夢見屋 (上環)

我諗唔到服務會咁樣!!
首先入到去坐,
叫左野食同兩杯我地原本好期待既特飲(我地一路食開log on既綠茶雪糕)
點知...當我地兩姊妹開心傾緊計~
有個侍應竟然係用"飛",飛兩杯野埋黎!!!!!
有冇搞錯?!!li兩杯野加埋成百蚊,你竟然好似當兩杯熱茶走咁飛埋黎???
堂堂一間"餐廳",竟然有li d服務??我當堂想拍台,..
算...我忍,可能好好飲....點知!!!!!!!!!!!!!!!!!!!!!!!!!!冇味+雪糕係硬到石頭咁!!
我唯有不停將雪糕整溶...諗住有味D...
點知都係唔得,咁我叫另外一個侍應問有冇CREAM啦.
佢竟然唔知我問緊咩,仲要問我咩事係咪要糖漿...........
最後,我決定一啖都唔飲!!
到野食黎到....好彩,LI碗價錢60蚊既豬排飯冇令我失望...
都屬於鬆軟,蛋味都好濃......

兩個人埋單二百幾...不過食左好多氣!
我唔會再黎......經過都唔想經

築地日本料理 (中環)

突然心思思想食壽司,
我又推了情人入去日食首選了!!!!!

我好鐘意食li間既蟹棒壽司同埋佢地既櫻花壽司盛.最唔小得...就係築地拉麵!!!!!!

- 蟹棒壽司

蛋黃汁超多....食到我最終叫了兩碟先滿足!!!!

- 櫻花壽司盛

本人貪佢咩都有,最鐘意juicy縵魚手壓卷!!!不過今次發覺d料好似小過以前......

- 築地拉麵

唔洗講,湯清到我好想成碗飲落去tim 呀!!!!!!!!!!!!!!!!!!!!!入面d料足到冇朋友,最正莫過於係個兩片軟綿綿豚肉!

埋單都係2百幾...真係唔錯!!!!!!!!

Eusha! Eusha! Cafe & Diner (中環)

同同事放lunch,
經過威靈頓,
係樓下望到li間cafe既水牌,
心郁郁上去試...
可能去既時間係12點幾,岩岩放lunch...
推左玻璃門入去,
冇咩人
不過個環境好舒服...同事話他日講心事/是非/公事/都可以上黎利用一個幾鐘邊食邊吹.....
坐左近窗口位,望到個街食...環境真係一流!!
見到menu有韓國野食,
同同事一人試一份!
我點左年糕拉麵,同事點左韓式壽司飯.
等左十五分鐘左右....
有得食!!首先有前菜,個人好鐘意食佢地自家拌波菜,夠入味同埋有芝麻香!
年糕拉麵,雖然都係辛辣麵底,不過配左年糕一齊食+一隻生蛋+好好味既泡菜!!
一路辣住咁食,正呀!!
男人老狗同事本身見到個韓式壽司飯以為唔夠食...
因為飯有七舊左右...入面係吞拿魚,芽菜.但當見到佢一舊接一舊食...再清哂伴碟既泡菜,野菌同拌菜再加一碗佢話幾清既湯.
飽哂!!!
總之一句講哂,好味!!
難得一提鋪頭員工好nice,人手唔多...
不過勝在有心意,
我諗我會keep going 繼續試,,,,,,,,,,,,
下次食佢地西餐!!!!

千両 (中環)

第一次係香港食壽司...唔係...係連鎖style既壽司店都可以食出高水準!!!
係真係唔差............
最正真係果件鮮海膽壽司...好食到....一開頭我連影相都唔記得!!!
鮮味好足,
一食就知唔係雪藏貨.
同埋夠甜,再加陣陣海水味........
一流.
之後值得一讚係三文魚....
切得薄,但有口感.
最重要係佢冇左陣魚腥....
我個人只識食三文魚刺身,
貪佢唔會腥,
li間仲要俾我感覺好fresh!!!!!!
good job!!!
我相信我會再黎!!!!

Eusha! Eusha! Cafe & Diner (中環)

本身呢度變左我既私人飯堂,
因為去左工幹,
有一陣冇返黎...........
今日再上去食,
員工唔同左,不過地方,野食依舊.
唔知係咪係內地飲得難飲咖啡多...
今日呢杯咖啡,嘩............................正呀!!!!!!!!!!
我照舊叫左杯卡布~~~奇落~~~~~
第一啖有小小過熱,不過愈飲愈出咖啡味.....(我叫慣多咖啡,少奶)
我問返老細係咪仲係用緊瑞士牌子既豆,
原來佢地宜家出既咖啡係自己烘焙!
一個星期出兩三次新鮮豆...
真係無得彈!
講返食....今日食左海鮮豆腐湯伴飯
有青口,魷魚,蜆肉,都算多料.豆腐食得出新鮮買.....
不過好辣~~~~~~~~~~~~~~~~~~~~~~~~~~~~~~
好好味!!
叫佢地可唔可以俾多D泡菜,佢地立即車一小碗泡菜.

今日食完餐飯再返工,
好滿足!!!

好似有得包場....@@下次等我試試