6-Apr

今日執屋, 執到攰攰地最好既補償方法就係食...想試呢間餐廳幾次, 但次次都去唔成, 今次終於去到喇....共6人試食
叫左6個set(有餐包, 湯, 主菜, 甜品同餐茶)再加多個咸牛利沙律, 主菜勁大份, 非常抵食又包肚....

餐包- 雖然係普通野, 但暖暖既, 又軟唔會更, 唔錯
酥皮湯- 好鮮味, 我食到有魚肉同翅....無錯, 全有翅架
羅宋湯- 一般, 但夠濃味, 酸酸辣辣咁
焗田螺薯蓉- 一般水準, 幾好
咸牛利沙律- 薄既位置煮得比較硬, 過左火, 但厚身既就岩岩, 沙律夠凍, 但可惜唔係新鮮生果
香煎原條龍利柳配薯菜- 煎到脆脆地, 裡面又夠滑, 幾香口
T骨扖配薯菜(7成) - 好大份, 足晒料而且一d都唔un, 非常好味, 又多肉汁
黑椒汁西冷扖配薯菜(7成) - 都ok, 但比起T骨就差少少, 但都有唔少肉汁架, 又唔un
茴香羊仔膝配薯菜(配芥末燒汁) - un左d, 但口感ok, 但值得一提係佢個汁非常好味...
黑椒豬扖配薯菜- 無試到, no comment
咸豬手配薯菜- 等左好耐, 成30mins, 其他人已經食包咁滯...嚟到見到嚇左一跳, 好大隻, 成3個拳頭咁大...係食到都半包既情況下由我同男朋友兩人主攻都食唔晒, 但煮得夠淋唔會食到哩咁hei, 味道咸咸地, 都好好味
甜品(雪糕or者喱) - 一般, 者喱唔夠凍

埋單六百中唔洗七百, 真係好抵食.....另外要提下佢地既service唔錯, 佢地好忙, 唔夠人手, 但你有問必答, 雖然唔係笑晒口咁...又會幫你跟完d食物話番比你知個情況, 上野又有先後次序, 走時又會幫客人開門咁, 都幾好, 同埋佢地係比較舊式既餐廳, 無論係裝修同餐台櫈都幾懷舊, 感覺幾特別
有機會一定會再去

3-Apr
今晚一共四人去食晚飯, 選了這間"許願樹", 餐廳唔大, 只可容立廿人左右, 台細但碟好大隻, 會唔夠位放野...., 但算坐得ok, service麻麻, 為食物個presentation唔錯, 所以上菜都要等耐少少...
order左3個set share食:
set1
忌廉湯- 足料, 幾濃
煎鵝肝- 煎得幾油下, 味道唔夠, DAP好食d
酥皮牛柳配薯菜- 牛柳7成熟, 岩岩好, 好新鮮好好味好多肉汁, 係整晚主菜整得最好味既, 爭番唔少分
心太軟- 麻麻, 比起酒池肉林既差好遠...
熱咖啡

set2
忌廉湯- 足料, 幾濃
芝士焗蠔- ok啦, 蠔縮得好勁,
羊仔膝配薯菜- 羊膝唔會太諗, 有d咬口, 唔算un
蘋果玉桂卷- 好好味, 好香蘋果玉桂味, 但略嫌唔夠蘋果肉
凍咖啡

set3
酥皮忌廉湯配蒜容包- 我無份飲, 所以no comment
龍蝦牛柳意粉- 意粉口感唔錯, 但味道麻麻, 個茄汁味有d怪, 但牛柳真係好好味, 龍蝦肉幾鮮, 但好細隻
自製雪糕- 口感好似木糠雪糕, 好滑
凍奶菜- 開頭飲偏甜, 飲到尾時只有雪水味

我地額外叫多個"梳乎里" - 完全唔得, 佢同平時食開既唔同, 問過waitress話佢地既特色, 用蛋白打起再焗, 但大家都接受唔到lor, original好味好多

埋單唔過7舊, 係朋友請, 但除開每人唔洗二百, 西餐都算抵食...佢有另外set dinner係六十零蚊, 我見到隔離台食, 又大份又好味, 仲抵食d tim, 下次有機會都會再去試下

呢日同男朋友嚟食下午茶, 叫左:

1. 漢堡炒蛋多士+ 熱華田: 幾香, 係一般野
2. 司華力腸熱狗+ 茶走: 司華力腸係微暖, 黃芥辣,醬唔夠, 茶走好甜

....都應該唔會有下次

Farwell同事, 選舉此店, 共11人, 我地點左好多野食差唔多成廿幾三十碟

醉雞鍋湯底, 豬軟骨鍋湯底, 羊肉片, 肥牛, 墨魚滑, 芋絲, 脆鯇片, 白善片, 炸魚皮, 鮮牛肉, 鮮田雞, 鮮鵝腸, 鮮魚付, 花枝片...等等, 有d會叫成兩三碟...
叫左4支單酒同五六枝飲品

大部份食物都好新鮮好好味, 食到差唔多10點半多d埋單走人total $1365. 每人都唔洗百四蚊, 確實又平又抵食, service仲唔錯tim, waiter全部都好有禮貌, 又會主動幫你加湯, 收碟.....可惜佢地無水吧, 無鮮果汁同荼, 如果唔係就perfect喇, 另外呢到外坐得幾舒服又唔會好迫, 張台既高度比酒樓既底, 但有機會一定會再嚟食架

21號晚一行11人到呢此晚飯, 點左...

1. 豉椒炒蜆: 我無食, 朋友話好咸, 我見到蜆肉好少好細隻
2. 粟米可斑: ok啦, 石斑開得太大舊, 魚肉亦唔係新鮮
3. 上湯豆苗: 比海鮮站既差得遠, 但算新鮮爽口
4. 墨魚餅: 大家認為最好味既一個菜, 都有d咬口, 但未算彈牙
5. 椒鹽白飯魚: 一般水準咁啦, 略嫌椒鹽唔夠
6. 菜心: 睇到樣都知唔係好得, 又細仔又唔爽
7. 椒鹽鮮魷: ok啦...都算你一般水準
8. 白灼生腸肥牛: 呢個算好味, 生腸爽口, 肥牛口唔會un
9. 魚雲煲: 唔得, 唔夠熱又唔夠脆, 淋晒
10. 豉椒白鱔: 一半人話爽, 但我食個舊淋patpat
11. 生炒骨: 脆卜卜, 垛辣辣, 肥瘦均勻
12. 什菜煲: 東姑好甜好入味
13. 西蘭花炒魷魚: 一般

總括: 呢餐好一般, 亦唔係樣樣送好食, 但可接受

21號同朋友同九人踩單車到大尾篤, 到下午茶時間入左嚟呢間餐\廳, 之前都食過一次, 今次重臨, 實左要加分...
我地無位泊單車, 老闆好熱情咁幫我地逐架逐架泊好兼幫我地留位e肚(因為實在太多人)
到叫野食喇...佢\地有好多選擇, 但我地有七個人都一同叫左炸雞脾套餐\, 嚟到好香噴噴, 而且佢\地仲好細心咁係雞脾最厚肉既位置切開左少少, 咁d雞脾就唔會話外面燶晒但裡面仲流緊血....讚, 而且唔會炸到乾晒,仲有d彈牙tim
雖然係多油左d, 但真係好好味, 一於少理

21號晚食完晚飯嚟呢到試甜品, 睇門面好似好有特式好好味咁, 點知出事, 一行10人嚟到, 鋪頭好細要我地坐用兩張方台并埋既6人台到都算, 志在食者...點知:
1. 有d甜品寫住等10mins, 但有兩份等左足足半個鐘, 一齊食開開心心, 人地個個食晒佢地既先到, 想取消又話整緊唔比cancel, 個waitress仲咀妙妙, 黑面...
2. 唔比影相懶巴閉, 其實係我地留意唔到佢話唔比影相, 咁咪算lor, 唔影....但個waitress連相都唔比我地睇, 我地日抖一班人玩完大家緊係想睇相, 佢都話唔比, 咁算點先....咩service, 佢繼續黑面
3. 好難食, 有個朋友叫既野好難食, 食左兩啖無食到, 我試過真係好難食, 其他既都唔好得去邊
4. 貴, 其實貴唔緊要, 最緊要物有所值, 但呢到既甜品真係唔值呢d價錢, 仲有環境同service通通唔得

我地點左:
招牌心太軟- 朋友話ok,但唔值HK$30
酒讓心太軟- $58, 好唔底, 唔知點解佢跟青檸雪巴, 一d都唔夾個心太軟(要求轉其他雪糕話唔得), 心太軟焗得偏硬, 朱古力槳唔夠, 酒味有d怪..allez allwz或者甜蜜蜜既好味過佢多多聲, 但都唔夠佢咁貴lor
限量版木康雪糕- 正常既
焗雪山x 3 - 一人話ok, 可接受, 其他人都話難食, me too, 等左成20-30mins, 出到嚟d雪糕底溶晒, 唔知想點, 連埋蛋白一齊食, 完全食唔到佢既口感同味道, really bad
西米蓮蓉布甸- 朋人食左兩口放低左, 我試過, 最難食係呢個
麻蓉湯丸(菊花底) - 朋友話似用維x記既菊花茶開水翻熱既, 湯丸ok, 但似係現成買既, 唔係自家制
我本來影左幾張相, 但人地咁巴閉, 我費事登出嚟...
總之一句: 以後唔會再幫襯!

如題...比其他幾間同級既連鎖式面包店既好味, 而且暫時都無加價, 亦算抵食
圖中為: 士多啤梨起酥蛋糕, 火腿芝士包

食過好多次...次次都係同男朋友嚟食...次次都例牌:
辣魚旦, 芝士腸, 雞翼尖同鮮什果粉,,,老實講, 食得呢d野, 唔去b仔都唔知有邊到食好...又無話有咩好食到令你會再去, 只不過係習慣

花展已經開鑼...16號同男朋友去睇之前先黎呢到食過遲午餐, 叫左一人一碗清湯牛腩(一個面, 一個米)同豆漿再加碟菜, 男朋友牛腩好肥, 我係瘦既, 我地掉轉嚟食....總括: 牛腩係炆得腍唔會un, 湯底唔會濃到好似飲味精, 但不至於要長途跋涉去食...試過就算, 細碗同價錢略貴