原本今早打算幫家人買野，誰不知店舖仲未開，個肚又餓餓地，所以就走去新北江樓上食早餐。

入到大伙頭，只有一set套餐揀，分為A+B+C為一set。
A: 牛油方飽或多士
B: 滑蛋
C: 鮮茄牛肉，豬潤，雪菜肉絲，炸菜肉絲，叉燒………麵或通粉或意粉等選擇
如有需要，可加$3 D一款餸(火腿，腸仔，餐肉或煙肉）

最終我叫牛油多士，鮮茄鮮牛公仔麵，滑蛋+腸仔。先講多士，麵包用比較厚身方飽，好香唔會太硬，個鮮茄鮮牛麵好香，應該用鮮蕃茄煮個湯，所以好香濃，而個滑蛋都好正 ！！

服務方面，收銀個四眼姐姐好有笑容，座位都好舒服，加上設計是半open kitchen形式，所以望到煮野食既情況！！

食完美味既燒烤+美人鍋，同學們都意猶未盡想食番碗傳統糖水，印象中廟街附近有間，所以我地就行過去睇下。

行到廟街附近，發現佳佳店舖外面多有成十幾個人等緊，店舖內亦坐滿人，諗住好既野先至有人等心態去試，誰不知外面個班人原來響度等外賣，而我地唔駛等位情況下，侍應哥哥就帶我地上樓食。

我地三個人分別叫了三款糖水：薑汁寧波湯丸，糙米麥粥及合桃糊加湯丸。三款糖水都用心制造，湯丸內芝麻饀好香濃，合桃糊食得出係自己鮮磨而成，加上價錢好平，唔駛$20就食到好好味既糖水，實在是難能可貴！！

為了補足好姊妹的生日，加上之前第一次響呢度曾與家人食了全羊膝套餐，用料十足及味道唔錯，令我記憶猶新，所以特意揀呢度，雖然朋友唔食羊，但可以一齊試下其他菜式都係一件樂事^^~~

我們一行四人揀左二人海皇套餐(大約$268),內有海皇沙律, 燒蝦, 薄餅+咖哩, 炒飯, 牛肉沙律及兩杯飲品.
海皇沙律: 味道ok.
燒蝦: 味道ok.
薄餅+咖哩: 好好食, 個味好夾.
炒飯: 味道ok.
牛肉沙律: 牛肉好香,好好食.

另外亦叫了其他食物
咖哩角:內有薯茸, 味道好香, 配三色沙律醬汁一流
土耳其漢堡: 好抵食, $25兩大塊
烤雞卷: 內有菜及醬汁, 好香好好食
炸魚條薯條: 魚條內有其他香料, 所以好好味
芝士薄餅: 即叫即整, 味道唔錯
羅勒雞: 比較細碟, 不過味道唔錯

雖然所有侍應是南亞裔人, 但他們全部都識講廣東話, 服務態度幾好, 價錢亦都合理, 可以值得一試^^

與中學同學聚會，由於大家坐的區份現各有不同，故旺角係最好既選擇，但由於大家又想坐得舒服，又想食得特別，最終我地揀左大和豚総本店試下。

店舖本身位於雅蘭一期，一出地鐵站就搵到，入到去既時候，發覺環境比想像中優雅，雖然見到有部份食客都同時享用燒豚肉，但竟然唔係太大油煙味，值得一讚。
我地一行三人亦叫了一個飛魚美人鍋+燒豬豚肉+韓式壽司+1L檸檬茶

先講下飛魚美人鍋，首先都會落骨膠原落湯底到，鍋既旁邊圍滿了由豚肉包著的雜菜，加上湯或清甜（應該係昆布湯底），所以味道好夾好好食，就算豚肉卷放在鍋內煮好耐都好好食，之後我地仲額外叫了一個豚肉滑，味道都唔錯，所以大家不妨試下。

燒豚肉方面，我地叫了一份有五種豬部位既豚肉餐，內包四小碟前菜，泡菜，韓式生菜，飯及味噌湯。首先侍應都會主動教你食用方法，首先食板角落位置放泡菜及芽菜，以方便燒肉時所煮的油流到d菜，然
後原塊豚肉煮都咁上下就用剪刀切食細塊，方便再煮熟，之後先攞一塊生菜，加肉，韓式醬料，泡菜，芽菜加小小飯，然後包住佢食，嘩！！真係好食，因為豚肉真係好香，尤其是個腩肉及豬頸肉，所以最終我地再追加一份豬頸肉及蕃茄腸去燒^^~

其實個度仲有甜品可以叫，不過由於想食傳統甜品關係，所以無去叫，希望下次有機會可以試埋佢啦