趕時間所以沒有怎麼選擇餐廳，見有位就坐下了。 午餐餐牌有6個餐選擇，配有牛油餐飽、湯或沙律、主食、餐飲。 沙律菜算新鮮嘅，一人份量都算大碟，但係Salad dressing 太酸，落得太重手，在底下的菜極之酸 餐飽上枱時仍是熱的，呢樣要讚 呢碟忌廉蟹肉意粉，咁嘅質素呢個價錢實在有點那個。汁太多，好膩，蟹肉有好多殼，無乜蟹味，如果一早知有咁多三色椒我就叫另一樣野⋯ 份量算足夠 A la carte menu 上面一碟野價位仲貴過一份午餐，所以散叫仲和味。 埋單咁就$102 啦，唉⋯

街坊行過來幫襯，本身都帶著點期望，畢竟它是取代了之前做得不錯的銀杏館，再者如果好食的話可以多一間食肆選擇。不過⋯ 言之過早。一坐低記得驗查下枱面的碟。油淋淋令人懷疑究竟洗了沒有⋯ 未叫野食已經失望這個牛肉羹做得中規中矩，算是個好開始。羌茜同葱令味道幾配合，但唔喜歡的朋友就想清楚才叫，因為都幾多，要挑走有難度！蒜香骨算是全晚最好味的一味餸了，骨肉易分離，蒜味不太濃烈但香口，肉也不太肥膩，整體唔錯豆腐也算ok, 無乜驚喜。基本上同一般中菜酒家出品一致。菇菌算多種類，豆腐份量多，不老，但整體唔夠香。呢碟野叫招牌滋味雞。非常失色。味道獨特但唔夠入味，偏油，肉質算嫩，上枱不夠熱⋯ 用來做招牌是否說明了這餐館最好的水平就到此？

每位客人有一碗白飯不額外收費。晚上有solo singer 自彈自唱表演，7pm 8pm 9pm 三個時段。侍應可能比較多新人，全晚不斷上錯餸菜。但加水勤力和態度良好（比captain 好），挽回一點分數。不過，未必會再專程行上來食。

在大角咀深處朝聖，這小店並不起眼，但OpenRice 個個讚好一定有原因⋯這個！得奬黑松露pizza, 個個po 都話要試，咁就一定要捧場。結論係：
一定要試、一定要試、一定要試
好重要所以要講三次。
相信沒有第二間餐廳可以食到。
兩塊脆pizza 夾著黑松露醬，香濃而不膩。外層芝士烤得香脆。一上枱唔使五分鐘兩個人已清碟。配提子醋是畫蛇添足，我認為不點醋比較好。這碟豬肋骨的精髓是可以不用刀，因為肉煮得好焾、好入味。個醬比較稀，但亦因為呢個緣故，多點醬也不會膩。唔停得口飲品不是這裏的強項吧。這杯紅豆抹茶奶昔就有點失色。抹茶比較淡。

服務員態度友善，中途勤加水，服務抵讚。
如果行開呢頭，應該會再幫襯～

想試好耐，但見到OpenRice 兩極化的 comments ，有點卻步。不過這一晚walkin 都有位，就即管試下啦。

餐廳不大，坐位都幾擠迫。bar 枱坐得唔太舒服。150cm 小矮人有點吊腳呀
入座又唔出聲，坐低咗一陣先話要1.5 小時還枱，有點扣分。食物速度上得太快，強烈建議分幾次叫野食。一次過上哂好狼吞虎嚥feel ，食物又快涼，食得不暢。金菇肥牛卷係驚喜。我一向都很怕食這個，因為好黐牙。不過這裏的一點都沒有黐，很久都沒遇過，係今晚最出色的燒大啡菇。size 適中，仲juicy ，有人話貴但我覺得ok燒雞軟骨。夠味，脆，唔錯。黑松露牛油帆立貝。好香！不過牛油咁樣上有點奇怪芝士蟹肉玉子燒。無乜蟹肉味，整體一般啦。芝麻凍豆腐，中規中矩。深宵薄餅。有點像大阪燒但又唔完全係，都幾好食，兩個人食份量有點多。汁燒醃𪂹蛋，唔夠熱，無乜特別，唔推介。

兩個人食到捧住個肚走，好飽，埋單400+
大廈等𨋢等好耐，比d 耐性。另外餐廳有一半座位在戶外的。

餐廳好近黃埔站其中一個出口，行一分鐘就到。餐牌選擇唔算多，大致為appetiser, main course, pasta, pizza, dessert，都係一般西餐廳的選擇。最吸引的莫過於酥皮pizza，都有三、四款口味揀。

Pizza / 主菜轉套餐就有湯/沙律+飲品。餐湯周打蜆湯就比較一般。稍為淡及稀，料不算多⋯ 嗯，唔係好正宗嘅周打蜆湯啦。小食拼盤好快便上枱，食物就熱，炸物新鮮炸起，幾香口。肉丸都好味，雞翼少少辣幾好味。德國腸分量都唔少。總括來說個 platter 都幾滿意。重點來啦～ pizza 超正！酥皮底真係好特別，好香脆。肉料好夠，啖啖夠餸。食都最後一塊，個餅底仲係熱的，可想而知銷情幾好要補差價的caramel oolong tea 係茶包貨色，中規中矩啦。呢間野我地應該會返轉頭再幫襯的

行街經過想坐低飲杯野。坐低咗先發現此乃黃埔區高踞榜首的食肆。由於不是正餐時間，兼且這是cafe，決定只叫野飲食件cake。枱面上卷蛋的廣告甚是吸引⋯點知⋯看看實物和後面的menu!!! 實物厚度足足少了一半!!! 好過份，而且味道只屬一般，無期望之下都覺得好失望

話明係cafe, 如果野飲唔得都真係執得。
幸好兩杯野飲攞番d 分數。Mint chocolate 薄荷同朱古力味算balanced，拉花幾得意～Hojicha Latte 茶味夠，茶控應該會like，係略嫌甜。

專登過來就免了，經過一試尚可考慮。

以前黎食過幾次，次次啲食物唔係太油就太鹹，好失望，亦都無乜返兜的意欲。

這天我們在隔離店等位時受了氣，見這邊有位，便過檔這裏來。今次夠多人，可以叫多野食的set。結果喜出望外喎。兩款portobello 好 juicy, stuffing 無論味道和份量都恰到好處，唔會搶咗主角 portobello 的風頭，配搭亦有創意唔記得叫咩沙律，上面蟹肉算多，菜新鮮，唔錯唔錯牛油果鮮蝦沙律。我幾日前先食過附近舖 "ParkVxxx" 的同一菜色⋯ 呢碟出色十萬倍！調味好好但又不鹹，蝦大隻，沒有overlooked ，意粉 al Dante 啊～ 這牛扒燒得好好
好香口，又唔靭，好耐都無遇過咁嘅水準
（個人認為仲好味過Gordon Ramsey 的 beef Wellington)甜品算不過不失。那朱古力球好攪笑，食落就都係咁啦，白朱古力+朱古力醬+雪糕。另外那個雪糕多士就，嗯，建議試下另外的選擇好了。

難得行過有位，其他牧羊少年食得多，究竟呢間有幾創意呢？當然要把握機會試下。
二人餐都幾抵食，見好多pair 人都有order。Caesar salad 好味，菜新鮮，魚夠大片；但如果麵包切得細一點更好。這多士有點怪。「蜜糖多士」是指這種特別的多士，裏面應該沒有實體蜜糖存在。材料整體唔係好夾；不過份量好足夠，補番數。個芝士醬唔係好夠芝士味。蝦大隻但無乜鮮味，似雪藏蝦。此碟稍嫌遜色。呢杯正到暈，如果你好「花生醬+朱古力」呢個組合的話，呢杯是必試New York Cheesecake 好失望，口感差很遠反而這個焦糖朱古力 Cheesecake 比想像中好，整體唔會太甜，質感比之前那個合理

Menu 裏的確比其他牧羊少年店多些創意野，尤其是飲品，我們應該會再來

食店極不起眼，要穿過前面兩間食肆先至去到。兩人都有半圓梳化位坐，正！

餐牌有二人套餐，但對我們來說，那份量是太多了，寧願散叫食物。海鮮炒粉，落order 之前有點神秘感，因為英文名字說明有兩種不同的粉。仔細的看才發現是米粉+透明的粉，幾得意。又好在炒得非常乾身，雖然都幾大碟，但不覺得膩只看菜名已覺吸引。一放入口不得了，豬扒脆口的，有蜜糖甜味又有酒味，幾balance。唯獨罐頭水蜜桃有點格格不入，而且整體偏油。A菜，上面d 肉碎同雞絲都唔少，同幾香口

不過呢，某男職員上菜時飛碟落枱面，又黑面，令人側目
環境亦屬一般，因為望住溜冰場，我們用餐時下面打緊冰上曲棍球，好嘈！

來過數次。試過午市晚市。南京牛肉麵有人評論說淡，我不同意。我覺得湯淡淡的反而很出色，正如店家推薦，這個麵湯其實是預客人飲的。濃淡剛好，淡淡的香味，牛肉份量夠，菜也不只是求其一兩條。整體有住家菜的感覺，很出色。

香酥炸陳皮鴨也很出色。老闆要客人趁熱吃是有意思的。連鴨皮上，但一點也不油膩。鴨肉有手撕feel，正如其名「香」「酥」，有陳皮淡香

作為台式店怎少得肉燥，結果也很滿意，小店的肉燥送飯

另外見到有客人吃不完，打包，老闆有心地為其食物加湯，很貼心～