星期六下午準備去食野，男朋友話見到朋友食左呢間老闆娘雲南米線覺得啲炸雞好好味，我同男朋友就跟住去試下。
入到鋪頭入面，燈光非常充足，環境非常清潔。
坐低之後就睇下張點餐紙。
有好多款餸可以揀，但佢地既餸同一般既米線鋪唔同！足料好多又特別好多！
佢地除左米線之外，麵類仲有銀針粉同拉麵揀。
配料方面我本身煩惱緊好多都想食唔知點揀，但店員就走埋黎問''係咪第一次黎？可以介紹下！''
當時真係好窩心，因為已經好頭鋪仲有禁好既服務態度。
經店員介紹之後就落好order,等黎麵既時間亦唔會好耐！

我叫左豆腐雜錦同椒鹽雞翼酸辣銀針粉！
男朋友就叫左炸雞球，芹菜莞茜，野菌腐皮卷，腩肉清雞湯米線！
因為炸野係另外上，所以我地share食 食到超飽。

椒鹽雞翼，炸雞球同野菌腐皮卷真係好好味～值得一試！

星期日同男朋友去拍下拖兩人世界
又唔想食得好貴 就揀左呢間食泰國菜既餐廳

入到去坐低睇睇餐牌 雖然麵類選擇唔算多
但都好易揀到自己想選擇既款式
當日兩男朋友每人點左一個麵，一樣小食，一杯野飲同一樣甜品

我男朋友點左呢碗麵豬肉湯河
而我就點左（下圖）雞翼札肉撈檬

呢碗撈檬比我想像中好味道 男朋友試左一啖 就已經開始狂食我果碗
佢既雞翼又好大隻比我平時食既雞翼再大多1/3
加上泰式辣醫 真係好正
個檬嘅汁酸酸甜甜 真係好岩依家禁熱嘅天氣

小食方面 我地叫左炸蝦餅
好味道 蝦味充足


飯品方面我地叫左（上圖）龍眼冰
呢杯野初初同男朋友因為想飲清清地所以叫
當我地飲完真係透心涼又好潤 真材實料 有好多粒龍眼肉

食晒以上既野就叫左甜品啦！成餐最期待既食物

鄧！鄧！就係芒果糯米飯
佢有既芒果好甜好好味～
而糯米方面有紫白糯米 都好好味
椰漿又剛剛好～
食完真係好滿足！

亦為今晚畫上完美既句號

同男朋友慶祝3週年 今次就黎左帝京花月庭試下
聽就聽得多 食就第一次
上openrice搵電話book位嘅時候睇到有優惠可以平d 又真係幾抵喎
就決定食花月庭去慶祝我地嘅週年紀念日。

我地5:45分準時去到，侍應生帶位嘅時候經過有好多位，好大可以容納好多人。
又多長枱，可以比一大班朋友黎慶祝。

坐低左之後侍應生好有禮貌甘話我地有袋同褸，所以幫我地笠椅套，避免整污衊。服務態度好好。
準備開餐啦~
因為我地好準時到嘅關係，見仲未有人開始拎野食。我就出左去~見無人就緊係拎生蠔先啦。

D蠔都幾鮮~平時嘅我其實好小食生蠔都覺得真係幾唔錯！
拎完蠔就緊係到海鮮啦~選擇就唔係好多！
有長腳蟹，青口同蝦。
不過我係一個超鐘意食長腳蟹嘅人，佢啲蟹腳都真係好鮮甜。不過係去到我食左幾輪之後放新嘅落去速度好慢。靜返d都係唔多靚夾唔落手~

蝦同青口都好新鮮~
海鮮之後就講下魚生~同樣都真係好新鮮。

呢度其實食物種類都幾多~
都有幾多值得推介嘅食物~
首先要推介嘅係燒龍蝦，好多人排隊食。
記得呢個崗位嘅員工好有禮貌~我同男朋友拎左幾次，佢每次都雙手比碟又微微躹躬。好好嘅服務態度，抵讚！

第二我要推介嘅係鵝肝
因為都好多人排隊~呢樣真係幾好味。每次拎到就算係幾大舊。見到前面有人果舊較細員工會加多舊細嘅，又係值得一讚！
呢個鵝肝嘅所用嘅汁襯埋件鵝肝真係好好味~

小食佢地都幾多~唔錯唔錯
係壽司種類比較小~佢有兩種。不過其中一種有和牛，而我係唔食牛嘅人，就真係得一款可以食。


食到差唔多飽就開始食甜品啦~
甜品就都幾多選擇，而我要推介嘅有兩樣。

推介嘅甜品分別係萄撻同北海道3.6牛奶燕窩布丁
萄撻佢細細件，可以成件放入口！又好脆身，甜道剛剛好！
而牛奶布丁又係甜度適中，細細杯好正！

今餐食到好滿足亦～我相信如果之後我會再黎食😁😁

有一日上網見到有人介紹呢間雲南米線
我記得有人提及呢間係佢食過最好食既正宗雲南米線！

而我就上網查下呢間鋪既地址
點個原來係石蔭 因為男朋友住係附近 不過唔係石蔭 所以唔知有呢間鋪～

有日見得閒就決定去試下。
佢都有好多唔多款式既餸簡～佢既推薦有黑木耳，腩肉等等⋯

食完第一次我簡直愛上左！因為真係好好味～
之後我就變左成日黎食～
每次去食都有唔小人等外賣同排隊等位！
不過都唔算等好耐～可以接受

佢地既黑木耳真係同個米線好夾 好好味～
米線我鐘意食小小辣 
店主好好～餐牌上除左唔辣 小辣 大辣 仲可以揀小小辣 
好岩我呢d怕辣又唔想無辣嘅人

飲品方便雖然佢選擇唔多 但有好好味嘅豆漿
豆漿同酸辣米線又係好夾～

佢價錢又平又好味 真係好值得推介
大家不防一試！！