深水埗咖哩 (深水埗)

小妹好耐無打食評，但今次真係唔打唔得。真心依間餐廳好味，服務唔錯，價錢更係好經濟，見佢星期五晚巿都水靜河飛真係代佢擔心。希望有更多人留意佢，比佢個機會佢（雖然佢店鋪睇落暗暗，唔太光鮮）


話說今日同男友行左半個鐘都未揀到食乜，去到金豪又要等一粒鐘，想食嘅西餐又被包場，行行下見到有個哥仔派傳單就拎左入左去了。


因為係印度餐廳，所以要用英文點餐，我地最後二人點了四樣野食：


1- 串燒雞Kebab $48


小妹一直好鍾意食Kebab, 所以係一定會叫！佢嘅串燒雞好香，好多生菜同洋蔥，汁不多不少，佢一開兩件上，方便同男友一人一件。


味道黎講，真心比起尖沙咀阿士厘度個兩間都好食，而且料亦較豐富，價錢更為相宜，不過無計，尖沙咀租貴。



2- 燴羊咖哩 $72


比想像中出色嘅羊，肉質好淋，好輕微嘅羊羶味，或者有人會鍾意羊羶味，覺得咁樣先係食羊，但小妹就覺得些微嘅羊再配搭印度咖哩嘅香係一絕！





3- 牛油烤餅 $24


嗌左咖哩無理由唔叫烤餅，佢一客四件，烤餅相反比較失色，唔算太香，但點咖哩食就一絕。


4- 烤芝士菠菔（後加）$58


大食之小妹梗係要追加啦！拿拿拿，依一樣我真心驚喜！


佢係咖哩菠菜蓉再配烤過嘅羊芝士粒。小妹其實對羊奶好抗拒，但佢嘅造法卻令小妹停不了口。


總括黎講，對今餐誤打誤撞咁入黎真係好驚喜，同男友一路食一路讚不絕口，本來小妹都無打算寫食譜，但埋單個時佢找少左錢（加埋可樂 總數$214，比$500佢找$206）個時先發覺原來佢收銀無一百蚊紙所以全部$20而找錯，而當佢發覺自己找錯佢都唔好意思不停道歉，加上佢生意好靜，真心覺得要比大家關注下，其實有一班小數民族好努力咁為生活而工作，而佢地嘅食物真係有質素，希望大家可以支持下。


亦因爲本來無打算寫所以槄都影得比較求其，望見諒。

添記糖水 (天水圍)

小妹閒時都喜愛吃夜宵（導致發福不少 ）
今日食完晚飯就過黎添記食碗糖水

添記位於新北江一樓新宿地帶處，無裝修無招呼，要自行寫單比廚房
添記除左有甜品亦有小食，而且款式都唔少添！

小妹叫左一碗紫米明珠，三分鐘都唔洗已經送到
一黎到個湯匙係濕架‥嗯，感覺唔太乾淨

味道方面，好重椰汁，成碗甜品就係紫米加大粒西米再加好多椰汁
食到一半已經好漏，更比突然出沒既小昆蟲嚇親
所以就快快結帳回家好了人手不足，所以縱然有枱，但都無人清理枱面
而且餐牌痴笠笠，再加上小昆蟲出沒，濕濕的湯匙
令人覺得衛生環境惡劣

餐廳的食物顧然重要，但衛生也須注重呀

一人前拉麵 (元朗)

小妹一向不喜歡日本菜，原因有二：不吃牛和不吃生，所以都對日本菜提不起勁
所以拉麵風盛行了一陣子，但小妹還是沒有興趣品嘗

今日，衛斯里就帶小妹去一嘗拉麵之吸引

一人前拉麵位店面細細，只能容納若十來多人
裝修皆以木材作主，一枱一凳都以木材作格調

二人點了：
1. 鎌拉麵
2. 熱爛拉麵
3. 煎餃子
4. 炸蠔（沒有拍照，抱歉）

小妹喜愛點了鎌拉麵，麵底要硬，走蔥。材料有叉燒、黑木耳、一隻流心蛋、黑蒜油、筍
一上枱小妹二話不說飲啖湯，幾Creamy，略咸
麵夠彈牙，唔會過淋，叉燒少肥，加上湯底既美味，一啖湯配一啖麵
整碗麵好快比小妹消滅衛斯里的熱爛拉麵，與小妹的拉麵配料一樣，只是湯中間加了一個辣肉醬球
嚐過湯後，還是覺得我的較好味
因小妹先入為主，總覺得拉麵不應是辣的另外追加了一客餃子和炸蠔，原諒我忘記把蠔身拍下來
餃子一客四件，餃子邊煎得很脆，配上餃子汁一同進食，好好味呢
而炸蠔呢，炸粉適中，不會過厚，而且蠔肉肥味！謝謝衛斯里帶我到來，讓小妹終於一嚐拉麵的吸引
好吧，下次要去試試別家拉麵嚕

明朝人氣甜品店 (元朗)

星期日落元朗搞旅行ｄ野就去又新街個頭睇下有咩食
元朗真係好多人，多人到寸步難行
係又熱又焗又多人既情況下終於行到去新B仔個頭
因為實在太熱，快溶掉了，所以最後入左明朝食碗糖水降下溫

話說「明朝」未開之前係荃灣有一間叫「明記」（位於路德圍松記隔離）
明記係賣糖水既，而且同明朝出品實屬一樣，而且餐牌更一模一樣添
幾經打探得知，原來係相熟鋪頭黎既，不過又拆左夥黎做

明朝位於新B仔隔離，店面以鮮艷格仔為題，店中擺滿密蜜麻麻既枱
鬼叫香港寸金尺土，只好擺放最多枱數，抵消昂貴既租金
一坐低看看早已放在桌上的餐牌，餐牌顯然想做到色彩奪目
但是卻事與願違，小妹不懂欣賞，反而讓人有種雜亂無章之感

二人同行只點了一道「西瓜盅」，雪糕自行選擇味道（小妹選了芝麻味）
成品是一個切開一半的西瓜，中間起肉，把肉連冰攪碎成汁
而中間空出來的位置則放上各種生果及涼粉，以雪糕作頂
雪糕上劃上十字芒果汁

成品有豐富的生果，很是吸引，先呷一口西瓜汁，透心涼極了！解去惱熱之苦
但可惜水果並不新鮮，而且水果涼粉更跟雪糕不搭
而且雪糕上所添加的芒果汁更畫蛇添足，令整個味道變得更怪
雖然雪糕是眾所周知受歡迎的甜品，但食物配搭還是要跟據食物味道呀
望餐廳能把雪糕去掉，以保西瓜盅之品質

王家沙 (旺角)

和相識十數載的老友慶生辰，一行五人，最後在約定時間的一小時候才整人，友人說，遲到這玩兒，大概是越熟越遲，越熟就越不用忌諱，但小妹卻認為，不管相約者是何人，準時才是王道吧？而且遲到也要跟別人說聲，好讓別人知道，不用乾等吧？

說回餐館，是次生辰飯局於旺角新世紀廣場的王家沙進行（本身想到泰豐廔，但奈何已Fully Booked），這間王家沙應該新開張沒多久吧？皆因小妹查看水牌都沒有王家沙的字樣，只知在新世紀廣場二樓。新裝修後的新世紀像迷宮一樣，小妹左奔右走，幾經辛苦才找到餐廳。

最後等到餓的三人則先叫了前菜好填填肚子的空虛。

雞絲粉皮
粉皮上鋪滿雞絲和青瓜，然後再於配料上淋上麻醬。先把麻醬撈起，好讓每塊粉皮和配料都能沾上麻醬。這道菜，很少會難吃，只要麻醬足夠樣每種材料沾上，便已美味香口。這道菜，麻醬當然足夠，所以每口都充滿了花生香，是最佳的一道前菜！素鵝
素鵝是用腐皮包裹著木耳香菌再落鑊煎香，腐皮香脆，雖看到滿臉油光，但一點都不帶油膩感，而且饀料豐富，爽口的黑木耳和香菌的配搭，實是相襯！

 

不消一會，兩道前菜已被餓鬼消滅！待友人到來才下菜：

3. 蘿蔔絲酥餅
4. 上海擔擔麵
5. 賽螃蟹
6. 話梅骨
7. 三鮮炒年糕
8. 馳名小籠包

蘿蔔絲酥餅
頗失望的小吃，蘿蔔絲饀雖條條分明且鮮甜，但蘿蔔絲酥餅熱度不足，而且酥餅皮做得不夠酥，咬下去很粉，粉得糊口了上海擔擔麵
擔擔麵未見出色，湯底沒有麻香，只有辣味，而且麵條過林，頗鯰口，不是小妹的茶。賽螃蟹
是晚最受歡迎的小菜。在蛋白和蟹肉中放了一隻晶瑩剔透的蛋黃，在吃前把他攪拌，讓每口沾上蛋液，眾人都大叫好吃！話梅骨
話梅骨，與名字相配，酸而帶甜。肉是用排骨肉粒，肉雖較少但卻爽口，排骨粒被話梅的酸甜包裹著，很是入味，是佐飯的不二之選！三鮮炒年糕
這小菜則較為遜失，味道雖為清淡，但又不至於淡而無味，年糕熟度不足，有點過硬，宜再煮熟點，三鮮？何為三鮮？理應是蝦仁、雞肉和火腿，但後兩者久奉，所以味道較淡。馳名小籠包
壓軸的小籠包，不錯！小小包子滿載著肉汁，熱辣辣的肉汁沾上香醋佐吃，以酸解去肉汁之膩，任誰都歡喜吧！