Eddy Yuen 等級2 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2015-02-03
見開飯食評口碑唔錯咁,同埋5:30至7:30時段有2人同行1人半價優惠.咁抵就試下... 因訂咗位5:30準時入塲,唔駛等位.第一輪叫咗刺身,同熱食....唔駛等好耐就有嘢食嚟,OK都算快 . 刺身算唔錯,都新鮮,夠多種類. 三文魚夠厚,甜蝦好鮮甜,但比較細隻 熱食味道唔錯,但第一輪熱食唔夠熱 .因為再熱D會再好食D.第二輪嚟熱食就夠熱了. 叫咗串燒蝦,來到見到燒得比較燶,食落有少少燶味.串燒味道比較淡但種類夠多選擇可補救. 同時叫咗個北海道燒帆立貝,味道OK喎,好有帆立貝味...值得推介. 6:50就last order,比較早咗d,同埋侍應居然7:20走埋嚟話夠鐘要我地走,仲一手拎走咗喺枱面未食完嘅刺身走... 離晒普 ,呢d叫咩服務態度呀 完全無禮貌 . 題外話/補充資料: 就算食物幾好都無用,服務態度差,無禮貌對客人已經係死罪...推介美食: 北海道燒帆立貝
評分: 味道 3 環境 3 服務 1 衛生 3 抵食 3
2014-09-27
7點鐘去到唔駛等位...正! 因為2個人嚟食,加上係第一次嚟食,就跟食評叫咗個Four Seasons Pizza及BBQ Baby Back Ribs (Half Tender). Ribs充滿燒烤味,有少少燒焦黑黑咁樣,但入口肉質娕滑,一啲都唔乾,仲好juice添,非常美味... 而且不用收加一服務費...超讚!!! 題外話/補充資料: 雖然座位比較擠迫,但店員服務態度一流地好...超讚!!!推介美食: Four Seasons Pizza,ribs
2014-07-25 (屬於相關食評)
今日中午又去飯堂,好好彩今日餐牌有燒豬頸肉食。因為前幾日另有工作沒有去到飯堂食飯。自上一次食過後已經回味無窮。。。 豬頸肉唔乾身,肉質娕滑,再加上式酸汁。味道夾到呢…wowwwww好味道! 好似浮誇咗少少,哈哈哈!!! 老闆娘今日又送上"燒汁炆釀雞肶菇"給我們品嚐。 味道同樣讚!豬肉結實,但可惜雞肶菇比較煙韌咗些少,係扣咗少少分,但亦可以接受。
評分: 味道 5 環境 3 服務 5 衛生 4 抵食 3
2014-07-17
813已成為我嘅中午飯堂。由佢開業至今我都係幫襯佢。因為他的午餐天天不同,而且都是老闆用心的製作。 味道當然好味啦,如果唔係點做我飯堂呀~哈哈哈!!! 言歸正傳。。。。今日中午又有新嘢 「古法椒鹽骨」 肉質唔乾(開頭仲驚會好乾添),都juice㗎...good! 老闆娘仲送咗個麻辣味麻婆豆腐比我地試。。。麻辣味十足。。。正。。。(食到出汗)哈哈哈! 不過飲返個凍drink就唔怕啦。 題外話/補充資料: 雖然地方沒有冷氣,但都有好多把牛角扇吹住。又是另一種滋味。。。
評分: 味道 5 環境 3 服務 5 衛生 4 抵食 5
|