假日午飯時間人來人往，座位有點迫。餐牌上所有item 定價都有$0.8尾，是生意頭腦定風水？睇得有點頭暈眼花。餐牌都是一般燒味店和茶記的配搭。我叫了最試得出燒臘真章的叉燒飯，有得揀碟上或碗上，比較之下碟上比較抵。叉燒份量多，肥瘦度適中，係幾好食嘅，不過汁落得比較重手，下次叫少汁可能啱啱好。

之前見openrice 食評評價很高，一直想試。但以前不設訂位，成日驚無位。但熱潮已過，今次 weekend walk-in 都唔使等位。菠蘿冰，呢個堅無介紹錯，一定要飲。甜度剛剛好，又夠大杯。炸雞有點失色，炸漿唔夠鬆脆，不過調味幾好，這個價錢來說，算ok!哈哈無諗過這個飯係全程在客人面前煮的，又幾有趣，仲要整心形。其實醬汁落得太多，不過芝士堅仲係流心，整體都算幾香口，好快食哂。

比起之前去過的將軍澳店，這邊雖然地方比較細，但更能做出cafe 的味道。客人也相對比較斯文，說話聲浪比較似身在cafe 而非酒樓。環境方面勝幾籌。不過有點奇怪的是門口分兩邊兩條一模一樣的隊，向左走向右走，我估計是相鄰兩個舖位兩間一模一樣的 Beans 應該不是同一時間開業？所以沒有打通？但這造成每枱客人其實也拆散兩邊分別排隊，好奇怪的安排。

Anyway...雖然坐在對街外的 bar table 位置，感覺也不算太差，因為隔音做得不錯。Earl grey latte，跟將軍澳店一樣，熱飲不夠熱。要說明一下其實我並非要求要滾燙的飲料，但至少室溫不足夠吧Green tea latte 比較起來就要熱一點，還好。味道不錯。不過服務生手震得緊要，上枱一刻以為要倒瀉了上次食了pasta，今趟想試pizza。很不錯啦，批底很香脆，用料夠，醬汁美味，還有甚麼好挑剔呢？本人是 Banoffee pie fans。這裏的出品令人失望。Cream 太多，香蕉少（只有最底深黃色漿的薄薄一層，你見到嗎？）

雖然要等位，但見客人 turnover 算快，食物飲品上枱時間不算耐，值得等一等呀～

本人係好鍾意試新口味的，所以每次有新限定王都會試。今次見到係咖喱王，諗住無死，仲有我最like 嘅薯片响面。嗯⋯賣相就不錯，聞落好香。不過食落去，辣味太重，同佢 description 有出入，無咗湯嘅鮮味。配菜菇好少。今次有點失望。

出旺角食飯，唔想同人迫，又想食好野？考慮下呢間，絕對有驚喜～

餐牌選擇繁多，要研究好耐先諗好要食咩。不過未落單之前已經有surprise, 事關枱中間係魚缸，有三數條小魚在「游」閒！可能是平日的關係，晚飯時間客人都不多，環境清靜。餐廳裏的裝潢有心思，不論是牆上、地板，未開飯都讓眼睛先滿足。侍應會親切的介紹菜色，也沒有催促落單。素鵝，上菜尚算脆，但無論用料和味道都真的很素。葱油餅，不算油膩，葱可以多一點，餅很充實，算是物有所值。忘了 exact name，總之是菇和雞啦。最入味係呢碟，雞炆得好焾，好快清碟。汁送飯一流。侍應之推介。凍豆腐豬肉粿條。味道我本人不太喜歡，但家人食得津津有味。我比較喜歡這個蕃薯苗。我本身不喜歡食蕃薯苗，但這裏煮得好鮮味，我不經不覺食咗好多
整體而言，雖然呢一餐叫唔中樣樣都啱食，但勝在選擇多，環境搭夠，應該有下次。

同座大廈來說，這裏人流不算是最多，平日晚市有吉位。餐牌裏其實特色野唔多，都係appetiser pizza pasta entree dessert 咁啦。沙律菜還算新鮮，煙三文魚好鹹，吞拿魚的質感有點怪、無乜味，整體份量搭夠啦。軟殼蟹椰汁risotto。軟殼蟹炸得不錯，炸漿份量適中，調味剛好。飯淡淡滲出椰香。不過餐廳內冷氣偏大，碟飯未食到一半便吹涼了，有點可惜。四式dessert platter。左上的焦糖燉蛋、右上的栗子cake 都不錯；右下的berries basket 很酸，一粒 berry 一定要連埋甜點一齊入口才行。左下的黑芝麻 puff，餡帶酸味，有點怪怪的。

整體而言，我覺得灣仔店食物質素好像高得多，不知何故⋯還有，明明很多吉枱，偏要把客人堆在一起，整晚鄰桌的對話都全入耳中，何必呢

其實之前經過這裏多次，完全不發現這酒吧食肆的存在。Openrice發現了它，決定去試試～

午餐有set，價錢平一些。跟餐加$10 有普通薯條、$20 有甜蕃薯條，我們選擇了比較少見的甜蕃薯條。炸得新鮮香脆，配bbq 醬加上甜薯滲出淡淡的甜，出乎意料地夾，好味！熱狗都未上枱已經食哂熱狗包用牛油煎香，入口還脆。配上濃濃的松露醬，去到中間那誠意滿滿的滑蛋，難怪這是其中一隻招牌熱狗。不過說是雙重松露，中間的黑松露唔係好食得出。牛魔王，中間用咸牛舌代替香腸，有創意！配上香濃肉醬，好好味，如果加埋芝士就一流

天氣熱，冷氣稍嫌不足。見很多客人都特地要求調枱去舖最入面。舖面不大，人少少2-4人傾偈最啱。

文青cafe 來說，坐得不舒服，同鄰桌太近。兩邊枱的對話我一字一句都聽得不漏，環迴立體聲，活像茶餐廳甚至酒樓一樣。Latte 極之令人失望。雖然不是咖啡控，但咖啡味不足、而且不夠熱（暖也說不上，只是微溫），上枱放一兩份鐘已經變凍⋯好彩食物補回票價。黑松露味夠，意粉 al dante，軟殼蟹脆但不膩、大小切得適中，好快就食哂 不過男士可能覺得份量不夠，我就覺得剛剛好～

門口有人等位，用餐時間限1小時15分鐘。menu 幾獨特，別家未見過，咪試下囉，點知⋯呢舊野係沖繩名物？我未去過沖繩，但個炸包一點也不好味。裏面的custard 無味，質感不creamy；舊包只係食到炸味⋯ 盛惠20大元，極之 overpriced. 好啦，話說呢三張相係屬於同一個定食的。個芝士辣蕃茄飯係最好味的了，不過屋企都應該煮到。蜜糖芥末汁味道ok，豚肉就明顯 overcooked，上枱仲要煮6分鐘，在廚房就煮少陣啦，啲肉片咁薄，唔靭就奇。Vanilla ice-cream + 炸包 + salted caramel ，炸包唔再講了，但咁樣夾埋一齊食好過之前就咁食個包。Salted caramel 係整碟重點，甜甜鹹鹹味道調得不錯。

從商場那邊入口進入，根本沒想到餐廳的一半原來是座落於賭場入面～ 菜圃蛋，賣相好吸引，味道也不錯，送白飯一流，底面都煎得香台式豆腐煲，其實不如叫三杯豆腐煲啦，根本就是三杯雞的豆腐版。豆腐大小適中，味道也調得好，不會太辣這道蜜糖豆中規中矩吧，雲耳有點不新鮮，淮山切得太大舊，蜜糖豆去纖去得不清。有暇疵，不過味道整體還可以。