時burger入面既漢堡扒...一如以往...好味
栗米粒&飯 - 正常味道~~算ok
西蘭花 - 唔得...感覺好老...唔好食
汁 - 唔知咩汁黎, 有少少甜味, 麻麻地

總結: 不過不失, 唔係特別好食, 但又唔可以話難食. 由於今次只係試食size, 唔知真身有幾大碟. 如果真係食得飽既話, $25 (coupon價) 算係咁. 起碼好食過波仔!

之前家人路經, 以為依度可以飲茶食點心. 結果今日1行4人就黎到坐低飲下午茶

坐低之後先發現原來點心只在早茶供應, 午市之後只有碟頭飯/小菜.

咁唔緊要啦, 反正都係旨在坐低, 食下野, 傾下計jei~ 下午茶時段無咩人, 靜靜地幾好

4個人, 由於有老人家, 叫左3碟野 share食

乾炒牛河 $28
味道唔錯, 牛肉都算多, 可惜油左d...

魚香茄子炆米 $28
好味, 又香又入味, 只係咸左少少, 不過真係幾好食

京都骨飯 $37
好大碟, 京都骨同飯分開上, 其實幾抵食. 不過個汁好失敗, 似茄汁豬扒加菠蘿, 一d都唔似京都骨.

下午茶免茶錢, 係幾抵食, 埋單都唔使$100
不過可惜衛生差d, d碗筷都幾污嘈, 自己洗個陣要多加留意!