去肥天使同ct賀生日

座位：一早訂咗位，但攞枱時發現佢留咗最角角，張貼近function room嘅枱我哋。入面仲要開緊annual dinner，mc個咪嘈到頭都痛。好彩佢最後都換過另一張枱俾我地。雖然七個人坐張六人枱真係有啲迫迫地，不過都ok啦。只係waiters成晚都擺少咗份餐具、碟、杯等等。每次都要逐樣問佢攞._.

食物：巨人的食物！？
1。餐包—味道就麻麻地，但好鬼大個，每人半個已經飽咗10%。
2。廚師沙律—雖然係送的，但賣相、味道都幾求其。
3。芝士焗薯條—本來order了薯蓉，但嚟咗薯條，免得浪費食物都要咗。啲薯條咬落幾紮實，真材實料，唔係開粉條，淋咗芝士嘅都仲脆脆地。味道唔錯，略嫌淡咗少少。碟薯條勁大碟，食極都食唔完...
4。雞翼—八隻全雞翼，斬成十六件上碟。肉質有少少硬，冇晒雞翼嗰種juicy肉嘅享受。所以 一定要沾糽白汁食，如果唔係就會太乾 同乏味。
5，6。意粉+寬條麵—兩大碟巨人size。其實已經唔係好記得叫咗咩味，仲之兩味道差唔多，都係香草+芝士+肉之類嘅pasta.因為當時已經好鬼飽，所以食咩都冇乜心機._. 淨係知道啲芝士係唔同種咁啦！但都係好味道嘅。
7.燒雞拼盤— 味道其實ok嘅，bbq汁好有bbq lays薯味 唔明點解咁遲先上拼盤，已經食到七七八八
先上小食？！
8. 夏威夷pizza—超級香，但飽得濟，直接打包了。
9。檸檬茶、特飲—正正常常，無限添。

服務：除咗剛開始座位安排同不断俾少份餐具嘅小問題外，服務態度、主動換碟等等都幾好。最後上蛋糕時，特別放在銀盤上，幾好睇，又主動幫忙影大合照。唔知點解負責我地張枱個姐姐係唔係都同我地講唔好意思，是職業病嘅囗頭蟬！？

：p

{ |:| 瑪莉拮絲襪 |:| }

平安夜，去k屋企開christmas party 多謝k & 屋企人為大家準備左成一呀!! 我地亦當然唔會兩手空空咁走上去啦~!

由 r 提議，我們決定帶埋....係咪好mini，好可愛呢~!! ( 喂! 後面個兩粒雪人仔做咩係咁係到 ji ji zum!?!?!)

其實以前好怕食依d靚靚cupcake，上面pat cream愈靚就愈驚，驚會爆甜
但今次定既cupcake真係好好味!! d cream 好滑，又唔會太甜，同埋真係幾靚，好有christmas feel~!

不過呢，要親身到店面攞貨。係銅鑼灣同灣仔行黎行去，c & v 行到真係有d 腳仔軟