leontaz 等級4 |  關注
 留言給此食家
|
|
排序方法：
日期 笑臉
 喊臉 
編輯推介 餐廳總分  文章形式 |  地圖形式
2008-10-05
多得OPENRICE的安排, 有機會黎擦餐勁既, 又可以學下d新知識~ 好, 講返食物先 先上的麵包, Focaccia做到外脆內軟, 但香草味不夠突出 Grissini放了良久仍是香脆可口, 配黑醋及橄欖油, 兩者皆不俗 開胃菜先上軟芝士風乾牛肉卷配紅洋蔥火箭菜白菌沙律 我本身唔太鍾意食芝士, 不過佢用既芝士唔太濃味, 風乾牛肉鮮味突出, 也不會太過咸, 包住軟芝士, 口感唔錯. 火箭菜味道小小甘, 用黎伴碟令味道豐富了不少. 白菌雖然無乜味, 不過整體而言呢個Appetizer令人留下相當好的印象 到炭燒日本凡立貝配椰菜花蓉, 外層微焦, 內裡卻香滑; 伴碟的炸紫菜的增加了咸香, 起了畫龍點睛作用; 椰菜花蓉入口質感相當幼滑, 出奇配合, 十分出色! 意大利雜菜湯, 是味道比較平平無奇的一味, 其他食友已詳述材料, 在此不贅 到前菜啦, 是我期待已久的ND蒜香欖油辣椒有機意大利粉 個人對意大利粉是情有獨鍾, 特別係Fat Angelo's的辣蒜意大利粉, 簡單材料做出豐富層次 呢度既意粉亦令我有意外驚喜, 以生蒜帶出香味及辣味, 意粉半熟軟硬適中, 好惹味, 食得很過癮! 第二道前菜, 牛肝菌鴨肉醬燴意大利飯, 早前睇電視介紹美味牛肝菌, 令日一試果然菌味濃郁, 鴨肉醬配上硬硬的飯粒, 很有咬口, 喜愛香濃口味既朋友應該會鍾意 主菜打頭陣是煙挪威三文魚配新薯及英國芫茜沙律. 呢味應是功夫之作, 三文魚外層燻香而內裡保持半熟的嫩滑口感, 很不錯. 不過如果三文魚再咸一些會更好. 伴碟的紅石榴肉味道微酸, 增加了清新氣息. 薯仔試了一口, 味道相當淡 到燒澳洲羊扒配香草松子仁及燒蒜子. 個人而言幾喜歡食羊, 但又不喜歡太過份的羶味, 所以鍾意食西式羊扒而對中式羊腩煲就麻麻地. 呢味羊扒燒至5成熟, 肉質極軟滑, 但味道的確清淡了一點. 不喜歡太羶羊味的朋友也應可接受 甜品上場, 青檸蜜糖醃香蕉配酸忌廉. 已吃得好飽了, 青檸酸忌廉正好醒胃. 但配香蕉就太heavy了, 如配些清新d既生果, 效果會更加好 來到意大利餐廳, 點可以唔試咖啡, 所以雖然已近10點, 仍然冒著失眠危險, 點了一杯Cappuccino. 上枱時心形變哂形, 不夠美觀, 不過口感醇厚, 味香濃, 已算不錯! 是晚十分盡興, 有大廚介紹食物, 又有經理講解意大利飲食文化, 有得食又有得學, 又認識到一班食友, 真係多謝OPENRICE!  
推介美食: 軟芝士風乾牛肉卷,炭燒日本凡立貝配椰菜花蓉,ND蒜香欖油辣椒有機意大利粉 評分: 味道 5 環境 4 服務 5 衛生 4 抵食 3
2008-06-27
星期日, 原本想訂位, 不過原來星期六日不設訂檯... 算了吧, 早點去等位 7點半黎到, 人山人海, 拿了3位的飛仔, 就在ifc行了一陣, 隔了十幾分鐘返黎仲係有排... 只見2人位既號碼一直入座, 而3人或以上就很慢 好啦, 等到8點過少少, 終於都到我地了 門口果位知客轉左, 之前果位黑口黑面既員工唔見左, 換上左一位啡色短髮戴眼鏡既女仔, 好似叫RAIN, 禮貌比之前好左好多 入到去,等到卡位, 真好~ 好肚餓, 很快就叫野食啦 紅油抄手: 紅油雖然稀魎地, 但很辣, 愛好辣味的應該會喜歡. 餡料也味鮮, 保持水準 上海粗炒: 麵質彈牙, 炒得有鑊氣, 不過怕油膩的就可能唔啱食了~ 配料有菜及菇... 最離奇是有幾條白菜仔... 小籠包: 一貫的皮薄餡靚, 但其中一隻穿了底, 可惜可惜 酸辣湯拉麵: 叫呢個都係貪佢酸辣湯好味, 料足之餘味道酸辣得宜, 相當有水準 除了食物水準保持到之外, 服務亦都改善左好多, 換上了幾名新面孔, 有一位叫JOHNNY的男仔同另一位金色短髮既男侍應, 2位既SERVICE都很好, 很有禮貌向我地介紹食物, 而且遠遠一見到我地舉手就立即快步走過黎SERVE我地, 非常抵讚! 下次會再黎, 不過應該會揀返閒日訂好位先黎, 始終WEEKEND等得太苦哩 
推介美食: 紅油抄手,小籠包,酸辣湯拉麵
評分: 味道 4 環境 3 服務 4 衛生 4 抵食 3
2008-06-11
有pizza半價優惠, 所以就黎左CPK 7點9左右黎到, 2個人要等4張枱, 但bar枱就唔使等 無所謂啦, 好肚餓, bar枱都無問題 環境都ok呀, 可以睇到開放式廚房, 睇住o的staff烤pizza, 幾得意 叫左個米蘭pizza, 馬沙拉雞肉意粉, 甜品要左apple crisp 米蘭pizza入口好脆, 好足料, 腸仔好好味! 意粉酸酸辣辣, 雞肉不多, 不過整體味道很好 Apple crisp就好將好多個appie pie既餡擺埋響一個碗仔 男友覺得麻麻, 我就覺得好好食!
評分: 味道 4 環境 4 服務 3 衛生 3 抵食 3
|
55次成為首位寫食評會員
食評數目
編輯推介數目
4
會員推介次數
34
人氣指數
220607
留言數目
上載相片
上載影片
我推介的食評
我的餐廳
關注
0
粉絲
85
軟芝士風乾牛肉卷配紅洋蔥火箭菜白菌沙律