朝早去完大元村街巿入糧, 中午時間上平台搵食, 揀左呢間韓風既快餐.... 餐牌上既選擇不多, 我地叫左2個午巿套餐, 1個係牛肋骨湯(跟飯), 另1個係韓式紫菜包飯便當....
服務員效率都几高, 又可能係冇乜人啦, 我朋友出去買單都未開始行番埋枱, 就服務員已送上前菜同埋湯.... 先上枱既係牛肋骨湯(跟飯), 試左一啖清湯, 真係淡如冇味, 加入少少辣醬就吊番少少牛味出黎, 然後試左1啖白飯, 咦, 咁難食既? 我曾經聽朋友講, 韓國米好好食, 唔通就係呢D 味? 係有一陣我唔熟識既味道, 如果真係要我形容, 可能就係一陣 "焊" 味....... 之後成碗撈入湯度食先減輕左呢D味... 但牛肋骨勁靱同埋冇乜味.....韓式紫菜包飯便當, 是日係什錦包飯配炒粉絲, 什錦包飯冇乜特別, 用韓國油油地既紫菜, 整我地小學時期自製既壽司咁, 唔係難食.... 但個炒粉絲就唔掂喇... 又油又太甜....真係唔好食! 終於2個餐每樣都食左一半就唔食唔落... 唯有留肚食下午茶.....

每年迎接回港探親的好姐妹, 例必要找一間沒有限時的食肆, 地點定了在旺角, 打了好几家他要6時半入位, 8時交枱, 真係好掃興, 幸好朋友p找到新世紀的王家沙, 沒有限時.

地方也夠濶落, 枱與枱之間隔的也開, 沒有背貼背的壓逼感.

我地5個女仔呢一餐都算食得几清淡, 叫左皮蛋豆腐, 糖醋骨, 清炒小白菜, 賽傍蟹, 上海粗炒, 小籠包, 豆
沙鍋餅

皮蛋豆腐, 都係用左百福豆腐, 好滑但冇豆味, 醬油太濃, 但遇到隻靚皮蛋, 合格啦!糖醋骨是其中一味我很喜歡的上海菜, 醋味濃郁不嗆鼻, 但肉質較鞋.清炒白菜, 正常好味!賽傍蟹拌醋是我的大愛, 因為我喜歡醋嘛! 這裡的蛋白也煮得剛剛好, 不會煮竹得過火而太實, 但也不過稀. 上海粗炒一般都很油很油, 這裡的也油但不是很油, 不錯哦! 小籠包算是皮薄多湯, 熱辣辣入口尚算滋味, 可惜皮有點硬.豆沙鍋餅, 略嫌豆沙蓉少了點, 有點到喉唔到肺的感覺, 而餅皮煎炸得香脆.

油塘探完剛生產的好同事同佢個囡囡, 就去左第1次踏足既大本營搵野食喇! 店內都几焗, 冷氣不足, 焗到我地個個塊面都紅卜卜....

一班餓鬼, 一人叫左一個set 黎share 食....

總括黎講, 食物都几油, 同埋味道偏咸, 跟餐既白飯用左珍珠米, 好大碗, 所以好飽肚...
尤其鍾意雲吞雞, 香濃湯底, 加上珍珠米, 食欲大增... 其餘有几個小菜都有湯有汁, 送飯亦唔錯...
醬油雞既然都几滑, 配上微辣既醬汁, 都几醒胃...
羊腩煲仔, 同事們都好喜歡, 南乳味濃...

作為台式店, 佢既珍珠奶茶都几好飲, 珍珠彈牙....

環境, 餐牌和擺設都很精美, 很有婚禮溫馨的感覺, 一行8人的小聚會也是個不錯的地方, 由於餐廳設在地牢, 也沒有被等位的壓逼感, 唯獨冷氣不夠, 有點焗促.... 吃了几道小吃, 鹽酥魷魚不錯, 粉漿薄, 魷魚有o趙頭. 凱撒沙律, 疏菜爽甜, 特愛羅馬生菜, 唯麵包粒太硬.... 帶子意大利飯既帶子size 都几大, 煮至7成熟, 仍吃到鮮甜既味道, 但意大利飯底就麻麻地喇,
首先份量超細, 只有1隻女性的掌頭咁大,  d飯好硬, 硬過糙米, 價錢都唔平百几蚊得1督仔, 仲要難食.... 扒美國安格斯肉眼扒(10oz), 味道正常, 有碳燒的風味, 我們叫7成熟, 但仍有點over, 另外比較欣賞是伴碟的薯蓉, 軟硬適中, 加上酸忌廉和碎煙肉, 好好味!意大利雲吞, 一食就食得出係即食野, 唔係自家製, 哈哈, 因為我都成日買黎煮.... 意粉類比較正常, 雖然份量也是很少, 但起碼味道可以.... 最後我地都係唔夠飯, 叫左左几樣小食....

蒜蓉包配蕃茄杏仁醬, 呢個野都几難食, 主要係個醬唔岩我口味, 蕃茄配杏仁, 好怪. 炸雞翼做得不錯, 外皮炸得甘脆, 裡面的雞肉仍嫩滑. 炸薯條亦沒有太大難度吧!

一行六人選了什菌湯底, 等到差不多D菇菇都食晒, 先開始有第一碟火鍋材料上枱.... 贈送的牛肉和羊肉, 望落几靚仔, 味道也不錯, 羊肉不算羶... 但吃完贈送的羊肉和羊肉後, 其他食物真係唔掂... 牛肉太肥肉, 白色的脂肪部份佔了一片肉的2/3. 下鍋後D肥肉溶埋, 每片得番半隻手指咁大上下, 成晚度食肉碎咁...

而其他食物既份量, 真係唔知佢係點樣黎, 有D我地寫1碟就黎十几件, 有D寫1碟又得2粒, 好難預份量... 醉雞翼完全冇酒味, 只有雪味, 好怪.
牛肉粒太靱, 蟹柳好粉冇味, 魚皮餃既皮勁厚.
其他食物質素都真係好差... 以前碟碟計都几好食, 轉型後攪成咁, 又唔係特別平, 真係唔會再幫襯!

阿一唔知點解冇開, 今日去左隔離既平記試下, 叫左3個煲仔飯+1個蠔仔泡飯, 煲仔飯等左15分鐘黎到, 味道和阿一都差唔多, 跟住即刻問個蠔仔泡飯點解仲未到, 伙記話佢跟跟, 我地食煲仔飯食到一半, 個泡飯都仲未黎, 我地都覺得唔對路, 再問佢話炒埋2碟菜就到個泡飯, 果陣大大話話都已經等左超過半個鐘有多喇! 跟住再過10分鐘見佢出左2碟菜, 我朋友忍唔住親自行去廚房門口問個伙記, 個伙記作晒狀嗌入廚房, "個蠔仔湯飯有未呀?" 廚房拎住張單遞隻手出黎話, 你剛剛入單渣喎... 跟住我地真係真係真係勁嬲, 跟住個伙記仲問我地咁仲要唔要呀? 完全冇道歉, 我地唯有話唔要, 即刻埋單走人!!!!!!!

呢間野真係太過份, 明明等左咁耐, 都仲話要炒埋碟菜先, 即係揀野黎做! 跟住明明未入單又扮入左, 仲要扮追過.... 超級離譜!!!!

好朋友熱烈推介呢度既芥茉心太軟, 雖然本來真係唔係好想黎, 山長水又遠咁入粉嶺, 仲要聽到芥茉心太軟呢個咁怪既配搭. 但由於朋友熱情到車埋我入黎, 盛情難郤, 就黎試一試啦!

睇佢呢度店仔細細, 眼見只有5-6個BAR枱位, 咦? 冇人排隊既, 裡面都冇其他顧客既.... 奇怪, 去慣既甜品店都一定大排長龍, 真係靜得咁緊要, 定係太新未為人知呢? 不過一場黎到, 點都要試一試架喇!

我地3個人一人揀一款SHARE 食, 試下不同口味.

我首先揀左檸檬撻, 因為唔係好多甜品店有, 而且一見到檸檬撻响個MENU 度, 諗起檸檬的酸味, 我就已經開始流晒口水, 少少一件, 撻皮鬆化, 檸檬醬細滑, 味道甜酸適中, 非常非常清新可口. 肉桂蘋果批, 肉桂味濃, 批皮鬆化, 入口冇硬掘掘的感覺, 批皮入口就軟化, 加埋雲尼拿雪糕, 甜味剛剛好.芥茉心太軟是必試之選, 蛋糕不是一般的質地, 我唔知點形容, 應該係類似豆沙包既質地? 但朱古力味? 唔知道, 但質地有少少煙靱既感覺, 最期待一刻來了, 是否流心呢? yeah ! 成功流心, 仲要係好滑的朱古力醬, 不像坊間的一pat pat, 哈! 很動人的一刻. 膽粗粗試了一口, 正! 一直以為甜中帶辣會是很怪的事情, 但要更正的, 是甜中帶芥茉味, 並不辣, 有少算芥茉的香味, 也不至於攻鼻, 非常有趣的體驗.

那一天, 在大埔中心搵食, 一路行一路行, 由大埔中心, 行到黎呢度已經8點几好肚餓, 咁就不再揀擇, 今日呢度唔洗等位, 就直接入內坐 BAR 枱..... 壽司類別, 不過不失, 唔知係咪我地叫壽司價錢唔夠貴, 唔係用木碟既, 上枱不夠精美, 味道正常, 常算新鮮. 比較喜歡油金魚, 魚油味濃. 牛肉煱烏冬, 估唔到都几大鍋, 熱辣辣味道不錯, 2個人食份量都好夠, 味醂提鮮, 食到好濃郁的牛肉味, 烏冬軟滑, 加上蛋汁份外滋味.忌廉薯泥炸餅, 不是每間居酒屋都有, 這裡的比較 creamy, 奶味較重, 香軟細滑, 如果薯蓉比例多番d就好喇!

單車友介紹黎呢度食雞脾, 咁我地就叫隻雞脾試下啦, 果然門口泊左好多單車.

呢隻雞脾都几貴架, 仲剛剛加左價 $24/隻, 即叫即炸, 第一啖熱到辣親個咀, 個雞皮炸到好似列吉咁既質地好脆, 雞肉係坊間食過既炸脾中最滑既, 沒有雪味, 但調味比較淡, 所以店員都有提供辣粉, 但由於我唔係好食辣, 所以冇落, 整體不錯, 調味重手D就更加好喇! 

久聞大埔墟街巿既炸豬扒麵好出名，响殺入街巿血拼之前，就黎呢度先補充能量。
一去到就見到門口大排長龍，東記只做麵食，如果你想飲野就要响隔離果檔叫喇！我要左個豬扒米線，嘩！一黎到嚇死我，咁鬼大碟豬扒，但我覺得豬扒有怪味，唔知係咪醃料問題，脆漿問題，定係ｄ肉好唔新鮮，唔新鮮我預左，廿几蚊碗唔寄望有新鮮肉，但如果係好唔新鮮到臭，就真係好大問題喇，我食左一塊就冇食，而米線就淡而無味，沒有湯底可言，唔怪得隔離枱個個都加雪菜或炸菜啦！

總括黎講，我覺得係好難食既！