週六3點幾黎，第一次要等位（多謝旅客） 前面排左兩台（1人+2人），有位就比排第四嘅3人先（點解唔可以一次坐哂前面三堆人），人多有著數 等左一陣，坐低點餐。梗係要自己scan QR code落單啦。scan左無數次都scan唔到，叫個侍應落單，講完要點嘅餐，回我一句：你要自己掃曲點餐 大佬，我就係scan一大輪都唔得先叫你啦 難怪大家都上大陸消費，又唔係平（常餐加左價要$61/67） 奶茶係好飲但其他嘢就普通茶記啦

之前朋友黎過呢到食覺得幾好，今次約左幾個朋友去試下。 電話book位後有員工whatsapp聯絡並比個menu（pdf）我，提我「私房菜」要提早預約。提早預約了金瓜奶油會開邊龍蝦/糯米雞翼/鹽焗奄仔蟹（各兩隻）及泰式瀨尿蝦六隻，全部菜式在員工提供的menu都係明碼實價。 到場後嘢食都好味，另外叫左胡椒豬肚雞湯都好好味。 因為之前已經預訂左私房菜的菜式，所以當日並沒有再特別查看餐廳內放置的菜牌菜式嘅價錢，呢個係其中一個失策位😫 到埋單嘅時候，都無特別發現，當時只睇下數量啱唔啱，出門口後同朋友講，哇個龍蝦都好貴下要7百幾，大家先發現有古怪即刻睇單再對返員工sent的menu。 基本上所有海鮮價錢都同佢地sent的menu唔一樣，最過分係龍蝦，menu $188/隻，現場收$388/隻。 入去問返侍應，得到嘅回覆居然係：menu嘅價錢係錯；太難改所以無改到；個龍蝦好靚架係「花龍」出面都好貴架；而家我地改哂餐牌海鮮係時價架啦啊係啊whatsapp唔記得通知你sent比妳個餐牌價錢唔啱㗎；我地唔會呃人架（下刪三百字） 係咁可以全程都無再講價錢，如果係時價whatsapp同我覆單預訂咩菜式數量比我個陣都隻字不提？ ？！黑人問號。但我同朋友都唔知可以點當場發難，單又簽左，無奈，剩係可以上黎講，提醒大家小心。

晏起身去九龍城快食，見呢間大城小廚都ok，好多不同種類類似茶記小菜個d。叫咗個頹飯扒一般般，唔難食唔好食咁啦，幾十蚊是但啦。奶茶一般無特別。 想講係當日一個人坐卡位，食食下突然有個員工埋嚟，打開另一邊無人坐嘅位個坐墊，拎出收埋係裡面一大包糖放係我檯面無搞錯啊嘛 首先一聲都唔出已經夠突然，大佬食緊嘢你成袋嘢放係個客檯面？雖然佢再拎多袋嘢之後就放好個坐墊+拎走袋糖，成個過程都係幾分鐘內嘅事，但好有問題咯係個客食緊嘢個陣，而家唔係個員工食緊飯喔。 唔會再去咯，九龍城大把選擇。

是日做完body check中間有時間係附近食個lunch 本來係openrice已經搵左隔離街想食嘅嘢 點知行過發記，見到個lunch menu又幾抵，忍唔住就入左去。 （當期時仲未醒起「發記」就係之前係西貢食過超難食甜品個間野） 我叫左個牛油海蜆意粉+凍蛋白燉鮮奶 個陣其實無咩人，除左我一個之外、得兩台客（加埋都無10人） 點完餐之後，一杯水都無，問左侍應比杯水。好正，得1/3杯而且出哂煙，點飲？問個侍應可唔可以加d凍水，佢答我得呢d（滾水），你攤凍佢啦 ok fine. 問佢咁可唔可以比大杯d？比返我嗰陣係半杯，多謝哂 可能廚房得一個人，雖然得幾個客，都要等15分鐘先上個凍燉奶，係，你無睇錯，係上左個甜品先而且咩都唔洗做， 拿碗嘢出來都要等15分鐘。無奈唯有食左甜品先。 個燉奶都ok滑，但係鮮奶味唔夠濃，不過不失，唔算難食，但唔係特別好食 等多5分鐘左右就來個意粉 叫硯肉意粉好大個伏位就係餸太少，呢個都ok有7粒硯可惜有砂 意粉都爽身，如果係蒜辣會好味d，而家牛油蒜蓉有d淡口。 侍應好正，比得隻叉我，點撩d硯肉出來啊？！用手？ 而且提供正餐，紙巾都無張（有賣$5包），好心唔好咁縮皮。 總體味道唔算差，唔算好，不過唔洗$60有意粉有甜品係抵食嘅，對食物味道無咩要求嘅人可以一試。我就應該唔會再來。

唔記得第二定第三次來葵芳simplylife，睇番上年年中時來過dinner都有寫文，一般我好少同一個地方出兩次食評、今日真係忍唔住。 今次來食brunch，朋友早到攞位，但係因為食飯時間1:20，都要等到大約2點先有得入座。 因為想食cake，可能時間仲早發現有好多唔同cake選擇，呢樣good！ 2人檯堅逼、冬天來有厚外套加袋都唔知可以點放。 我地叫了一個pasta、之後每人一件cake。 食物水準都算ok，simplylife’s standard if you know what I mean。 但係service係零！無去過咁差嘅simplylife！（上次來唔係咁差勁） 白衫嘅侍應唔知係咪只負責傳菜，成個area得一個疑似經理（著唔同衫，灰色襯衫的）落單/上菜/去門口叫名/帶位/埋單通通全部一個人做，可想而知幾難可以攔截到佢！ 最佩服係佢行路目不斜視，係佢視線範圍舉手叫佢都可以又聾又啞。 落單個次佢都叫用手勢hold一hold示意等陣，雖然之後佢無主動埋返來而係要我再叫佢 埋單叫N次，今次手勢示意都無，直頭係佢上cake比我隔離檯、我地叫佢佢都可以無比任何反應我。 好啦，叫到佢埋單，比張單我到比返張卡我可以一粒聲都唔出，哇呢d咪香港style服務態度咯，欽敬欽敬 同埋知唔知點解要等咁耐位，雖然呢間simplylife算係ok大。佢哋執完位唔知係等運到定咩，可以leave it 10幾20分鐘之後先帶人入來、但要知道出面係N咁多人等緊。 我唔知係人手短缺定咩、呢位人兄比我感覺超差、brunch時段都咁嘅西樣、想像唔到佢做到夜晚時段會係咩嘴臉。

呢排食左幾間想左食好耐（由佢開到而家！）終於食到嘅餐廳👍🏻 其一就係中環中價扒房 La Vache! 呢到book位要5位起，否則就要walk in。 之前來過知道walkin要等個幾兩個鐘所以放棄左，今次朋友7點先來登記（佢在有檯時會打電話通知），都等左大約1個鐘。 內裏環境都好似歐洲的bistro 餐廳只要一樣餐點：牛扒+任添薯條 每位$298 Drink list如下 我地點了house wine，橙汁 同 L'elixir (cocktail) 講左牛扒要幾成熟後，先送上麵包+沙律食住先 沙律個dressing（唔清楚係咩）似加左檸檬汁，酸酸味味好refreshing 吃完沙律後，牛扒大約係點左餐後30分鐘上 餐廳會在牛扒盤子下放了小蠟燭keep warm 我地3人都要medium rare，覺得比medium rare熟d d但可接受 外層煎得幾香脆、裡面keep到d肉汁，食落唔會好硬，肉質算柔軟 牛扒碟上有3種不同醬汁，番茄醬、芥末、蒜味蜜糖醬（？），我最喜歡係蒜味個個醬，不過其實唔點醬牛扒本身都好有肉味！ 當然呢個價錢，唔好expect有好靚的牛扒，但以 出街食·中環·晚餐·牛扒 來講，呢個價錢好ok。 主角我反而覺得係個薯條，佢似麥當勞個陣幼薯條，灑上小小辣蒜粉味，次次添加時都係熱辣辣脆卜卜（就算攤涼左都仲係脆），真係好好好好食，好想無限添食🤣 食完牛扒+薯條都好飽、有點可惜食唔到甜品，佢d甜品就咁放係甜品架，一目了然，引死人，可惜實在無位食了。 總結覺得呢到算係一間以中環而言性價比算不錯的餐廳，難怪開了幾年都依然大排長龍。

是日旺角做完facial，夜夜地又餓餓地，返屋企前係附近行下覓食。 經過呢間米線專門店，見到有個厚切豬排好似幾正就試下。 除了米線，仲有焗飯（隔離點左聞到好香）同埋一人一鍋（70幾蚊都ok抵） 我點了厚切豬排+春卷，米線轉巑岐烏冬，加凍飲+$3，total$57 好快就上桌，豬排啱啱煎起，熱辣辣好香！唔算話好厚切，切開裡面唔乾都算juicy，醃料都算入味👍🏻 算的是辣味番茄湯底，問左侍應話唔太辣先點應該自己食得小小辣程度only。來到即刻試個湯底，都幾辣下（小辣？），陣味變左有少少似羅宋湯，酸味幾強，食落有少少假，好在有幾舊番茄粒搭救。 烏冬話係巑岐烏冬，食落都好Q同少彈牙，有少少烏冬酸鹼味。 overall 呢個價錢以快餐來說算ok，個豬排👍🏻，下次都係試下米線，話哂都係米線專門店（笑）。 少少補充：可能來嘅時間都夜，已經接近過晚餐時間之前可能有唔少客，但餐廳嘅清潔真係要加強，檯底大大舊春卷，周圍地下都髒髒der，檯面同餐具感覺都唔太乾淨

是日要去concert，約了朋友去會場前食d野墊肚，因為時間尚早（5點幾）其實都食唔落d咩，睇openrice搵左呢間cafe有tea set同埋咖啡應該ok，就諗住可以食個light meal去一試。 入到去問counter店員（呢到應該係自助式？），點知原來當日無tea set，店員無解釋點解、唔知道係因為星期六定點？！ 同我朋友電話商量一輪，都無咩時間再搵第二間，就諗住每人哎杯野加個意粉share，去counter哎野食時、店員先話意粉要等30分鐘，原來廚房（廚師）出左去，只可以哎好似fish&chips個類，咁之前話我知無tea set比餐牌我時又唔講、完全浪費時間。 一心都幾期待呢到的咖啡，而家真係無下次。

Kumanon造型鐵觀音蛋卷 @ 「cha FOR TEA」 by 天仁茗茶 HK$108 好surprise，超出我期待的好吃。 雖然其實唔太食得出鐵觀音味，我反而覺得似焙茶味(hojicha)的甘香， 茶香很濃郁 蛋糕本身很鬆軟，中間的忌廉唔會太甜太膩 一條唔算大條，但係每人食細細塊，都夠6-7個人食 真心推介！ 題外話，雖然話係熊本熊造型，其實不過係張膠紙有熊本熊造型😂 收錢位哥哥好似好新，落單啊個d好似無咩經驗，公司應該安排個熟練d嘅做cashier

係將軍澳東港城一田「都島屋」對面就係Uncle Tetsu 一直又想試uncle tetsu的cheese cake但係又無機會 今次除了招牌日式芝士蛋糕，仲食埋東港城店限定的芝士味雪糕新地 《Uncle Tetsu日式芝士蛋糕》 HK$68 sorry，真心覺得很普通。 雖然真係好鬆軟，濕潤，但味道不過係一般的日式芝士蛋糕味 受到熱捧相信主要係因爲價格算好便宜？ 《Uncle Tetsu芝士雪糕新地》 HK$48 用膠杯裝，上面有Uncle Tetsu芝士味軟雪糕加上草莓粒topping 下面有corn flake 芝士味軟雪糕真係有芝士蛋糕味（廢話），幾特別 加上酸酸的草莓粒這個配搭唔錯 但個人建議都係試軟雪糕筒（HK$28）就OK，因爲都差$20！