至識食 等級4 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2011-09-05
新開嘅時候,曾經有同事買過,幾個同事一齊分享,覺得幾好味。 今日一個人買咗一塊,廿五蚊,諗住攞嚟當 lunch。 咁大塊,見到佢炸嘅時候,真係有 d 興奮。 炸得幾香,但個皮 d 粉炸得好似唔透咁,五香粉太勁,所以只食到五香粉味,完全感覺唔到雞排嘅味道。而且太大塊,好漏好滯,自問係一個大食嘅人,食一碗大大嘅米線都面不改容,但我竟然食唔晒塊雞排…… ,幸好裡面唔係好乾,有 d 肉汁~~ 我諗我會再食,但會搵人同我分享,或者叫雞塊~~
評分: 味道 3 環境 3 服務 4 衛生 3 抵食 3
2011-09-05
之前食過一次 lunch buffet,生日月份朋友免費,而且 lunch 都有生蠔,所以覺得幾抵食。 今次8月有朋友生日,決定試個 dinner buffet。 講真,如果同 lunch buffet 相比,食物款式同種類差得唔多,但價錢就貴一倍。 生蠔 ~ 新鮮,比 lunch buffet 果次好 魚生 ~ 款式唔多,共六款,其中包括雞蛋同蟹柳。三文魚新鮮肥美。 雜菌意大利飯 ~ 好味。 羊架 ~ 一般,而且我個人唔習慣食太生嘅羊 沙律蔬菜新鮮,而且款式都多 甜品 ~ 上次勁讚嘅木糠布甸,今次明顯失色,或者廚師唔同咗,又或者係因為已經食過,無上次食果陣嘅驚喜。今次成為我的心愛甜品係美式朱古力餅好食,好濃,但唔會好甜。 要注意係,好多時出咗一次之後,會換上新款式,所以如果食完覺得好食而想 encore 嘅,建議盡快攞第二轉。 侍應叫我哋幫手寫意見書,於是我填咗,就係廚師常常失踪,例如切羊架同剌身的廚師,要留意佢哋出現先有得攞架~~
評分: 味道 3 環境 4 服務 3 衛生 4 抵食 3
2011-09-05
記得新開張嘅時候幫襯過一次,印象中好一般,所以都無再食。 今次起朋友提議下,再次幫襯,結果……還是強差人意。 雖然係無限時,但如果有得選擇,我會揀得一個半小時,然後有 d 似樣 d 嘅嘢食。 各類魚生都非常普通,講唔得新鮮,但又未至於食唔落肚,叫咗兩轉都無再叫嘅衝動。 雞軟骨串,真係有骨,咬唔到,吞唔落,第一次食要吐骨的雞軟⻣。 其他真係無乜邊樣覺得好食要 encore。 比較特別係有梅酒飲,我溝埋七喜,都幾好飲。 最好食係甜品,朱古力泡芙,叫咗幾轉。 要讚又要彈嘅係侍應服務,各侍應都好殷勤,即叫即到,而且禮貎都好好,換碟亦好快,但又快得滯,一舊骨就嚟換碟,有時真的略嫌打擾傾計囉~~ 但總括嚟講,態度真係值得嘉許~~ 評分: 味道 2 環境 2 服務 4 衛生 3 抵食 2
2011-09-01
去之前都知道唔平,去到睇到價錢真係偏貴…… 五個人,由於其中兩個唔太肚餓,而且今天大家出嚟嘅目的都係聚舊,所以最後只係叫咗六碟嘢。 雪花牛肉 (大) ~ 牛味唔夠重,但尚算淋口,雖然接近兩舊水一碟,但份量尚算多 四寶丸 ~ not good,四款丸都只係覺得彈牙,係鯪魚丸有 d 鯪魚味外,其餘蝦、牛、墨魚都無乜味 炸脆腐竹 ~ 不過不失 鱔片 ~ 唔知係咪因為唔係當造,無鱔味,又瘦弱,接近皮多過肉 雜菜盆 ~ 種類算多,份量也多,新鮮 水餃皇 ~ 據說係鎮店之寶,$88 八粒,真係好大粒,蝦係大隻,但又係無乜味 雖然我好似講得唔係咁好,但主要係因為以價錢同質量掛勾的話,自覺未達標。 其實純以質量計,大致上都合格嘅~~
評分: 味道 3 環境 4 服務 4 衛生 4 抵食 3
|