曾去過尖沙咀店，食物環境各樣都十分好，惜當天已滿座，惟有試下九龍城呢間，卻換來可怕的經驗．．．．．．

先評一下食物：
湯底寒天翅瓜滑雞鍋－－見食評話唔錯，但黎到覺得同以前食評所見的份量相去甚遠．．．加上個人不太欣賞個翅瓜既味道，整體好麻麻

子薑皮蛋－－見佢好流心，以為好正，但食落一啲皮蛋香都無．．好奇．．．．．．空有賣相吸引，雜貨舖買既仲好食。

老友鬼鬼－－第二度食過幾好味，但呢度太太太太硬，炸得太乾了，浸極都仲係超硬，索湯效力弱。

黑栢業－－麻麻地，食左幾舊放棄

豬腳筋－－麻麻地，食左幾舊放棄

珊瑚蚌、帶子餃－－不錯

b]最可怕的體驗是：

叫了響鈴，食左兩舊後，竟然有小強喺響鈴上面爬山．．．．．．
我與友人嚇一大跳！！！！！！

座位位於地下舖最入一角的二人卡位，正正在....應該是廚房門旁邊，不時有侍應出入，一開一關都超大風......已經坐得唔老黎，仲要有小強！！！都唔知係一早喺廚房入面爬左上去，定係放低後，沿牆身爬到響鈴上......X_X"

我其實想即刻走，但啱啱先開始食......要求侍應即刻換枱！換到樓上再食，講真其實都．．．大打折扣。

食物情況就係咁啦．．．唉．．．
不過想講既係專責樓上嗰幾個侍應，真係好呆滯．．．．．每樣野都係踢一踢先郁一郁，咩都要三催四請先有，亦好唔自覺主動。
再講，我們遇上小強後，店方好似當無事發生一樣，隨手又放一碟響鈴俾我地，相信係補番俾我地既，但無問過我地要唔要，亦無埋黎話「唔好意思，我地補番俾你地」之類既說話。

埋單亦無任何道歉補償，我地都無望清楚張單，唔知係咪照收嗰碟響鈴錢添。

食物衛生固然要留意，不過無可奈可遇倒只怪黑仔，好多只係眼不見為乾淨．但個人覺得除了食物品質之餘，更看重服務質素，服務係一個影響極大的元素，再好食既食物，服務質素差，都唔會想幫襯。　更何況佢唔係嗰啲好食或特別到即使要捱臭面色都死死地氣返轉頭幫襯嗰種店。

甚少寫食評(雖已過多月),但和友人吃後，友人稱一定要'表揚'俾大眾知！
被騙(一)：
自稱"手打"烏冬專門店...手打?! 無可能啦,擺明唔係,仲叫自己專門店, 好心啦！講到咁大...

被騙(二)：
門口一巨型海報展示提供近十款湯底：豬骨、麵豉、玉米、蕃茄、甘荀、菠菜、'魚立'魚、咖哩等......(有d唔記得喇)
我地係因為這眾多特色湯底所吸引而決定嘗試，但坐下一看餐牌，只有頭五款係有供應(咖哩有自己專頁)...... 想試特色湯底，對唔住，no way！(佢唔係暫停供應一陣,係貼住遮哂,似永遠都無!!)
唔好信..！

被騙(三)
湯底雖仍有多款，但我覺得其實係同一個底！我們試玉米和甘荀，請完全不要期望有預期的玉米甘荀味。同一個底→同一個味精湯底！(只係加dd所謂該款味道入去,可能又係味精精…)大佬，如果係味精湯，咁我洗乜去你度食，自己喺超市買包自己煮得啦！都好味過佢！　
嘥左我一個晚飯時間&quota!!!
友人一向對味精勁既食物有敏感不適，回家不久感頭痛！　大家自己斟酌！

味道：差劣，超市時下買倒的味精麵的味道都好味過佢！
環境：ok啦，只是如大家所說：不要坐門口位！(又凍又熱)
服務：嘿，俾我見到人地未食完，侍應問都唔問就攞走！提大家:等籌時要望實門口個姐姐
　　　仔，因為佢好"大聲"架，要睇口形…唔係會miss左佢嗌！
衞生：ok啦，但其時有侍應跌哂d乾淨餐具落地…唔知有無用番呢….
抵食：超市都好味過佢，俾幾蚊算啦！四十幾蚊價錢食唔好味的味精湯！仲要排隊...
(p.s.我係湯麵怪,都食過好多湯麵,可能我嘴刁啦!)

酒樓新開張兩週，決定試試．當時為下午茶時間，約三點．等位的人不多，然而眼見大堂直望的枱都坐滿，以為客滿．　
過份(一)
問樓面阿姐攞枱兩位,阿姐答：兩位要等好耐喎，等唔等？
我：要等幾耐？
阿姐：俾唔倒時間你
我：先攞飛吧，等幾多張？（佢咁講，以為好多張啦）
阿姐答：十張啦．＠＠
我的飛號係A12，顯示屏為A7.... （何來十張？）
往後有人攞飛，回應大多一樣，總之俾唔倒時間你要等幾耐！

過份(二)
眼見後來有一對年輕夫婦攞飛，過了一會，那夫婦和阿姐傾左幾句，繼而又和部長傾左幾句，居然入左去！！　我入去睇清楚，發現佢地真係坐低左！！！而且，內堂只坐了約一半的枱！？？　我問阿姐：為何遲來先入？而且有枱做咩唔俾人入？（仲要答俾唔倒時間要等幾耐）　旁邊一男士也應聲問：係囉，我都見佢地入左去喎，明明遲過我地攞飛！　阿姐胡扯一番，又說什麼要擺傢俬．．．完全唔知答乜
阿姐見我地出聲嘈，即帶我地入去坐．．．
相信阿姐答你唔知要等幾耐係要黎耍走Ｄ人，等Ｄ人唔好入座

過份(三)
我們坐近收銀枱，不住聽到D單好亂，唔知飛左去邊，又有食客衝來櫃枱，語氣很重咁嗌要攞番張單睇，話呢樣無黎喎，呢樣無食喎之類．　隔離有張中枱，食客又衝出櫃枱追問埋單近20分鐘都未黎．俾左卡簽帳，又等左好耐，該枱人因趕住開車出carpark，一再追問，一侍應走近以為佢地想埋單，點知原來侍應手上張單就係該枱的單，個侍應自己仲唔知．．．唔怪得之ｄ單唔知飛左去邊啦．　個個都懞下懞下．．．

過份(四)
我地見狀心慌慌，我諗緊好無不如走呢，樣樣都咁亂．　等點心等左25分鐘，不住有人捧點心出黎，但都無我地份，友人話都係問下好ｄ，即製最多咪20分鐘，況且佢又唔係多客．
找來一部長，佢幫我地check完電腦問：爭ｄ咩未黎呢？　
我答：一樣無黎過喎！
部長：哦．係咁，eh．．唔好意思，剛check過機就無記錄．．你地想要咩，我而家即刻幫你攞．
我即答：唔哂喇，走！
我點知我再叫，係咪又漏單又等，然後埋單又等半個鐘！！！
開張兩個禮拜，都仲咁混亂．．我覺得唔可能吧．　初初亂可以接受，但兩個禮拜時間都無改善，我相信佢都唔會改善倒．．
唯一可讚的就係新淨囉，裝修相當靚，但間隔好似唔係咁好，大堂好大，嘥哂ｄ位，可以擺多幾張細枱囉．

在這裏知道旺角店的惡劣,於是去了尖沙咀店,知道也不會好很多,但至少不是最惡劣嘛.

上週二,和家人去吃了素食火鍋套餐,好像是$438. 因為我們都愛吃蔬菜,較清淡. 但份量甚少,有菜籃(有四款菜,但好少,一人吃兩條吧),四款餃(三鹹一甜,明明是四人餐,只有六隻,唔夠分..問部長,說因為照例牌出,所以是這份量,那應改叫三人份啦!!),蘆薈,筍心.
後來再加了蟹籽油炸鬼和四川笤粉(特意選了別的地方不會吃到的,吃過以後不用再來). 前者不錯(會再去食既不妨試下,油炸鬼烚後仍脆,但烚時切記用筷子夾住烚,仲要唔好俾湯浸到d蟹籽,否則蟹籽全給沖走,烚熟油炸鬼內黏住蟹籽的蝦膠就可吃),後者笤粉則一般,我覺得小羊的粉條好吃多了.

激氣:
帶位小姐熊度惡劣,張張枱都話有人,唔俾我哋坐,迫咗我哋去最入的地方,無人理你.
全程只是浸熟食物...叫部長處理,他看來不像香港人,木口木面,求其整下,就走開. 全無誠意,又無話幫我哋換gas爐,由得我哋.幾碟野,吃咗兩個鐘...

最乞人憎係一個肥姐,簡直是一隻蠻牛,在場內亂衝(各位小心被她撞倒). 我舉起點菜紙,想搵侍應問什麼是四川笤粉,突然唔知從後面邊個方向衝來,一手攞走我張紙,我急忙制止說想問野,佢丟番低又衝走咗! 最後我們叫她起套餐甜品,佢一聽到又衝咗去攞甜品紙俾我哋,當然又衝走咗啦.嘿,我哋個餐嚟架,點會有得揀. 我再叫佢同佢講,我哋餐嚟架,有得揀架咩!?佢望住個套餐張紙好耐,然後先話:「....你..呢個餐嚟咩...哦...eh..我幫你睇下啦.... 如果係....」,丟低張紙又衝咗去第度. 佢有serve過我哋架,我真不禁話,你而家先知我哋呢個係餐?! 但最頂唔住係佢話去睇下,但全程係做其他野. 我當然叫過第二個侍應起啦,個四眼哥哥一聽就已經好爽快去按機起甜品俾我哋.
最搞笑係,甜品來後,肥姐又衝埋嚟,然後話「d甜品嚟齊喇下嘛」. 母親大人飲緊水都即刻笑出嚟. 佢真係得...自己完全無理過,走埋嚟講到好似自己跟完咁...

除名! 永不再去.真不敢想像去旺角店會點差. 友人話以前有任食,較抵食,也知道蕃茄湯底很好味,但服務如此...食咗都背脊骨落..一肚氣