麺屋武蔵 (旺角)

(廢話小說) blue Monday 去溫習不成結果同同學轉去食個晚餐.. 新世紀廣場原來不算多餐廳, 同學揀了這間同王家沙, 但王家沙前面要等 8 張檯就食這間不用等位的..

夜晚 8 點 20 分左右啦, 餐廳好多位 (相比其他大部分餐廳都幾多人等位).. 睇門口餐牌, 已經同小妹之前 1 年幾年在 apm 食過戈時唔同了, 由從前以白、黑、赤湯拉麵為主,  現在加了沾麵、蕃茄麵, 仲有叉燒飯, 好多款式小食同沙律. 個感覺即係由”拉麵店”變左”日本野” (我會歸類落去 prototype “和民居食屋” 囉..)
佢(supposedly)主打的拉麵都係仲白、黑、赤湯底, 再細分 3 款不同豚肉 – 豚肉片、叉燒、豚角。我地為求穩陣, 叫左個白湯豚肉拉麵, 為左容易 share 就揀豚肉片。

碗拉麵係最快上桌的, 帶點半透明的黃色粗麵, 麵身彈牙淥的時間洽到好處,麵亦唔會有鹼水味, 湯底帶肉味的味不過屬於較清淡,飲埋個湯都唔膩口亦唔會好鹹好口渴, 但就嚐唔到佢地聲稱有魚介的鮮味。 豚肉片半肥瘦咁, 不過不失。 至於配料就麻麻地, 半隻雞蛋有溏心也軟滑但無咩味, 京蔥都係無咩蔥應有的香味, 菠菜煮得未夠透都幾硬, 全部可謂有形無神。 田園沙律有蕃茄、菠蘿片、炸過的角切薯仔、紅腰豆同沙律菜, 橙紅色戈個.. 酸酸地味的芝士咁 (恕小妹唔識係咩), 好 solid 係唔能夠當係 sauce 咁 mix 的, 自行少少地咁配埋 d 菜食係 okay的。 材料配搭都幾特別, $55 食碟沙律, 正路價錢正路質素吧。炸雞上桌時已經唔算熱騰騰, 外層炸皮唔香唔脆, 裡面雞肉稍乾, 肉質唔滑, 肉味或者係調味都欠奉, 旁邊的椰菜絲又卸晒身好似擺好耐左咁… 小妹完全唔建議點這個。因為漏單而最遲來的高菜叉燒炒飯 (但係唔記得留倩影), 首先我懷疑佢改錯名… 完全唔係炒飯, 整體幾油而飯粒係極軟身, 無炒的香味, 食唔出個名中”高菜”同”叉燒”的味只係油油地咁囉, d 叉燒係好肥, 不禁聯想係咪用整拉麵配料的叉燒時剩下的頭頭尾尾… 物盡其用固然好不過都唔係全部淨係肥的部分吧…

如果係真心想食拉麵就一定有其他更好, 不過話要就e個戈個要款式多又唔想等位咁就考慮e間。

題外話係, 有個女經理服務態度極差! 我地只係落單過 1次, 當時係一名男侍者幫我地落單, 因為菜名旁邊有編號, 所以我講的時候係一邊翻住menu 指住再講個編號(Axx、Axx、Bxx、Bxx 共 4樣野 as above-mentioned)。 我唔覺得佢有手寫單或入機, 初時個拉麵已經疑似黎錯左 (我地只叫 1 個但個女經理上個麵黎 1 個係白湯豚肉片即係我地叫戈個同 1 個白湯叉燒我地係無叫的), 咁我地講返清楚佢放低我地個麵咁無事啦。

到我地檯面的食左 7 成, 個叉燒炒飯仲未到, 就向個女經理問下, 佢無笑容甚至係無表情,亦無答我任何字詞只係示意聽到我講野, 隔一陣佢幫一邊我地加茶時話「個飯佢無幫你地落單喎」, 真係原原本本佢講的句子同尾音, “佢”係指幫我地落單個男侍者, 佢係經理級(唔 sure title 係咪經理但睇制服就係高級過個男侍者), 對於自己店方落漏單係全無歉意, 唔好話一句唔好意思都無講, 更講 d 不負責任的說話, 即係”佢”落漏單就唔關自己事咁, 完全唔會意圖將件事 present 得好 d, on top服務態度個女經理咁不負責任真係絕對影響食客對間店的印象!!

The Point (銅鑼灣)

好耐無出街試好味野！這間The Point, 在IG、雜誌都成日見到介紹, 想試好耐！而且小妹都係好喜歡食pizza的

星期六的下午2:30, 餐廳幾乎滿座的, 剛好有檯就快埋單, 就有得坐二人檯~

main menu 就一頁紙, pizza 為主, 有幾款pasta, 仲有湯, 沙律同小食。 簡單得來好幾樣都想試, 雖然胃納可以唔算細但pizza 就2個人點都真係食到一款...salad bar 有大同細分別係$68同$48, 兔子小妹當然就吃個大的。 其實有得自己出去揀, 不過因為我地坐戈張檯出入唔方便... 店員都好細心話可以由佢地代勞, 又問定我地有無咩特別唔食。 於是就由店員幫我地組合了個沙律。面頭好大堆菜~ 裡面好豐富架 -- 有蕃茄、茄子、南瓜、青瓜粒、磨菇、松子... 配沙律醋唔heavy~ 最鍾意個南瓜好香好軟質地似paste, 推介!pizza 呢, 雖然小妹喜歡Margherita, 不過見到Trifolata 幾得意就試下~ 配料係野菌、焦糖洋蔥、溫泉蛋、mozzarella cheese、bechamel sauce, 9吋pizza 一般正常食量的話兩個人食應該都無咩問題 (見到其他食客都會兩個人食一個pizza 仲有叫其他野食)。 個pizza 底唔係好薄戈種, 比較煙韌, 邊位好脆但太闊。我地篤開隻溫泉蛋先分pizza食, 有埋蛋漿係特別香同好味, 焦糖洋蔥因為烹煮過唔辣亦無左戈陣好勁的味(食完個口都唔會勁大陣味!) 小妹第一次試e種口味的pizza 係幾特別  薯條上到檯唔係話好似即炸出來戈種好熱, 會形容為"熱熱地"啦, 芝士份量剛好唔會太漏因為薯仔本身都夠飽肚感啦, 碗底有Hollandaise sauce好味! 薯條質地係偏軟身腍腍地,小妹鍾意食腍薯條就好對口味~見過IG有圖話有甜的pizza, 就揀左個香蕉, 無留意size係幾吋係細過鹹食戈d 9吋。都係同一種餅底, 有棉花糖就好似替代芝士黏黏地個效果, 配雲呢嗱雪糕, 朱古力醬。先係個雲呢嗱雪糕好甜但又完全無雲呢嗱香味, 個朱古力醬又係甜字仲有陣怪味好似, 而且有埋棉花糖成件事甜到無譜, 唔好味得來配埋個pizza底超飽,作為餐後甜品直頭係頂肚啦... 而且雪糕會加快個pizza 變凍, 個餅就更唔好食。 dessert pizza真係完全唔識欣賞.. 個人感覺好伏, 建議試其他甜品囉... 又或者至少4個人或以上先好叫每人試少少... 整體由店面裝修、服務、食物製作、味道都可算係充滿誠意, 各人對pizza 餅底都有唔同喜好,但小妹比較喜歡薄身pizza, 如果講到想食pizza未必會返來再試~ 不過沙律就堅推介!!

下午3點打後已經好多位, 如果時間許何等得到可以來食tea 就唔怕要等位~

一口烘焙 (太子)

其實是從免費雜誌看見這家新店, 地點又近平時活動範圍, 雖然知道這本雜誌鱔稿居多, 但如果要試就要趁新開張不久就試, 是好吃的出名了人龍長了質素也夠難維持; 相反是不好吃的, 日子久了也是不會變好吃的。
從雜誌圖片看到即烘意大利Panini 和牛喔~ 阿比馬上說要去試~~

原來是開在太子, 彌敦道最尾的段, 門面很大哇, 雖開在大馬路邊, 還好外賣店並沒有拿盡所有位子, 至少還要走進店裡買食物, 有丁點空間可以在店裡站著吃。格局的確是西式三文治外賣店, 有即烘麵包的機器, 1盒盒新鮮的食材, 同時有自家製已包裝好的冷藏三文治, 盒裝沙律, 杯裝甜品。 飲品方面, 除了樽裝飲品, 也有即沖飲品類, 店子用MOVENPICK咖啡, 這次來的時候已經晚上就沒試咖啡。Panini和toastie都是即叫即製, 而且都可以叫1份或半份。 我們買了日式和牛, 烤有機磨菇, 都是半份的, 各自吃自己想吃的口味嘛。
我們四處打量店裡環境時, 2個半份的panini已製作完成, 我們就即場拆出來開餐!Er……. 先打開的是我的烤磨菇, 幾乎是看不到有餡料, 磨菇沒吃得出是有機, 更沒有看得出是烤…… 醬汁之多幾乎連磨菇本身的味道都未有吃到。 阿比吃的和牛令人更驚訝, 輕輕打開麵包, 裡頭有2粒和牛… 實際跟照片實在出入太大了! 阿比說和牛的確是上品的, 味道不錯, 只是份量只得2粒太少吧。2人吃完少少的半份, 即場encore 1份全份的toastie!! 由麵包的款式, 芝士的種類, 以至餡料, 全都由自己配搭, 麵包和肉類都可以跟自己的喜好, 但至於芝士真的搞不清, 下單時店員簡單的作了介紹: swiss emmental cheese較軟身, cheddar cheese 較濃芝士味, Monterey jack cheese 較淡。黑糖裸麥包+Swiss emmental cheese+鵝肝腸。這個賣相就比Panini 好得多, 熱烘烘的芝士軟軟趴在麵包上, 漂亮呢~ 鵝肝腸是阿比選的, 幾特別, 倒是小妹覺得鵝肝味道不太重, 因為沒煎過, 質感有點像午餐肉-0-

其實試了第1件的Panini後已經對杯杯甜品希望不大, 只是因為覺得吃完1件肚空空才多吃1件toastie。而阿比則細細聲說, 睇怕沒甚麼機會再來, 就這樣吃1次, 應該就是最後1次, 之後如果是經過剛巧有機會才算吧。

滿膳 (尖沙咀)

哈哈哈第1次買了團購翌日就即刻去吃!!
這次的1.5小時任食點心的團購只需1天次預訂就ok, book了3pm 吃~
雖然我們是買團購的, 但服務員的態度也很好。

$328/4人, 麵<2碗鮮蝦雲吞麵 / 1碟頭抽干炒牛河>選2 + 粥2碗(從餐牌裡選1), 然後就是任點的點心~ 還好今次4人去吃, 2人的優惠很快就已售罄了-w-
我們選將麵的2個選擇都各要1款, 可以試齊2種~是細蓉的size, 湯底清甜, 連韮黃都入味~ 幼麵完全沒有鹼水味, 本身也是彈牙的, 不過是被湯稍稍浸軟了。 (真不好意思竟然雲吞沒上鏡T^T) 雲吞大小適中, 蝦和肉的份量比例洽當, 但蝦沒甚麼鮮味。我和阿比吃的是豬潤肉丸粥, 豬潤很爽, 而肉丸只是普普通通, 粥底是有米花的, 但就偏鹹。牛河果然是招牌, 河粉炒得乾身有彈性, 條條分明有上了漂亮的頭抽顏色, 雖然小妹沒試牛肉, 但河粉真的很好吃~其實我們來之前已經想好了要吃甚麼點心啦~~
份量是以2人為單位的, 如果寫"1"就會有2件, 即是如果4個人都想吃的點心款, 就應該寫"2"。
好幾款點心 - 春卷, 鍋貼等都說已售罄了。蔥花蝦米腸, 腸粉好厚-0- 平時街邊$7/4條的還好吃呢。 高湯小籠包, 裡頭也有點湯汁的但外皮又是好厚, 只是有形無神的小籠包。 我們點了4粒,炸兩雖然來到時不是熱的, 但裡頭的油條竟是出奇的脆!!! 不過有點怪怪的就是即使浸了粥也不會軟掉的-x-;;;鵪鶉蛋燒賣, 底下的肉是肉粒而不是剁過的豬肉, 重點是超鹹!!蠔皇鮮竹卷, 跟平時吃的鮮竹卷不是, 外層的炸腐竹皮還帶點脆口像響鈴的感覺, 裡頭有點像玉子豆腐碎碎的, 但整體感覺很油。懷舊千層糕, 賣相很別緻, 餡料有奶黃+鹹蛋黃+椰絲口感豐富, 算是比較有水準之作~叉燒包, 平時製成光滑面的包身通常是甜包, 用來做叉燒包怪怪的, 而且是檸蜜脆麻花, 已經涼了有點塌,談不上脆, 味道像馬仔但超甜的。

其實我們也沒每款點心吃1次, 都已經很飽的了, 因為麵和粥的份量都蠻多的~
但若果食家是精明的先來看看OR才買團購的話, 小妹就不建議買了。

如果賣點是吃點心, 點心水準只是普通, 反而是粥, 雲吞麵和炒河才是重點美味!!!
買團購的話平均每人$100, 看過餐牌其實散叫粥/麵/粉的話消費更相宜呢!

熊貓葡國餐廳 (氹仔舊城區)

通常來澳門都總是很大路的想吃頓葡國餐, 今次也不例外, 本來有另1家餐廳都是之前想試而試不到的, 不過那餐廳星期1休息於是再揀其他, 看見食評這家也不錯, 就前1天是打電話訂位。

6pm準時來到, 不知道是否因為已是復活節假期的最後1天, 餐廳不是很full。 我們4個人需要食量是少於4個成年人, 不過點菜還是點4人份的=P 既然很循例的吃葡國餐, 於是也循例的點些typical 葡國菜式。先來些飲品, 阿比和20點的沙路士葡國啤和葡國超級啤酒都有點中伏, 像是有汽的水, 全無啤酒味可言._.’’’ 而小妹點的葡國紅酒雜飲即是Sangria 吧, 紅酒份量不多, 帶點酒味又充滿果香的提子特飲~先來的是焗葡國雞, 哇蠻大碟的5~6人都夠吃的~ 淡黃色的葡汁好味得來絕對需要白飯! 不過我們已點了焗飯就不如點葡國麵包, 原來葡國麵包是指豬仔包~ 這裡的豬仔包是外脆內軟, 有麵包伴著吃的葡汁實在美味~ 葡國雞的雞肉嫩滑又入味, 甚至配菜的新薯和洋蔥都很出色!!西洋焗鴨飯, 是小妹聽就聽得多1直以來好想試的~ 焗飯熱熱的捧到桌上, 香味四溢, 面頭的葡國腸片充滿鹹香, 鴨肉拆成細絲混進放裡,有點像臘味飯的感覺但加上面頭的芝士粉和中間的香料將味道更加提升了~雜菌炒椰菜, 賣相雖然普通, 勝在味道清清的吃得很舒服~~原本想點炸馬介休球, 但店說已賣完了, 大概是午市生意太好吧。 唯有另作他選 -- 這個在特別推介的小menu上的咖哩焗蠔, 實在是全晚最美中不足的中伏位! 最面層的咖哩是香料調配出的辛辣, 而裡頭還有程酸酸的味道, 朋友們說很怪說不出, 小妹也吃1個試試, 原來是沙律醬! 而且是奇妙醬那種酸酸的味道, 彷彿是吃章魚小丸子上面的那種白白帶半透明的沙律醬。 蠔經焗過後縮到好細隻, 慶幸是鮮味的。 反而是墊底的薯蓉更好吃。

這店地方就腳易搵, 就是近著大家都很熟悉的官也街嘛, 環境舒適, 價錢又便宜, 不管是大班朋友或是1家大細來吃都是好選擇~