女人聚會，及慶祝好友生日，於是book 咗荃灣海之戀商場食日本放題 餐廳好大間，環境寬躺，但唔知點解星期五晚都比較人少😅 原來朋友book咗VIP 房，好舒適，好似真係去咗日本嘅居酒屋一樣，因為朋友上次食過，覺得好正，所以佢提議在此聚會，但VIP隔音再好啲就更加Perfect喇😎 食物任叫，除咗海膽、雪糕外 炸物香脆、壽司、卷物 🍣好食 我哋order咗壽司船及海膽，不俗👍🏻 大家食完都好滿足，而且相約月尾再嚟食過🤣

今期最Chill 打咭點，必屬此處 記得要响官網book咗位先，需要打信用卡資料落訂，以防no shown 扣費之用 搭港鐵去東涌轉3M巴士，記得睇schedule, 如果唔係好易遲到，幸好致電改遲一小時都可以😎 响銀灣邨落車後，謹記沿消防局靠左直行，約五分鐘便到，千祈唔好信google, 我就係信咗佢行多咗15分鐘🤣 入面有四個打卡位，初時都好擔心影 唔到靚相，但大家都好Nice, 會問定影完通知聲，然後輪住影 叫咗牛油果酸種麵包, Flat white coffee ADB, Lime Mint soda, 食物有水準，價錢略貴一點，有蚊怕水提供，因為冇冷氣關係，所以都幾熱，但望到池邊景色乜嘢辛苦都冇晒🤣👌🏻藍天白雲🥰綠水蕩漾 雖然路程遙遠，但見到咁靚嘅景 都值得嘅🥰

今晚要開OT, 同事提議幫襯荃灣，於是由沙田揸車出荃灣買外賣，得知此店開咗二個多月，都幾多人幫襯，攞咗外賣返到沙田已經晚上九點多，正正興高采烈開餐時，先發現少咗一個餐，好掃興，於是whatapps通知返小店，諗住下次再補番個餐，誰不知老師細問我依家係邊，咁我話響沙田😓點知佢話搭的士送番個餐俾我，我都半信半疑！ 點知真係半小時後，晚上十時多，Ricky姐姐親身搭的士由荃灣送個餐到嚟沙田，我個吞拿魚丼$88， 但由荃灣的士往返沙田都唔止$88！咁溫馨嘅小店，真係好窩心🥰 食物有質素👍🏻下次再會幫襯的。 （P.S: 其實同事落單唔清晰：-））

今次係第二次光顧，上次跟二個女性朋友聚會，氣氛熱鬧，好似去咗蘭桂芳一帶的餐廳，因為這裡全是用英文溝通，連訂枱都係用英文😬餐廳特色係有個牛扒、豬扒、羊架嘅櫃（好似超市買扒專區）揀心水肉類後，向㕑師講出想幾成熟，加甚麽配料，然後返埋位等食叫咗半打生蠔，偏貴約$36一隻，但好鮮甜牛扒羊架都好正👍🏻 今日慶生，為咗生蠔而再次光臨，但無奈lunch 係無生蠔供應的，真失望😞 見lunch menu 有牛扒叫，於是order咗一份及籃青口，可能我哋坐sofa位，部冷氣出風位太大，啲牛扒嚟到好快就吹凍晒，青口出色，好香白酒，點麵包一流，薯角好食，值得稱讚係我哋order咗白酒，但試味後覺得偏酸，於是可以改另一隻口味👍🏻 個人認為呢度識合一大班朋友聚會，至於二人世界就不是太識合，提提大家有happy hour ，啲酒更抵飲，一杯平$30蚊㗎。

忙完一輪，梗係要跟同事食過豐富午餐啦，一行8人，去咗一直想試嘅Sol 親和藝術‘餐廳，況且依家做緊第二個餐半價，無理由唔幫襯呀餐廳環境舒適，而另一特別之處是餐廳內的待應比較年長，但他們工作態度認真及有效率，值得俾 我揀咗個燒牛肉沙律，沙律菜新鮮，麵包軟熟，個磨菇湯真材實料基本上食完前菜都飽晒。 每一個午餐買相都一流，至於味道就一個字‘正’ 雖然lunch time 緊迫，但點都要嚟件’chess cake’ 作完美嘅句號。 下次多啲時間，同老公試吓個晚餐先得

今晚得阿仔同我二人晚飯，阿仔提議食拉麵，之前有朋友推薦此間拉麵，於是大家同意試試是否真的好吃，等咗十分鐘左右有位進內，內裡約有九個bar枱位，另有二張枱可坐16人左右，待應有禮貌，枱面有自選餐單，可選拉麵軟硬度，辛辣或豬骨湯底。

最終我選擇咗札幌曲麵（週末假期限定之特上海老櫻花蝦拉麵）湯底味道不錯，流心蛋好味👍🏻，阿仔就揀咗特上豬骨湯底嘅九洲掛麵，同時亦order咗日式餃子，好食，但相對拉麵沒有什麼特別。碗內已有豬肩肉及豬腩片各一塊，個人喜歡豬腩片多些，較嫰滑😋

沒有加一收費，下次可以再來🤗

跟朋友慶祝生日，選了久仰大名嘅Eddy CHU餐廳，地方比較峽窄，枱與枱之間都較為貼近，畢竟是尖沙咀吧！

Lunch set $128-158， 免加一， 基本包沙律、餐湯，麵包等，另可加$48有海鮮拼盤（熟蝦、帶子、生蠔，象拔蚌刺生，熟鮑魚各一）認真抵食。

我們三人選了一份海鮮嘗試，餐湯是雜菜湯，並不簡單，用了牛肉粒來煲，可惜有一友人戒牛肉的，湯到來時才發現，但餐廳的四眼仔哥哥很窩心，特別為朋友再弄沒有加牛肉來的湯😊

我和朋友各選了$158 羊鞍，另一友人個選了黑毛豬，我們的羊架大件夾好食，出面餐廳普遍都係細件，肉質鮮嫩爽口， 至於黑豚肉扒便不是我杯茶，總括而言，價錢合理，食物有質素，會再來的。

老公預早告知，今年會有一餐好豐富嘅日本Omakase生日飯，期待又期待！終於等到今日了😆

店舖細小，全是吧枱，可坐十人。老公好有心思，自己帶咗支超正嘅Sake'一雫入魂'，開瓶費$150，但可以現場order免開瓶費，最低價銭720ml $368.

食材新鮮，感覺就好似去咗日本一樣, 最驚喜之處係你預計吾到會食乜嘢，因為要來貨新鮮，先會用作時令食材，所以永遠都係'新鮮美味'.

雖然知道今餐都比平時昂貴，但係人一世物一世，點都要試下！今晚真係好開心，因為老公為我精心挑選的美味生日飯😍😍😘😘😘

之前見到La terrazza 咁多好評，已經好想試，今晚終於有機會嘗試，閒日晚上8時左右walk in 有位，餐廳樓底高，又夠光，氣氛很好。
坐下來，待應生便會問要凍或熱嘅蘋果茶，我們三人各點了set dinner, 大蝦長通粉（忘記影相）豬扒、及魚柳意大利飯，套餐約$128-248，只得一款蘑菇忌廉湯，雖然好多新鮮蘑菇肉，但湯無乜味，在要求下才有牛油搽麵包，豬扒好嚡，但不及魚柳難食，好梅及好咸，其實三款當中，大蝦長通粉係比較好食，但甜咗啲及無乜味！飯後加了各$28元，要lemon chess cake & 奶凍，芝士餅吾得結實，散狀，奶凍一般！
整體説，沒有下次了，因為食物吾得，表面化。

Happy Friday! 好想減壓，梗係beer beer佢啦，打開open rice,見到旺角嘅Mini Club 人氣吾錯，於是頂位，佢係酒吧亦是傾計嘅吾錯地方。
帶埋十二歲仔仔落去見識，晚上七時到達，氣氛寧靜，先來小食花生加車打芝士脆餅乾，order咗$368 white win (餐點叫了海鮮拼盤，有半隻睡蟹、半隻龍蝦、6隻籃青囗，3隻熟蝦，3隻翡翠螺，1隻車厘蜆）買相可以，但不是太鮮甜，另order $138， 4隻𧐢，有多款選擇（2x Britanny, 2X Gillardeau) 𧐢新鮮，但略嫌用蒸溜水沖洗過度，無咗海水鮮味。
白酒ok!, 叫了莎樂美腸大Pizza，味道ok,再加一客薯條，Perfect!但可惜上菜很慢，好多時都要追單，頗掃興！
此地方適合吹水傾計。