雞翼山 (紅磡)

一向鍾情和風日系的我，非常喜歡糅合咗 Wasabi 同埋蟹籽嘅食物，一直都搵緊究竟 Crossover 點樣嘅味道，會帶有日本之味，又不失香港地道風味？無錯，就係雞翼！好開心遇到呢間雞翼山，諗到呢個檸香山葵蟹籽雞翼創新配搭，令我好似遇到故知一樣，做出我心目中想要嘅小食！講返個雞翼，隻隻都係即叫即炸，粘上香甜青檸醬，外面仍然是每啖脆卜卜，而裡面繼續滑溜入味，醃料味道啱啱好。加上口口Wasabi加蟹籽，辣吓辣吓更過隱。一次過食到咁多層次口味，我個人十分滿意！雞翼山，一定有下次！

Bittersweet (粉嶺)

曾經幫襯幾次，覺得小店食物質素不錯
咖啡也香滑，曾帶朋友過來踩單車前吃

今日打算食個下午茶，兩個朋友先等位，內有bar檯位，但店員講人唔夠唔入得，當我來埋人齊入座，3個排排坐面壁坐bar檯

一坐低，隔離四人檯起身走人，我向店員微笑指一指隔離示意可否轉坐四人檯，點知換來其中一位短髮及肩的店員很惡的回應：「冇得換位，一係你出去等再入過來！」

問題係出面冇人等，唔通我地出去企一企再開門入來坐4人檯嗎？得到兇惡回應，當然起身再走，難道真係出去再入來嗎？

一向都好鍾意支持呢間小店，點知會落得一肚氣下場。

粉嶺bittersweet 實在不敢恭維，各位想去求氣可以一試，否則就免了。

西宮 (元朗)

中學同學新婚搬入元朗，幫手搬屋後請我地去食自助餐慶祝入伙。小弟見識少，原來元朗都有自助餐！心諗自助餐2百蚊想點吖！估唔到有蠔食喎，雖然係焗蠔唔係生蠔。但一蠔難求，一 refill 就俾人搶晒！全晚總共食咗2隻咋！冷盤海鮮另有凍蝦，青口，大八爪魚，同埋未食過嘅聖旨仔，都幾好食！熟食食物都幾多款式，自己就幾鍾意食天婦羅蝦同埋泰式咖哩牛腩。小食方面溫泉蛋同埋Cheese & Ham 都係食咗幾 Round 。其他幾特別嘅包括德國腸，燒牛肉。而壽司刺身有五六款，連燒三文魚，天使蝦都有，算係幾有誠意！甜品唔算特別正，但都推介大家食焦糖燉蛋！香滑唔太甜，焦糖脆卜卜。難得酒店級 Level。

Mr. Korea Chicken (銅鑼灣)

聖誕節銅記人山人海，好彩揾到個地方舒舒服服食餐飯！
Hit 咗大半年嘅炸雞 + 啤酒終於有機會試吓。因為人多可以試多幾款，穩陣型嘅我叫咗「原味 + 香辣」，果然係 good taste 我覺得呢款最好味，唔算太辣，平時唔太食得辣嘅女朋友都食到！面頭點滿甜辣醬嘅炸雞裡面都仲好香脆，不錯不錯。女朋友點咗「醬油雞翼」，都非常唔錯，出面好少見，完全唔係中式豉油雞嘅鹹味，清清地韓式醬油，而且炸到好外面乾身，裡面仲有啲肉汁，有人想 encore 不過大家想試多啲新野所以說服咗個 friend下次先！之後食咗個好好味嘅堂弄紫菜飯團，超驚喜即場炮製而且好香麻油味！仲有一客海鮮炒年糕 (堅辣，好辣人士必食)，啲海鮮好足料，蝦，魷魚，好似仲多過年糕，而且夠飽肚 尾 round 時侯，waiter 姐姐介紹咗啲勁韓國 style 小食俾我地，燒魷魚 + 燒小明太魚，韓劇裡面果啲男人一路飲酒一路食嘅餸酒小食，幾特別呀又有特色。見係聖誕諗飲啲酒，叫咗清酒 + 真露。最緊要係之後我地吹咗好耐水都冇趕人走。Service 加分！！

Mr. Korea BBQ (尖沙咀)

「星星」熱都過咗一排，但班friend都仲係好想食韓野，book咗尖沙咀韓國街嘅 Mr. Korea。
幾啱我地呢班無肉不歡肉肉男。淨係豬牛都有分醃肉同埋鮮肉，我自已就比較鍾意鮮肉特別係牛肋骨同埋五花腩，啲Friend就覺得醃肉更啱口咪，較有層次。食食吓餐廳姐姐介紹我地試一隻 mix 酒，我地之前都未飲過，佢即場用米酒 + 果汁 mix 俾我地飲，我地幾個人share 又幾 fresh 冇介紹錯。去到中段追加咗個蛋餅，個邊脆脆地，裡面有海鮮，都算足料，夠飽肚！臨尾食咗份魷魚，好厚切，其他地方好少俾咁足份量，我地幾個都好like! 

其實仲有銅物，下次可以再試。

而全間舖都有好多韓國人，感覺很正宗！（侍應好多都係喺香港讀書嘅part time學生，甚中一個女仔friend係咁叫人做oppa... XD）