東記上海麵(大埔)

好一排冇食呢度的炸豬扒, 今日和大豬女友在大埔午餐, 就決定上來街市食喇!
22蚊連碗麵, 都算經濟抵食;
塊扒都夠份量, 炸得唔算油, 好脆, 好香.
和日式豬扒好唔同, 港式的d 粉冇咁厚.
炸得唔乾, 肉汁多, 一讚.

但碗麵略為遜色, 湯底係冇味的, 要改善喇!
好采都有兩條介蘭!

維記咖啡粉麵(深水埗)

次次到維記都係食呢個, 無他, 真係必殺技嘛!!!!

叫了d 麵要特淋, 因上次仲半生熟咁, 個人而言公仔麵唔好al dente 喇....

牛肉夠滑, 潤爽口, 麵好食, 冇投訴喇.

服務一般, 但我坐正出麵位, 阿姐在我耳邊成日交 order, 食完返出o黎都已半聾!

阿二靚湯(赤臘角)

上機前食少少野, 今次唔食漢堡王, 而o黎左阿二, 都係因為朋友想飲個中式湯才上機!
但我們又不是去歐洲流浪一年, 係去台灣5日咋!

叫左幾個小菜, 當然仲有個中湯, 有瘦肉及少許翅的;
小菜其實好一般, d 豆都炒得幾油.

個湯真係好飲, 如果真係冇落味精, 真係好正架喇.

服務很好.

但最後我都係走了去bk 食了個 whopper!!!!

Cafe TOO(金鐘)

呢間"暴肥" 其實好快可以sum up.
海鮮主打係中size 的龍蝦;
壽司較弱;
salad 有parma ham, 及泰式沙律, 我個人最愛;
熱食方面, 中餐係有點心的, 幾特別;
其他中餐熱食一般.
西式食品不太多, 有牛柳及羊, 但都係7,8 成熟的, 要食生d 的話,可叫師傅custom order.
仲有粉麵, 今期有上海麵, 味ok.
也可即炒粉麵的, 我卻冇試.
咖哩有個section, 有咖哩豆, 魚, 牛腩, 雞等; 唔算辣的, 但幾香,
印度籍師傅也好努力地弄薄餅, 也好食.
甜品係強項, 大家都見有好多人都登左靚相, 本人在此不再長氣再嗡了.
服務很好, 一讚.
weekday 都不太平, 可再平d 就好了.... (今餐我請嘛....)

映山紅(馬鞍山)

一行6人, 中午來飲餐茶.

唔洗等位, 馬上有位坐.
見d 白色裝修又幾靚幾潮呢.

叫的都係普通點心.
d 女同事叫幾個油菜.
好快上, 夠熱, 腸粉我食了不少.
味一般, 冇咩特別.

服務ok.
一人都係食45蚊, 坐得又舒適 又relaxed, 仲想點?
會再來的.

Main St. Cafe(旺角)

雖係星期日, 但冇杯啡飲, 硬係唔夠精神咁!!!!
嘻嘻, 唔知有幾多人會有我這情況呢

o黎到朗豪, 本想去starbucks, 但去得太多了, 見未幫襯過 main st., 今日一試喇~

一個iced mocha, $34.
都唔平呢... 係即整的. 等一陣好快便有了.
冇叫佢落cream, 所以大家見不到pat 白色野.

喝一口, 嘩一勁淡, 其實係 好鬼淡, 好似d 冰已溶晒咁淡, 點會咁架!?!?

咁淡當然冇啡味喇!

好冇癮的花了34蚊 飲左都唔提神...

雖然人人都讚d cake, 但既然咖啡都係主打, 這樣不太見得人呢,
對面有間industry standard呀...

越興園越南菜館(旺角)

星期日, 7點幾, 和大豬女友行mk, 雖不太餓但仍要食d野才回家,
本想食d 粉麵算了, 但見到有越南餐, 又有位, 便入內坐下了.
未食過呢間, 都不敢叫咩特別野, 都係叫最基本的生牛河及 豬肉蝦卷.

好快有得食.
牛河先上.
喝口湯, 淡淡的, 冇乜牛骨味...
好采d 牛肉夠靚, 唔太肥, 用湯滾一滾便可擺入口, 鮮味十足!
d河粉也好食, 韌度剛好, 筷子輕力夾的話, 剛夾唔爛, 正!

豬肉蝦卷也好食, 有6塊, 點d 魚露, 我剛剛可以一啖一舊, 大豬女友則要兩啖.
豬肉少許肥, 但仍可以接受; 蝦ok 新鮮.

服務ok.

其實係個湯底差了少許, 其餘都ok 噃.

回家再看 openrice, 嘩, 原來mk 好少越南餐館呢!

紅媽麵線 & 渴(旺角)

去朗豪坊途中, 見到這小店子, 幾多人在等,
和大豬女友也一試喇.

叫了個花支丸, 及碗麵線.

都要等一陣, 即炸的花支要炸一兩分鐘, 不是炸定的~

12蚊有5粒, 勁熱, 上有少許胡椒鹽, 好彈, 好食, 正~

麵線個蓋, 好實, 9牛2虎才拔掉!
賣相吸引, 味又如何?
飲口湯, 味比較啖; 但一片片大腸係清晰可見的, 仲可以用牙簽督住o黎食!
麵線味差不多.
個人比較喜歡mk 的另兩檔多少少.

加上, 唔明為何個麵線都要等, 仲慢過d 花枝, d 花枝就話係即炸啫,
但麵線冇理由係即整吧? 扣一分服務分! 食旺角街邊野都要等, 邊夠競爭呀

唔怪得咁多人等喇!
可以改善.

沙田18(沙田)

在大學站有間酒店係怪d, 有咩人會在此住呢?
不過有好過冇, 今日老闆拉大隊o黎食晏, 都係飲餐茶啫.

都係食d 點心, 炒粉麵等;
另叫了個未食過的蒸帶子豆腐.

叫了食物, 看看環境, 真係好靚, 坐得舒適, 櫻底又夠高, 夠晒氣派呢!
連個茶杯都特別過人....

點心及炒粉麵好快上, 但其實都幾一般,
排骨仲幾肥.
價錢唔平架, 但份量唔算大, 尚算足料既.

都係個蒸帶子特別, 帶子都好大塊, 仲有d 蝦醬在上面, 幾配合.
埋單都唔平, 好豪呀....

走才知, 泊車係不用錢的, 嘩, 今時今日香港地, 仲有得咁既?

新疆回族薄餅店(旺角)

我冇去過新疆, 所以唔會知正宗新疆回族d 咖哩係點;
但今日去到mk, 都決定一試此小店, 因都開左好多年都未食過~

一坐下, 看看餐牌 竟說係印度咖哩?????

再留心點, 英文名係 kashmir curry house, 即係"喀什米爾", 唔係中文的新疆噃

算喇, 既來之, 則安之... 叫個咖哩雞餐, 及兩個 samosa 仔 share 喇.

師傅攞了個 咖哩角叮一叮, 便上檯了.
個皮仍脆的, 內好熱.

另外, 有支似似地介辣的醬, 之前食 samosa 好似冇的, 印度式通常都係加d 綠色mint 汁 的;
落左d , 試一試味, 嘩, 好特別!!!!
係薄荷味 + 介辣味 + 辣椒, 未食過, 好得意!

落左幾多, 因點 個咖哩角好食.
咖哩角都幾多薯仔, 大豬女友幾喜歡呢

之後個咖哩雞, 好紅, 蕃茄味重, 少辣, 似 rogan josh.
有兩片薄餅的, 點汁一流.

包杯飲品的, 叫了玫瑰汁, 心諗, 會係咩味呢?
係杯橙色的汁, 督支飲管, 飲口, 咦, 係淡芬達咁味既?

行到去舖的另一面, 看到英文menu 係 "indian orange juice"...
晃然大悟....

埋單兩人食了 49蚊, 仲想點?

長沙小廚(大嶼山)

去長沙hea, 成晚冇瞓, 一起身已係食lunch 啦, 行了下沙灘食.
找到呢間泰餐廳, 大家都口淡淡, o岩晒~

都係叫了普通的pad thai, 波蘿炒飯, 炸春卷蝦餅, 生菜包等.

炒野係ok 的, 炸的春卷好脆, 蝦餅脆而不油;
不錯呢.

炒飯及粉也很好, 但份量太細了, 對成班玩通宵的男仔來說, 太少了!

生菜包唔夠辣, 其實係唔辣... 可能係就d 老外吧?

服務ok.

埋單都要一人一百... 但其實都唔太夠飽...
返到去房, 仲煎埋燒剩的紅腸, 扒及雞翼....

隱姑茶果(大澳)

又點可以miss 左呢檔?!
咦, 唔見隠姑, 得個後生女既?

食個4蚊的咸味的;
仲熱架; 但幾痴張葉, "meet" 唔甩!
花生味都幾重. 好快食晒了~

係一早已放了入個白色膠袋內才賣的,
感覺和一個大蒸籠不同...

味很好.
另外, 紅豆一早已賣晒, 可能係最正的, 下次有機會再試!

其記(大澳)

朋友之前來過; 但現經阿蘇介紹過,
馬上多了不少人,
仲由之前只得3張舊木檯, 加多了幾張摺檯;
由一個阿婆變成3個年輕人.

生意好得很,但水準下降令人木瞪口呆!

牛治係即弄的, 不錯;
但個丁竟係半生熟的, 根本係冇 heart 煮.

大家都可以煮得好過佢. 你睇張相吖, 一半係白色, 得一半係熟左的半透明!

好采個凍檸茶仍很掂. 頂得住~

哼, 當係 "ok"啦.

要努力呀, 驕兵必敗!

歡樂食店(沙田)

一支公, 中午時間都不知食乜好, 行出馬鐵,
見都未食過此餐廳, 今日一試喇!

已兩點, 門口的位已執起晒; 坐入內先.

都有好多野揀, 但係特別多肉餅類既!?!

好多肉餅飯, 有咸魚肉餅, 梅菜肉餅, 咸蛋肉餅....

o岩晒我呀
叫左梅菜.
好快上.

咦, 唔係獨立一碟仔蒸的, 而係一大碟蒸再切一塊俾你的.
有d 似 lasagna....

份量不少, 飯好多, 塊餅都有 成吋厚,
咬一啖, 唔算太肥, 梅菜也好香!

送啖飯, 正呀~
一提, 都有不少菜, 食咁多肉, 加d 菜係健康d 既.

叫了中湯, 係豬肉粉葛, 也ok.
ok 噃!

沾仔記(中環)

一早出中環, 唔想沙爹牛肉麵, 去了沾仔.
諗都唔諗, 叫鯪魚球+雲吞麵!
當然係食最"勁" 果d!
好快有得食;
雲吞勁爽, d 蝦係新鮮到, 咬落去 "素" 一聲的;
另d 鯪魚球夠大夠鮮味, 完全唔腥, 正!
服務很好, 姐姐好好笑容, 一讚~
21蚊碗, 仲想點?
會再來的~