見開飯食評口碑唔錯咁,同埋5:30至7:30時段有2人同行1人半價優惠.咁抵就試下...
因訂咗位5:30準時入塲,唔駛等位.第一輪叫咗刺身,同熱食....唔駛等好耐就有嘢食嚟,OK都算快 .
刺身算唔錯,都新鮮,夠多種類. 三文魚夠厚,甜蝦好鮮甜,但比較細隻
熱食味道唔錯,但第一輪熱食唔夠熱 .因為再熱D會再好食D.第二輪嚟熱食就夠熱了.
叫咗串燒蝦,來到見到燒得比較燶,食落有少少燶味.串燒味道比較淡但種類夠多選擇可補救.
同時叫咗個北海道燒帆立貝,味道OK喎,好有帆立貝味...值得推介.

6:50就last order,比較早咗d,同埋侍應居然7:20走埋嚟話夠鐘要我地走,仲一手拎走咗喺枱面未食完嘅刺身走...   離晒普 ,呢d叫咩服務態度呀   完全無禮貌 .

 full set Rib 配薯容.開頭仲擔心會烤到會變柴皮.切開食落肉質好林好滑.又唔覺肥.好味! 再加上用佢支酸甜辣椒醬點黎食仲好食. 個薯容好香牛油味,好香同好甜...唔覺唔覺就食晒兼肥咗2磅...哈哈烤雞肉卷. 裡面雞肉好豐富,好足料,雞肉夠入味.正!

7點鐘去到唔駛等位...正! 因為2個人嚟食,加上係第一次嚟食,就跟食評叫咗個Four Seasons Pizza及BBQ Baby Back Ribs (Half Tender).Pizza皮薄同好足料,配料同個醬汁好夾,好好味...
Ribs充滿燒烤味,有少少燒焦黑黑咁樣，但入口肉質娕滑,一啲都唔乾，仲好juice添，非常美味...
而且不用收加一服務費...超讚!!!

今日中午又去飯堂，好好彩今日餐牌有燒豬頸肉食。因為前幾日另有工作沒有去到飯堂食飯。自上一次食過後已經回味無窮。。。

豬頸肉唔乾身，肉質娕滑，再加上式酸汁。味道夾到呢…wowwwww好味道! 好似浮誇咗少少，哈哈哈!!! 老闆娘今日又送上"燒汁炆釀雞肶菇"給我們品嚐。

味道同樣讚!豬肉結實，但可惜雞肶菇比較煙韌咗些少，係扣咗少少分，但亦可以接受。

813已成為我嘅中午飯堂。由佢開業至今我都係幫襯佢。因為他的午餐天天不同，而且都是老闆用心的製作。
味道當然好味啦，如果唔係點做我飯堂呀～哈哈哈!!!
言歸正傳。。。。今日中午又有新嘢 「古法椒鹽骨」肉面灑上辣椒粉，入口唔辣，而且好香口好野味，送飯最啱，哈哈...
肉質唔乾（開頭仲驚會好乾添），都juice㗎...good! 老闆娘仲送咗個麻辣味麻婆豆腐比我地試。。。麻辣味十足。。。正。。。（食到出汗）哈哈哈! 不過飲返個凍drink就唔怕啦。