近太和新開日本料理， 以同區嚟講， 價錢算中上 但係一分錢一分貨， 間唔時食下好野對辛苦工作都係一種慰勞， lunch同同事嚟試下 先講裝修， 光猛舒適， 有梳化及bar台， 而且都是用木為主， 感覺好和諧 到食物， 先奉上每人一杯熱茶， 之後點了魚生飯定食， 天婦羅定食， 甘海老蓉海老海膽反定食， 定食有跟沙律， 麵豉湯， (蟹捧)蒸蛋， 甜品 魚生分量絕對夠， 唔似出面貴又量少， 除左三文魚， 仲有油甘， 帶子同蝦， 而且鮮味十足， 飯夠軟又帶微甜， 好岩食， 另外海老海膽飯，三大隻鮮甜牡丹蝦，海膽同甘蝦蓉， 呢個配搭好正， 值得encore... 另外要一提係個蒸蛋， 不但好滑，裡面仲係用蟹捧唔係蟹柳經已贏晒😋😋 總括食物係有質素， 店員服務又周到， 希望一值keep到水準同識食既客人啦， 加油! 有機會要嚟食晚餐先得!

約埋三五知己食個反， 而家周圍都韓熱， 就去食韓板! 環境唔錯， 有電視播住韓歌MV， 我地坐卡位,舒服! 店員都亦有禮貌! 印象分加爆😜 講番食物， 種類算齊，牛，豬，羊 雞，海鮮，蔬菜，魚，面，反樣樣有， 而且有唔同部位同調味任君選擇!! 當然仲有爽爽豬皮 我地亦試左好多款， overall都好味， 我特別鍾意銀雪魚， 店員會主動幫你燒， 因為經驗話呢種魚好易爛， 員店燒得有心機， 食落肚都好味啲， 而且鐵板燒到咁上下有焦，仲很樂意幫你換鐵板架!!😀 另外牛，南瓜同白磨菇都好好味! 總括嚟講， 值得翻兜!! 下次要試海鮮😍

食過兩次， 點過意粉， 沙律，芝士薯條， waffles， 沙冰同Mocha
意粉口感很好， 唔會林patpat, 沙律都ok, 但個汁偏咸, 重點係甜品， 夠大份，個waffles又熱又脆卜卜，配雪糕真係好正
野飲個人覺得幾有水準， 希望日後繼續keep到水準

是晚同朋友於isquare開餐, 原本想食日本野, 但有人怕輻射, 所以轉戰西餐, 最後選擇Cafe Key West.
環境其實無咩特別, 唔算差, 但唔又係坐得舒服, 店員服務都ok, 會不停為你加水. 是晚點了兩個set din再加幾個散點.

SET DINNER
紐西蘭西冷5成 - 偏7成熟, 但都算juicy有肉味, ok啦
佐賀牛西冷5成 - 偏7成熟而且有d "un", 略有肉味, 但唔突出
跟餐甜品: 藍莓雪糕 - 好fresh
散點
溫泉蛋凱撒沙律 - 唔正宗, 不過不失
煙三文魚PIZZA - 好香既煙三文魚, 整體口感唔錯而且份量足
羊架(三件) - 比西冷好而且羊味都重, 唔錯
卡邦那意粉 - lim到夠但唔會太膩
焗肉醬意粉 - 意粉林左d受埋偏濕, 如果乾身d會好好多, 味道ok

overall都唔錯, 而且如題, 係唔會有人趕你走...食到夠傾到夠先走!

其實嚟食過好幾次, 由佢地岩開鋪無幾耐而經幫襯, 初時未有咁多選擇亦沒有雪花冰, 最近再去食已經多左好多種類! 加油

宇治金時雪花冰 : 綠茶味夠濃夠香而且口感豐厚有層次, 又軟綿綿, 勁好味!
榴槤雪花冰 : 聞到已經有好濃既榴槤味, 加上聽店員講佢地有加入榴槤肉一齊去做, 正!
奇異果沙冰 : 唔會太甜, 而且加左新鮮奇異果, 夠足料! 正!
咖啡n芒果奶凍...又滑又好味...正!

雖然店子細細, 但店員好nice, 仲會主動介紹甜品款式! 好過隔離果間咁既甜品鋪多多聲!!!!

同另伴入到大尾篤食野, 比藝程雅聚成幢樓房既裝飾吸引左, 於是揀左呢到食個TEA, 佢有室內同室外坐位選擇.

order左芝士肉醬焗薯皮, 豬扖包, 跟餐兩杯凍飲, 食物大致上OK, 但種類唔多.

而最令我不滿既係SERVICE...首先餐廳只有6/7成客, 我地入到裡面, 搵人待乎一句"幾多位"都無, 等左一陣, 咁唯有自己搵位坐低, 跟住有個WAITER同我地講, 張台用嚟擺野, 唔好坐呢到, 你地坐第二度跟住就行左去, 我即刻滾滾地, 咁者係邊到呀, 你地又唔帶位, 咁我地見到有位咪坐lor, 又唔坐得...
好啦, 坐左係室外果邊, 等左一陣都無人斟水同攞menu, 係因為d侍應入晒室內, 無行出嚟...
我真係想走, 但另一伴話算啦, 咁我唯有坐定定等侍應行出嚟....=_="
但唔會有下一次lor

入南丫島, 大家都二口同聲要食呢到既豆花....但佢地連最基本既良心都被名氣蓋住
一去到見到已經爆棚, 外面仲排左約廿人...見店員起勢係咁"不"豆花, 都聞到幾香既豆花味...但到我地買時, 已經換另一桶, 仲換嚟既係一陣陣燶味....最初以為自己聞錯, 買到番埋位再問下朋友仔, 大家都聞到
好老實, 你地生意唔優做, 但都唔係將d燶左既豆花照攞出嚟買
要比其地方買貴d, $7一.碗...不但唔香, 而且唔滑溜, 加上黃糖仲要溝埋白糖, 完全係非一般風味, 極之失望
連百福都好味過佢

上星期等埋男朋友收工, 係大埔求期食d野...因為之前上嚟睇過食評幾好, 於是揀"咖喱至尊", 但d野好難食, 而且仲好搵苯tim, 仲話正宗
咖哩炒什菜 - 少辣 ($38) : 得果幾棵仔西蘭花, 同其他d令令星星既什菜, 成本我估$10都比多...碟野要$38???
干炒咖哩牛仔骨 - 中辣 : 用梳打粉拿到好林好林, 但完全無肉味...難食
咖喱炒蜆 - 大辣 : 好辣好辣...但得個辣字, 無晒蜆鮮味, 蜆肉好瘦
一碗白飯
紅毛丹冰 : 2/3杯冰
波蘿冰 : 4/5杯冰, 得七喜味, 波蘿無味......!!!???

埋單$158, 好鬼唔抵食LOR

早幾日同男朋友經過, 記得係openrice睇過食評唔錯, 於是試下紅豆魚餅$6/pc
見到佢地無開燼, 以為買晒就無, 一問原來真係即叫即整, 熱辣辣, 好正好好味, 紅豆好綿又會會太甜, 一d都唔膩

20090130 今日帶了朋友嚟大埔食美食...第一站就揀左佢....我都係第一次食咋, 實在係太滑溜喇又有豆香, 落少少糖水同黃糖已經令人回味無窮, 而且天氣仲凍凍地, 食番碗熱騰騰既豆花,, 暖笠笠...正
阿婆好nice好好禮貌